تجارة انجلش كفر الشيخ
 

لو سمحت انا جايبة المجموع الكلى بالاضافة الى درجة الانجلش 403.5 و قبلت فى تجارة كفر الشيخ ينفع مجموعى يدخلنى تجارة انجلش ولا لا لو سمحت ارجو الرد سريعا و برضة سؤال تانى معلش تعباك معايا انا لو اتقبلت هعرف ازاى و اعمل اية ساعتها

مانا قولتلك .. لو انتي أدبى هاتخشيها وانتي حاطه رجل على رجل طبعااااااا

وعموما الف مبروك مقدماً .. بس ابقي افتكرينا بأى حاجة كدا

انتي اما بتقدمي بتستني حوالي اسبوع او اسبوعين بالكتير اوي

لغاية ما نتيجة التنسيق الداخلى تظهر ..

تعرفي ازاي ؟ .. النتيجة يا بتنزل على النت يا بتروحي انتي بنفسك وتشوفي اسماء المقبولين

لو لاقيتي اسمك فيهم يبقي اتقبلتي والحمدلله ..

لو ماتلاقيتيش اسمك بيتم تحويلك تلقائي لتجارة عربي انتظام

لو اتقبلتي .. لازم تسددى الرسوم الدراسية بسرعة ..

في مدة اقصاها اسبوعين من تاريخ قبولك بشعبة انجليش

لو مادفعتيش المصاريف خلال الفترة دي بيشيلوكى من انجليش على طول

اه وماتنسيش ان فيه كشف طبي .. دا بيبقي في اخر شهر 8 تقريبا

اهو على حسب ما الكلية عندك بتحدد ..

المهم ابقي اسألى على ميعاد الكشف عشان مايفوتكيش

شكرا الله يبارك فيك مقدما انا ادبى بس انا اروح اخلص اوراقى امتى فى الكلية ينفع بكرة علشان فى ناس بتقول المفروض اروح بسرعة علشان الحق مكان فى تجارة انجلش

ماهوا فعلا لازم تلحقي ..

عموما عشان برده تبقي في السليم ..

خدي ورقك وانزلي بكرة واسألى في شئون الطلبة هناك

ممكن سؤال لحضرتك انا عارفة انى بقيت رخمة اوى معاك بس لية حضرتك مدخلتش تجارة انجلش و بعدين شكلك شاطر يعنى من صورة عبقرينو الانت حطيتها دى

مجموعى ماجابش للأسف http://l.yimg.com/us.yimg.com/i/mesg/emoticons7/2.gif

ههههههههه ربنا يخليكي .. ناوي اغيرها ان شاء الله احسن عملتلي مشاكل http://l.yimg.com/us.yimg.com/i/mesg/emoticons7/22.gif

لا دى حتى الصورة حلوة على فكرة انا شوفت الراجل دة قبل كدة فى التليفزيون وفعلا هو شبة عبقرينو بس ممكن اسالك سؤال تانى هو فى تجارة انجلش المواعيد بتاعة المحاضرات بتبقى كل يوم ولا كام يوم فى الاسبوع يعنى و بتبقى كلها الصبح ولا بيبقى فى مواعيد بليل

tab law ana gayep el magmo3 el koli + darget el english =382.5 momken 2geep tgara english??1

على حسب جامعتك وتقسيم محاضراتك

احنا مثلا عندنا في القاهرة 4 ايام في الاسبوع بيبقي فيهم محاضرات .. ويومين اجازة

الاربع ايام دول بندرس فيهم 10 محاضرات .. بواقع محاضرتين اسبوعيا لكل مادة

فيه يومين بندرس فيهم 3 محاضرات ورا بعض .. ويومين تانيين بندرس فيهم محاضرتين بس

برده على حسب الجامعة .. في القاهرة وحلوان وعين شمس .. المحاضرات صبح وبالليل عادي

سمعت ان في بني سويف بيخلصوا الساعة 3 العصر .. فماعرفش بقي

بس عندنا احنا في القاهرة الجدول بيبقي منوع .. يعني صبح او ظهر او عصر او بالليل

لغاية الساعة 8 بالليل .. دا اخر ميعاد طبعا

بجد انا مش عارفة اقول لحضرتك اية انا عجزة عن الشكر حضرتك كلك زوق اوى بس انا رايحة بكرة انشاء الله علشان اقدم اوراقى و احول تجارة انجلش ولا انت اية راى حضرتك استنى شوية ولا لا و على فكرة مصروفات تجارة انجلش كفر الشيخ كانت السنة الفاتت 5000 جنية الله اعلم السنة دى هتبقى اقل ولا اكتر انا وعدتكانى هجيبهالك و جبتها فعلا شكرا لحضرتك مرة تانية