|
طلب من أي شخص علمي رياضة مجموعه 379.5
السلام عليكم ورحمة الله وبركاته
لو سمحتم يا جماعة كنت عايز طلب من أي شخص علمي رياضة مجموعه 379.5 انه بعد ما يدخل على الموقع بتاع التنسيق يقول لي ترتيبه على مجموعته علشان أعرف بس انا موقفي ايه من كليات الحاسبات والمعلومات |
انت كده قلقتني
هى حاسبات و معلومات عايزة كام ؟ انا اقل منك بنص درجة 379 |
اقتباس:
وانت عارف ان تقريباً مفيش الا 5 كليات بس بأماكن محدودة جداً اللي نزلوا مرحلة تانية حاسبات ومعلومات فبالتالي انا حاسس انا خارج الحكاية كلها وكنت عايز اعرف بس الترتيب كام ممكن تقول لي ترتيبك يعني فرق الدرجة ده عمل قد ايه |
انا ترتيبي 20613
مش معقولة حاسبات و معلومات ما توصلش لـ 379 كده تبقى كوسة كبيرة لا قدر الله لو ماجتش ح احول اوراقي على الفنية العسكرية |
يا جماعه انتو اكيد ان شاء الله حاسبات انا 376 وان شاء الله املى كبير ادخلها وانتو معايا بأذن الله او انا معاكو وبالتوفيق للجميع
|
قول يا رب يا without mercy
المشكلة ان اللي انا سمعته ان مفيش غير 250 مكان فاضي بس في الكليات دي يعني بنسبة كبير مش هياخدوا غير 397.5 وممكن كلية واحدة فيهم تاخد 379 والباقي مع السلامة |
وأكبر دليل ان مفيش امل شوف فرق درجة أهه عمل أكتر من ألف واحد
على 250 مكان أكيد هنضيع:frown: |
طب ياريت يتبقى كلية واحدة و لا كليتين
رُضا لكن 379 و 378 و كمان حاسبات و معلومات ما تجيش يبقى عله العوض و طز بقى في وزارة التعليم العالي و نتجه الى القوات المسلحة شغل مضمون - مرتب مضمون امتيازات مضمونة - مزايا مضمونة و اديني باحاول اقتل روحي علشان الكلية دي بس تنسيق السنة دي فعلاً ظالم بحد كبير دي الكليات زي التخطيط العمراني و الفنون الجميلة العمارة و الالسن و التمريض كل دول نطوا مرحلة اولى امال يبقى ايه بعد حاسبات و معلومات لعلمي رياضة ؟ بس اعتقد ان اللي انت بتقوله يا Muhammad Jamal انه مش مؤكد مفيش مصادر قالت كده على ما اظن 250 مكان بس ؟! ما اظنش على العموم اللي وصلني لمجموع 379 اني ناقص 9 درجات علم نفس شوف الخيبة مع اني حالل كويس جداً على العموم انا لسه مكشفتش و ح اكشف بعد نتيجة المرحلة التانية اذا مجتليش حاجة انما لو جت لي حاسبات يبقى مش ح اكشف الله الموفق بإذن الله |
اقتباس:
ربنا يوفقنا كلنا انكا بالنسبة لحكاية 250 مكان دي انا قريتها من المواقع الأخبارية الشهيرة اللي على النت وبعدين اللي انا اعرفه ان اساساً كل كليات الحاسبات والمعلومات في الجمهورية بتاخد تقريباً 2400 ولم ينزل مرحلة تانية الا 5 كليات فيهم أماكن فاضية مش فاضيين كلهم والله احنا كل اللي علينا اننا ندعي ونقول يا رب انا على فكرة زيك اللي وصلني كده الفيزياء 3 غلطات = انقص 11 درجة انا مش عارف ايه المعادلة الحلوة دي هكشف بإذن الله لما أشوف أصحابي اللي كشفوا خدوا درجات ولا لأ |
ربنا معاك ان شاء الله
شوف الاهرام كاتبة انه و لا في مكان للهندسة منذ 15 عام العيال دحت السنة دي |
اللي قريته بالنسبة لحكاية الاعداد
مفيش غير الدستور اللي كاتبها بس الدستور ده جرنال مش مؤكد عايز تتأكد الجمهورية و الاهرام , لان الاهرام اولاً و اخيراً جرنال الحكومة يعني هو اللي بيجيب كل حاجة و المفروض بقى الوزير يشوف حل لبتوع علمي رياضة لانهم كده في الباي باي |
ربنا يوفقو يا جماعه
متاخدوش علي كلام الجرايد ابدا والله العظيم كلو نصب وكله اي كلام شوفو التوقعات كانت ايه ونتيجه التنسيق ايه شوفو الاعداد اللي قالوها والاعداد الفعليه اتقال ان هينزل هندسه مرحله تانيه وفي ناس مرحله اولي ملحقتهاش فانتا اكتب وخلي املك في ربنا كبير واللي فيه الخير تاكد هيكون من نصيبك مش شرط حاسبات او غيرها وعسي ان تكرهو شيئا وهو خير لكم انا زيكم بالظبط كنت عايز ادخل بترول وكنت جايب 404.5 وكنت حاسس انها مش هتجيلي اصلا لكن منهم لله الجرايد كل يوم توقعات واعلي توقع شفته للبترول 403 وفي النهايه بترول 406.5 !! |
بص يا ( حيران في الثانوية )
انت اكيد لحقت هندسة حلوة تفوق فيها و تميز و و الله ح تلاقي شغل بسهولة و يمكن احسن من البترول اهم حاجة يكون معاك انجليزي و كمبيوتر و كمبيوتر كمبيوتر يعني اوتوكاد - اكسس - وورد - باور بوينت - اكسل - كيفية استخدام قواعد البيانات - برمجة - جرافيك لو معاك الحاجتين دول ح تشتغل بسرعة و بسهولة و ح تنط نطة العمر اسمع كلامي و ان شاء الله مستقبلك افضل و ادعيلنا , لاحسن احنا ضايعين و الله ... |
انا الحمد لله جالي هندسه المنصوره
وان شاء الله ناوي اعمل زي ما انتا بتقول كده وانا والله بدعي لكل اخواتي في المرحله التانيه وان شاء الله تلحق حاسبات وهي كليه كويسه جدا جدا انتا جايب 379 وفاضل تقريبا 4 او 5 كليات حاسبات اكيد مش كلهم هياخدو نفس المجموع اطمن ان شاء الله انتا داخلها ادعي ربنا وان شاء الله هتنول اللي تتمناه |
انا جايب 379.5وهدخل بنها لانها هندسه افضل من الحاسبات بكتييييييييييير
|
| جميع الأوقات بتوقيت GMT +2. الساعة الآن 11:38 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.