اخر أخبار التقديم والتحويل ......
 

أنا جالي صيدلة حلوان و رحت النهارده الجامعه عشان اسأل لو في تقديم ولا لأه وقالوا لي ان لسه كشوف التنسيق موصلتش وممكن نقدم كمان أسبوع أو عشرة أيام

وبالنسبة للتحويل قالوا ان التحويل هيكون عن طريق النت من 1الى 15/8 هيبقى في يوم واحد بس متاح للتحويل خلال ال15 يوم(( يعني لازم تتابع عالنت )) وهتدخل وتشوف انت عايز تحول كلية ايه وانت وحظك ممكن تكون من ضمن ال 10 % المتاح ليهم التحويل يعني لو في 100 طالب هيتقبل منهم 10 بس حسب المجموع على ما أعتقد ((للحد من الإغتراب)) زي ما بيقولوا وبعد حوالي 3 أيام هيوصلك جواب ترشيح جديد لو قبلوا التحويل وهتروح تقدم في الكليه الجديده اللي انت اترشحت لها ولو منفعش التحويل هتضطر تروح تقدم في الكلية اللي جات لك الأول وهتقدم كمان في السكن لو عايز . بس ده اللي عرفته من جامعة حلوان ومش عارفة الكلام ده بينطبق على الجامعات التانيه ولا لأ.

وبالنسبة لصيدلة حلوان مينفعش مثلا تقعد سنه وبعدين تحول لأن منهجها الدراسي مختلف عن باقي الكليات ما عدا القاهرة بس ممكن تحول لها لأن المنهج واحد

هما قالولك كده فى الكليه؟

انا وحت الناهرده بردو
قالولى الاسبوع اللى جى
وادونى رقم تلفون اكلمه قبل ما اروح
وبالنسبه للتحويل
قالوا يوم 2_8

حاجه تانيه

بطاقه الترشيح الى ع النت مهمه ولازم تتطبعوها وتصورها علشان التقديم بيبقى بيها

و انا كمان روحت النهاردة صيدلة حلوان و قالولى نفس الكلام بس التحويل بعد المرحلة التانية و بيبقى يوم واحد بس !!!!

طب حد يا جماعه جالو بطاقه الترشيح اللى بتيج بالبريد دى
ولا مش هتيجى ولا ايه النظام؟

تقريبا يا نغم مفيش بطاقات ترشيح بالبريد دلوقتي .كان زمان الكلام ده ويمكن اتلغت

هو برضه اللى عرفته ن التحويل من عالنت بس شكر جدا طبعا على المعلومات فى حاجة برضه لو المناهج مختلفة فى الكليتيتن وعايزة تحولى بعد سنة أولى يبقى انتى كده احتمال كبير تشيلى مواد لو حولتى ده اللى سمعته لانى برضه حتى لو منفعش التحويل دلوقتى فهقضى الاعدادى بتاعى فى هندسة أسيوط وهحول السنة اللى بعدها ان شاء الله وربنا يستر

كلام مظبوط زى مقولت تمامافى موضوع (هام للتحويل)