|
اعمل تظلم و لا ايه ؟؟؟؟؟ 16 درجه ف علم النفس؟؟؟ صدق او لا تصدق ...
يا جماعه انا ناقص 16 درجه ف علم النفس مع اني كويس ف الدراسه و جايب ف تانيه ثانوي 93
السنه دي سمعت درجه علم النفس اتصدمت و الله .... انا طالع م الامتحان و لحد دلوقتي متاكد اني خمسين مش 49 ما بالك درجتي هي 34 و ف ايه ؟؟؟؟ ف علم النفس ؟؟؟؟؟ طب ازاااااي بفكر اعمل تظلم بس هدفع فلوس ع الفاضي مع العلم ان بسببه جبت المجموع الكلي للسنتين 88 انا كنت ضامن هندسه او تطبيقيه ع الاقل لكن كده طارو الاتنين فهل اعمل تظلم يمكن اطول كام درجه الحق فنون تطبيقيه ؟؟؟ |
انا برضك ليا واحد صاحبى المفروض يقفل علم النفس
بس جاب 46 رغم انه جايب فى الفيزياء 48 والرياضيات (2) 47 بس 34 قليله اوى ولو انت متاكد من اجاباتك اعمل تظلم |
انا علمي رياضه و جايب ف الانجليزي ف تانيه 22 و نص و تالته 24 و المستوي انجليزي بردو 8و نص هل هلحق تجارة انجليزي ؟؟
|
انا من رأي ولا تعمل تظلم ولا حاجة
وعلي فكرة نفس اللي بتقوله حصلي في السنتين والناس كلها نصحوني معملش تصحيح عشان مش هاخد اي درجة والمهم اللي بيراجع الورق ولا بياخد ولا حق ولا باطل ربنا ينتقم من دول مدرسين مبيرعوش ضميرهم |
طيب ايه رأيك انى خارجه م الفيزياء بقول لو جبت 49 هيكون ظلم وتخيل جبت كام بلاش اقول عشان دى اللى محدش هيصدفها خالص وعموما انا اعرف ناس والله ممتازين جدا وفى علم انفس نزلوا برضو وعشان كدا انصحك بلاش اعاده تصحيح لان كله كدا ولانك مش هتاخد حاجه لو اخدت كتيرهم درجتين مش هيعملولك حاجه |
انا شايفه انك تعمل تظلم
عشا الى انتا نقصتوا كتييييييييير وانتا متاكد من اجاباتك واحيانا الى بيصححوا بيكونوا نايمين لما بتعمل تظلم مش بيعيدوا تصحيح الورقه بيعيدوا رصد الدرجات اذا كان سؤال متصححش بيتصحح وبتاخد درجته واذا كان في غلط في الجمع بيتصحح واذا كنت فعلا مظلوم هترجعلك فلوسك انا بقول تعمل تظلم دا الى هيضيع عليك هندسه يعنى اجمد كليه |
انا واحدة صحبتى كانت جايبة 96 السنة الى فاتت ونزلت 13 درجة راحت عملت تظلم
فى علم النفس مخدتش حاجة رغم انها حلة صح وكان معاها نموذج الاجابة وحلها زية |
انا سنه ال فاتت كونت متاكده كده فى الفرنساوى
وجبت41من50 وعملت اعاده تصحيح والله كونت حعيط وانا بشوف نموذج الاجابه نفس الاجابه بس حرف غلط لقيتها كلها غلط وكتبت الورقه كلها وفضلت مستنيه لقيت واحد بيتصل يقولى انتى...........درجتك زى ماهى وقفل السكه فى وشى ومش انا بس ناس كتير اعرفهم كده بس فى نفس الوقت فى ناس بتاخد درجات بس مش اكتر من درجتين اصل بالعقل حتاخد 16 درجه ويبينوا ان المدرس ال علملك ده سورى مش بيفهم |
حسبي الله ونعم الوكيل فيهم..
|
ربنا يعوضك خير ...وخلي في بالك ان الدنيا مسرحية كبيرة ولا نستطيع ان نحكم عليها من فصل واحد:) |
قدر الله وما شاء فعل الراي الاول والاخير في التظلم لحضرتك من حقك تزعل وتضايق وانا كمان حصلي كده في علم النفس كنت متوقعه ان اقل درجه علشان كان عندي غلطه في نقطه صغيره جدا بس للاسف نقصت اكتر وهنا قرات موضوع اخترت منه بعض النقط
و ايه اللي يضمنك ياللي كان نفسك في هندسة و مدخلتهاش انك تبني مبني و يتهد علي الناس اللي فيه؟؟؟ سبحان الله العظيم ... يبعد عنك كل الشرور .. فيمكن تكون الحاجات دي مكتوبالك لكن ربنا حفظك منها !!! و دخلك مجال تاني. يمكن المجال التاني اللي تدخله تبقي ناجح فيه .. بل من انجح الناس!! يمكن تبقي الاول علي كليتك ... يمكن حد يعينك علي فعل خير ربنا يكرمك بيه طول حياتك ... يمكن يتشال عنك بلاء كان جايلك.. الهدف في النهاية ... ان احنا نرضي بحكم ربنا لأنه أعلم بشئون عباده و ان ربنا اي حاجة بيبعتهالك اكيد خير ليك سواء انت شايفها كويسة او لأ ... فدايما نقول الحمد لله |
انا من راى تعمل تظلم
ممكن يكون جمعوا الدرجات غلط او سؤال مش متصحح بس لو انت متأكد انك حليت كويس والمفروض انك تجيب اعلى من كدا |
عشان اقولك من الاخر بجد
انت هتاخد درجات في حالتين : 1- لوفي خطا في جمع الدرجات . 2- لو في سؤال مش متصحح ومفهوش خط احمر . وانا عملت تظلم السنة الي فاتت ولقيت فقرة عليها درجة مش متصححة خالص واخدت درجتها فعلا. اما بالنسبة لاخطاء التصحيح يعني لو انت كاتب الاجابة زي النموذج وخدت درجة قليلة اعتقد انك مش هتاخد حاجة لان في ناس كتيرة جربوها ونصيحة مني : صلي استخارة اولا وبعدين قرر لان انا بجد عملت كده وحسيت اني مظلوم وفعلا اخدت درجة الحمدلله حتى لو كانت الدرجة دي قليلة بس ممكن تفرق معايا في المجموع |
اعمل طبعا ......
|
توكل على الله و اعمل تظلم انت فى حاجة لدرجة
|
| جميع الأوقات بتوقيت GMT +2. الساعة الآن 10:50 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.