غدا إعلان نتائج تنسيق طلاب المرحلة الأولي بالجامعات - منقول عن الأهرام 26/07/2009م
 

غدا إعلان نتائج تنسيق طلاب المرحلة الأولي بالجامعات
قبول‏24‏ ألف طالب في‏17‏ جامعة خاصة

القاهرة ـ محمد حبيب‏:‏

يعلن الدكتور هاني هلال وزير التعليم العالي والدولة للبحث العلمي غدا نتائج قبول طلاب المرحلة الأولي لتنسيق الجامعات‏,‏ الحاصلين علي حد أدني‏380‏ درجة بنسبة‏92.68%‏ من المجموعة العلمية‏,‏ و‏328‏ درجة بنسبة‏80%‏ من الأدبية‏.‏

ويعلن الوزير ـ في المؤتمر الصحفي الذي يعقده غدا ـ الحد الأدني للقبول في كل كلية‏,‏ والمؤشرات الخاصة بالمرحلتين الثانية والثالثة‏,‏ والأماكن الخالية بالجامعات‏,‏ والأعداد التي تقرر قبولها بالمعاهد العليا الحكومية والخاصة والمتوسطة‏.‏ وفي تصريحات خاصة لـالأهرام قال الدكتور هاني هلال‏:‏ إن نسبة الـ‏5%‏ التي فوضه بها المجلس الأعلي للجامعات‏,‏ ليست لزيادة أعداد المقبولين أو لخفض الحد الأدني للقبول بأي كلية‏,‏ بل هي فقط تستخدم عند تساوي أكثر من طالب في الحد الأدني‏,‏ فيتم قبولهم جميعا لتحقيق تكافؤ الفرص والعدالة بينهم‏,‏ ويتم استخدامها كذلك خلال المرحلتين الثانية والثالثة‏.‏ ويعقد مجلس الجامعات الخاصة اجتماعا يوم الأربعاء المقبل لتحديد أعداد الطلاب المقبولين بهذه الجامعات‏,‏ وينتظر قبول‏24‏ ألف طالب وطالبة في‏17‏ جامعة خاصة‏.‏

لو سمحتم انا عاوزة حد يطمنى انا هلحق علاج طبيعى ولا لا ومجوعى 392 بدون مجاملة عشان خاطرى

هى هتظهر الصبح ولا بليل؟
ولما تظهر هيبعتوا رسايل ع الموبايل ولا نشوفها م ع الموقع ولا ايه؟

حلحق ايه
مجموعى 395

لو حد عارف كان قال لنفسه
كلها بكره وكل حاجه تبان

أنا على ما سمعت ......... إن مدير مكتب التنسيق قال إنها ستعلن على موقع التنسيق أولا (نفس الموقع اللى تم فيه التقديم) وترسل على الإيميلات المدونة ضمن التنسيق فى حالة وجوده وترسل sms للى دخل رقم الموبيل الخاص بيه ....... ربنا يكرم الجميع.

يعنى النتيجة يوم الاحد ولا يوم الاثنين

مش معروف بس أنا بقول يوم ظهور النتيجة عرفناها بالليل على النت والمؤتمر كان تانى يوم الصبح .......... أعتقد والله أعلم أن ده ممكن يحصل يعنى نعرف نتيجة التنسيق من الموقع بكرة بالليل وتانى يوم الصبح سيادة الوزير يتكلم عن المؤشرات والقبول والأعداد المتبقية والمرحلة الثانية وخلافه ........... وبرده الله أعلم

سؤال بس ارجو الرد السريع هى النتيجه بتاعت التنسيق بكرة الاحد ولا يوم الاربعاء

على حسب ما نشر فى الجرايد وتصريحات الوزير يوم الإثنين ........ بس يعنى إحنا بنقول ممكن نعرفها بكرة الأحد بالليل زى النتيجة عرفناها بالليل يوم الأربعاء والوزير أعلنها صباح الخميس ........ كدة يعنى

النتيجة ان شاء الله يوم الاتنين الصبح او الاحد بالليل على النت وربنا يوفق الجميع

نتيجة التنسيق بكرة الاحد او بعده لكن يوم الاربعاء هتبدا تنسيق المرحلة الثانية

يعنى يا تيمو ميدو شكرا على الرد بس فى رد احسن من كده شوية صغيرة مثلا انك تقول ربنا يوفق الجميع اصل ردك عليا مش ضاف اى حاجة جديدة بدون زعل

بصوا بقي انا جايب 98.5% رياضة 2 واتخنقت والبترول هياخد 98.6%

طب إنت إتخنقت !!! إيه المطلوب مننا ؟؟ يا أخى الكرم مافيش حد يعرف الخير فين؟ إرضى بالمقسوم واللى ربنا سبحانه وتعالى كتبه !!!!! لو علمتم الغيب لأخترتم الواقع !!!!!!!! أصبر لو لك نصيب فيها، والله مافيش حد فى الدنيا هيبعدك عنها ....... وربنا يوفقك وينولهالك إن شاء الله ويبقى لينا عندك الحاجة الساقعة. ماشى؟