|
حاجة غريبة حاجة غريبة
السلام عليكم ورحمه الله وبركاتة طبعا معروفة قوى اننا لو روحنا عملنا تظلم مش بيتراجع لينا غير التجميع او سؤال متعلمش :mad: انما خطأ فنى لا ميتراجعش علية كأن الثانوية العامة دى سنة عادية زى اى سنة كأنها سنة مش بتحدد لواحد مصيرة :redface: امبارح واحدة صحبتى راحت تتظلم ورحت معاها :friendsxs3: وفعلا اجابتها زى نموذج الاجابة مش تفرق عنة حاجة خالص :confused: بس طبعا مش هتاخد درجات :mad: وراح واحد من هناك قلها لو عايزاهم يعلمولك فنى ارفعى قضية بس نتيجتها هتبان وهتكونى سعتها تميتى جامعة :frown::redface: هل المبرر الوحيد الى ميخليهمش يصححوا فنى عشان يبينوا ان التصحيح كان كلة دقة واستحالة يطلع فية غلطات ولا اية لانى بجد مش فاهمة اية وجهة نظر وزارتنا الموقرة فى كدة ؟ :p تحيا مصر:022yb4: |
ستيفن كوفي في كتابه "العادات السبع للأشخاص الأكثر فاعليه" رسم لسيادتك دائرة سوداء كبيييييرة , و رسم في وسطها دائرة بيضاء صغنونه , سعادتك بقى الدايرة السودة دي هي المشكلات و الواقع و القرف اللي احنا بنشوفه كل يوم أما البيضه بقى , فتبقى قدراتك و الحاجات اللي انت تقدر تعملها , و طبعا قدراتك بالنسبة للواقع الأسود صغيرة جدا زي الدايرة البيضه دي , طب إيه الحل ؟؟ عَمُو ستيفن قال لك لو قعدت تبص على الدايرة السوده هتكبر أكتر و أكتر لأن الحاجات الوحشة بتكبر مع الزمن ... و المصايب بتزيد لوحدها , هتقعد سيادتك تتكلم عليها و تشجب فيها و هي عمالة تكبر و انت ما بتعملش حاجة علشان تحلها .. و لا حتى قعدت تحاول تكبر الخير الصغير بنفس النسبة اللي الشر بيزيد بيها .. يبقى تعمل إيه ؟ لو مش عارف تصغر السودة , يبقى تكبر البيضه !! يعني تحاول تبص على البيضه -الدائرة يعني - , و تتجاهل السودة لأنك ما تقدرش تعمل فيها حاجة , خليك مع البيضه و حاول تكبرها أكتر و أكتر لحد ما تقضي الى السودة - في المشمش طبعا , انت بس هتكبر البيضاء , إنما الشر و الفساد لازم يبقوا موجودين , احنا مش في الجنة - , |
والله العظيم..ده ظلم وكتير قووي كمان..
بجد ,,حسبي الله ونعم الوكيل فيهم.. ربنا ان شاء الله هيكرم صحبتك في حاجه احسن.. وبلاش كلمه(تحيا مصر دي ) لحسن بتنرفزني ههههههههههه.. تسلمي ياقمره عل الموضوع.. |
اقتباس:
انا معنديش اى اعتراض على كلامك بس دى سنة تحديد مصير يعنى مستقبل واحد ممكن يضيع يعنى صحبتى الى حلها زى يتعلملى انا صح وهى غلط يرضى مين بس كدة المبدأ دة ممكن نمشى بية فى حاجات كتير بس الى مش ممكن اننا نتظلم ويضيع مستقبلنا عشان سيادتهم رافضين يعلموا فنى |
اقتباس:
ربنا ينصرنا يارب |
اقتباس:
الفوضى هي فعلنا نحن و هي النتيجة المترتبة على حريتنا . أما العالم فهو بالغ الذروة في الانضباط و النظام . و لو شاء الله لأخضعنا نحن أيض ا للنظام قهر ا كما أخضع الجبال و البحار و النجوم و الفضاء .. و لكنه شاء أن يفنى عنا القهر لتكتمل بذلك عدالته .. و ليكون لكل منا فعله الخاص الحر الذي هو من جنس دخيلته . أراد بذلك عد لا ليكون بعثنا بعد ذلك على مقامات و درجات هو إحقاق الحق و وضع كل شيء في نصابه . و الحياة مستمرة . و ليس ما نحياه من الحياة في دنيانا هو كل الحياة . و معنى هذا أن الفترة الاعتراضية من المظالم و الفوضى هي فترة لها حكمتها و أسبابها و أنها عين العدالة من حيث هي امتحان لما يلي من حياة مستمرة أبد ا . إن دنيانا هي فترة موضوعة بين قوسين بالنسبة لما بعدها و ما قبلها , و هي ليست كل الحقيقة و لا كل القصة .. و إنما هي فصل صغير من رواية سوف تتعدد فصو لا . اشبهها تمام بالمسرحية التي تتعدد فصولها, وان المصاعب او الدنيا فصل واحد من هذة المسرحية الطويلة, ولا نستطيع الحكم علي المسرحية باكملها من خلال فصل واحد فقط |
انا صاحبتى بردو عملت تظلم ف العربى
بتقولى اسئله شاطبين عليها واسئله مطنشه وحاجه اخر حلاوة ف الاخر محدش هياخد أكتر م نصيبه المكتوب ع الجبين لازم تشوفه العين |
اقتباس:
هنقول اية بس الحمد لله على كل شىء شكرا لمرورك نغم وربنا مع صحبتك ومعانا جميعا |
هي متتحسبش كده
مش عشان يورونا دقة ولا حاجة لا كله غصب عن المصحح اللى بيصحح لمدة 8 ساعات على الاقل متواصلة في الجو الحر ودون وجبة فطار حتى ؟؟ ومطلوب منه تصحيح ورق وقت الورقة الواحدة لا يكمل ال5 دقايق لكن السبب هو إنه لو كل واحد عرف إنه ممكن يزيد درجات واحتمالات الخطأ كثيرة فكل ال400الف طالب ولا معرفش كام اللى بيمتحنوا حيروحو يصححوا الورق لعل وعسى يزيدوا في المجموع فلو كانوا حيدخلو الكلية فالزيادة خير وبركة ولو مكنش حيدخلها يبقى الزيادة واجبة ومع ذلك كتير جداً بيروح يصحح تخيل بقى لو كل اللى مش راضيين عن مجاميعهم دول طلبوا اعادة تصحيح انا معاكي هي في ظلم كتير طبعاً بس برده هما محددين بحاجات معينة صعب يسمحو بيها بدون قواعد |
اقتباس:
شكرا لحضرتك |
هى دى مصر حاجه غريبه بس فعلا لو كل واحد عمل اعاده تصحيح علموا الورقه تانى ؟! كلنا حنعمل وهما مش حيخلصوا |
اقتباس:
شكرا على ردك |
اقتباس:
ايه يا عمو الكلام ده |
امال انا بقولكوا اية من يومين ما انا لقيت محامي قدام لجنة التظلم وقالي ممكن ارفعلك قضية وهنكسبها في 20 يوم بالضبط لكن انا مستني لما اقابل وكيل الوزارة واشوف هقدر اوصل لحاجة من غير قضية ولا لازم اعملها
|
هي الثانويه كده طول ما تديها تاخد منك
|
| جميع الأوقات بتوقيت GMT +2. الساعة الآن 11:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.