|
تجاره انجليش .. ولا اداب لغات ؟؟؟
انا جايبه 84 % جاتلي اداب القاهره لاني كتبتها فى الاول انا مش عارفه اختار بين الاقسام انا عايزه لغات بس مش عارفه هتجيلي ولا لأ اسبانى صيني يابانى اداب يوناني ولاتيني لغات شرقيه وفي ناس قالت ان مكتبات ووثائق كويسه وناس بتقول لأ اقسامها ( تنميه بشريه ومعلومات ) وانا ممكن احول تجاره انجليش بس بيقولوا صعبه وكمان انا مليش فى الرياضه اوى هي شغلها كويس لاكن دراستها صعبه وانا مش بحب الرياضه اوى حد يفيدني ادخل اداب ولا تجاره انجليش ولو اداب قسم ايه ... ؟؟؟ |
انا ارجحلك اداب حلوه اوى
انا هسالك اختى لانها اداب واقولها ايه احسن قسم وهرد عليكى باذن الله بسرعه ربنا معاكى |
لا لا طبعا تجارة انجلش احسن بكتير ومجال شغلها كبير وفرص عملها متوفرة فى اى شركة (طبعا لو شديتى حيلك وخدتى دورات انجلش وكمبيوتر) انا كان نفسى فيها بس مش هينفع عشان الانجليزى بس الحمد لله جاتلى تجارة وخلاص لكن اداب هتشتغلى ايه بعديها بكتيرو مدرسة و متستسهليش اداب كلها حفظ ومش هتفهمى منو حاجة على عكس تجارة فيها جانب عملى وهو فيه حد يبقى قداموا تجارة اجلش ويروح اداب
|
لو مالكيش ف الرياضة بلاش تجارة لان بنت عمى تجارة انجليزى بتقولى الكلية مش صعبة اوى هى بس عايزة مذاكرة اول باول
لكن لازم تكونى كويسة ف الرياضة عشاان تمشي حلو وتعرفي تشتغلى كويس وممكن اداب انجليزى جميلة جدا وممكن تشتغلى مترجمة بصي انا جايبة 92 علمى علوم وان شاء الله هاكتب اداب انجليزى من الرغبات بس بعد بيطرى مطروح غالبا يعنى والقرار ف الاخر يرجعلك |
هي اصلا نتيجة المرحلة التانية طلعت انا بفضل تجارة انجليزي او اداب انجليزي وسيبك من اللغات الشرقية
|
هى ممكن تجاره تاخد اصلا من كام مرحله تانيه علمى رياضه دمياط؟؟
وهل تجاره انجلش بتاخد من مجموع الانجلش بس والا لازم يكون المجموع الكلى كبير؟ يعنى انا جايبه مثلا 89, 6 والانجلش 46,5 ينفع ادخلها والا لا؟ |
تجاره انجليزي افضل بكتير
|
انا زيك بالظبط مش عارفه قبلت فى اداب
ومش عارفه ادخل قسم ايه لحد دلوقتى مع انى كونت محدده علم نفس بس تقريبا اداب انجلش احسن |
اقتباس:
مش لازم الى فى اداب يشتغلوا مدرسين ممكن مترجمين بس مشكلتي مع الرياضه اني مش بحبها فلو هذاكرها مش هذاكرها كويس وربنا يخليك على ردك شكرا مع انك عقدتني فى اداب :d |
اقتباس:
اداب انجليزي لازم اكون واخده مستوي رفيع انجليزي وانا كنت وخداه جغرافيا وانا فعلا ماليش فى الرياضه وحاسه اني لو دخلت تجاره هعمل زي معظم الناس واسقط فى اى ماده وبالذات محاسبه شكرا لردك |
اقتباس:
ان شاء الله تدخلها تجاره مرحله اولي انتظام كانت من 84 بس هي منزلتش مرحله تانيه انتظام نزلت انتساب بس ومينفعش تبقي انتساب وتدخل قسم انجليش ولو عايز تعرف برضه تجاره القاهره بتاخد من 40 فى الانجليش وربنا يوفقك |
شوفى الاول انتى حابة تدرسي بالانجليزى؟؟
بس حتى لو مدخلتيش حاجة بالانجليزى لازم تخدى قرصات وتكونى كويسة فيه عشان اللغات مهمة انا بنت عمتى اداب لغات شرقية لغة فارسية وبتشكر فيها مش وحشة بيطلعوا مترجمين انا جالى تجارة وهقدم انجليزى ربنا يوفقنا |
اقتباس:
أنتي حتبقى بــ ميت راجل :) |
السلام عليكم و رحمة الله و بركاته
بصي حضرتك يا مني انا رأيي تفكري في تجارة لانها احسن بكتير في الدراسة و الشغل و طبعا لازم مذاكرة بس الناس اللي في تجارة بتقول ان اللي بيعدي من جنب المحاضرة بينجح و مذاكرة اخر شهر بتنجح فما بالك بمذاكرة السنة كلها!!!!! اما لو حابة تدرسي حاجة فيها لغة .. ادخلي تجارة انجليزي لو درجة الانجليزي عندك كويسة وفي الحالتين متخافيش ان شاء الله ربنا يوفقك و تتفوقي:) و ربنا معاكي ان شاء الله و السلام مسك الختام و السلام عليكم و رحمة الله و بركاته |
أسمها مي مش منى يا فريدة
|
| جميع الأوقات بتوقيت GMT +2. الساعة الآن 11:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.