|
المرحلة التانية .... ضايعين ضايعين
سلام عليكم اللي داخل مرحلة تانية رياضة زي حالاتي كده ربنا معاه بقى لأنه مش ح يبقى قدامه غير الحاسبات و المعلومات و بس ... و العلوم , ربنا معاهم ... اما الادبي , فـحيلاقوا أماكن ليهم في كل كلية ... يعني ماشية معاهم لكن اعتقد ان ربع الطلاب اللي في المرحلة التانية هما اللي ح يتقدموا لانه كله ح يتجه للخاص , و بالذات علمي رياضة طبعاً انا لا اتوقع , لان العلم عند الله سبحانه و تعالى لكن انا بحط احتمال ضعيف من اللي موجود قدامي كتير من اصحابي و كتير من الناس هنا قالوا انهم ح يتجهوا بقى للكليات الخاصة و المعاهد الخاصة يعني الوزير ضرب رياضة في كل حاجة و مش عارف هما جايين على علمي رياضة ليه بالذات ؟ يمكن علشان يمنعوا انهم يطلعوا عباقرة في تلك البلد مش عايزين الناس تشغل دماغها على العموم كل واحد يكتب و يقول هو ناوي على ايه يعني انا لو مجتليش حاسبات لا قدّر الله أو فنون جميلة عمارة - ده لو اتبقى فيها مكان - يبقى ح اسحب ورقي بكل هدوء و اروح للفنية العسكرية كلية مضمونة في شغلها و اللي يتخرج منها بيبقى حاجة كبيرة في البلد او الدفاع الجوي و ربنا اللي بيقدم اللي فيه الخير و جزاكم الله كل خير و بالتوفيق ... |
طيب مالها علوم انا صحبتى رياضة 2 وعمالة اقولها علوم علوم بس مامتها اصلا مش مخلياها تحس انها نافعة وبتقولها تجارة اخرك
هو حضرتك ما تعرفش اى قسم ينفع تكون منه دكتورة تحاليل؟؟؟؟؟؟؟؟؟؟؟ يعنى تفتح منه مركز تحاليل ولا اخليها ع تجارة انجليش مثلا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
انا زيك جايب 90.7% علمى رياضة هشوف هندسة خاصة
|
انا ليا تعليق بسيط
حضرتك تقصد ايه بالحفيظه علفكره مش كل ادبي حفيظه بس الواحد لو مكنش فاهم عمره مهيحفظ نرجع بقي لموضوعنا الاصلي الادبي التسيق بتاعه حلو والحمد لله متبقي فيه كليات مكنتش متوقع انها هتنزل مرحله تانيه لكن الحمد لله وربنا يسهل وعلوم يعني الي حد ما كويسه لكن الرياضه هي اللي في ضيعه خالص ربنا يكون في عونكوا بيضيعوا تعب السنين اللي فاتوا دي كلها بالتنسيق قل لن يصيبنا الا ما كتب الله لنا |
اقتباس:
القسم اللي لازم تدخله من علوم هو قسم سبيشيل بالنسبه لعلمى رياضة بس لازم تجيب تقدير جيدجدا في سنه اولي لانه بياخد من علمى رياضة بتقدير جيدجدا ولو خلصت بكالوريوس علوم كميا بتاخد دبلومة تحاليل سنه وبتبقي دكتورة تحاليل |
اقتباس:
على الاقل الادبي فيه اقتصاد و احصاء و جيولوجيا و دول محتاجين فهم انا قصدي علمي علوم مجاميعهم عالية جداً و هما السبب انهم اخدوا معاهم رياضة في الرجلين و بالتالي نطت كليات للمرحلة الاولى مكنش المتوقع انها تنط كده زي التخطيط العمراني و الفنون الجميلة و الحاسبات و المعلومات و معاهد الطاقة طبعاً علمي علوم قلة قليلة منهم واخدة اقتصاد و احصاء لكن عليهم مواد في الاساس كلها حفظ لا تُفهم زي الاحياء و الكيمياء على العموم ربنا العالم و هو المطلع و هو على كل شيء قدير و اي حاجة تيجي مش مشكلة ربنا بيقدم اللي فيه الخير في اي مكان و في اي وقت |
قسم البيو كيمستري
لعلمي رياضه و ميكروبيولوجي لعلمي علوم .......................... زميلي بتوع علمي علوم مش حفيظه |
دلوقتي احنا بنتكلم على رياضة
ماليش دعوة بالعلوم يا جماعة |
هوا اقل علوم واخده من كم؟
|
اقتباس:
على العموم تانية لسه مظهرتش الحدود الدنيا بالنسبة للمرحلة التانية |
اقتباس:
بيوكمستري وميكروبيولوجى الاتنين لعلمى علوم |
يعنى كميا سبيشيل ده ينفع رياضة ومنه تكون دكتور تحاليل ولا؟؟؟؟؟؟؟؟؟
------------------------------------------------------------------------------- وع حضرتك ما ينفعش تتكلم عن حاجة مش جربتها خالص اقصد الكميا والاحياء وبالفعل احنا موش حفيظة بالمرة اصلا ولو المجاميع عالية نبقى حفيظة علاطول غريب اوى المقياس ده!!!!!!!!!!!!!!!!!!!!!!!!!!!!!!!! ده اظن اللى نزل فى علمى كان بسبب النظرى الحفظ ديه اكييييييدة و ربنا يوفقنا جميعا |
اه ينفع كميا سبيشيل بس مش هيبقي بنفس كفاءة اللي متخرج من كمياحيوى والميكروبيولوجى لان التحاليل عباره عن 60%كمياحيوى و40% ميكروبيولوجى
بس بعد مابيخللص بياخد دبلومة كمياحيوى وبياخد دبلومة ميكروبيولوجى وبيفتح معمل عادى |
سؤال معلش يا جماعه
هى فنون تطبقيه خلصت ولا لسه؟ وفنون جميله عمارة معلش؟ |
اقتباس:
فنون تطبيقة مخلصتش |
| جميع الأوقات بتوقيت GMT +2. الساعة الآن 08:42 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.