|
ياريت حد يكون طب بنها
السلام عليكم لوسمحتم محتاجة حد طب بنها يكبلمنى شوية عن الكلية نظامها احول من عين شمس لبنها ولا لا افضل عين شمس بجد انا متحيرة من حيث المبدا بنها اقرب ليا وماليش مدينة جامعية بس محتاجة حد يطمنى علشان احول باقتناع
|
انا فى صيدلة الزقازيق
بس ليا اصحاب كتير فى طب بنها انا من بنها اصلا انا مش عارف بس اعتقد ان عين شمس فى العلم احسن انا ممكن اسالك وارد عليكى |
ياريت ربنا يخليك اصل انا حيرانة احول ولا لا رغم انها ااقرب واريح ليا
|
أنا من بنها
و داخل طب بنها و اخواتى الاتنين فى طب بنها (رابعة و خامسة ) يعنى اسألى فى اى حاجة و هاساعدك ان شاء الله |
اقتباس:
كويس انك رديت انت ممكن تساعدها اكتر بس انا اعتقد ان عين شمس احسن بكتير من بنها بإعتبار ان عين شمس فيها دكاترة كبار احسن حاجة يا سارة انك تصلى صلاة استخارة وربنا ان شاء الله يوفقك |
انا صليت بس مش عارفة شكلى هحول بنها ان شاءالله
|
اقتباس:
|
اقتباس:
هى فى المستوى عين شمس احسن بس بنها مش وحشة اوى بردو هى فيها عدد كبير جدا من الدكاترة الكويسين مثلا فى سنة اولى عندنا فى التشريح دكتور مصنف رقم 8 على العالم فى ال Anatomy و فى دكاترة كتيير كويسيين بس بردو انتى براحتك اختارى براحتك و لو دخلتى بنها و مش عجبتك تقدرى تحولى عين شمس |
اقتباس:
|
فى حاجة كمان نسيت اقولها
لو حضرتك دخلتى طب بنها و مش عاجبك مستوى الكتب بتاع القسم تقدرى تذاكرى من كتب القاهرة و عين شمس و مش صعب انك تجيبى امتياز و لو كنتى عايزة تتعينى فى الكلية يعنى تبقى من الاوائل فاكيد من الاسهل انك تكونى من الاوائل فى بنها اللى دفعتها لو زادت اوى هتبقى 200 مش فى عين شمس اللى الدفعة فيها ممكن توصل 2000 |
صح فعلا وجهة نظر كويس انى حضرتك لفت نظرى لحاجة زى كدة
|
بصي انا من بنها واختي اهي رايحة رابعة طب بنها وانا دخلت صيدلة الزقزايق مع ميدو باردو وانا لو كان جالي مثلا طب عين شمس وانا كدة او كدة مكنتش عاوز طب يعني كنت هحاول احول انا اقول لك ليه اولا هناك الدفعة اكيد هتعدي 1000 هنا الدفعة 450 واحد يعني فرصتك في التعليم احسن بكتير وبعدين مش كل حاجة بالدكاترة الكبار الدكاترة الكبار دول معظمهم هتاخد درس تنجح وماتخدش درس مش هتنجح خاصة انت لو من بنها حول لبنها عشان المشوار لواحد هيجهدك جامد ومش هتعرف تذاكر
|
انا ان شاء الله داخله طب بنها
واختي كمان داخله خامسه وعلي فكره التقديرات عاليه جدا وممكن تتعيني في الكليه بشوية اجتهاد بس نصيحتي ليكي انك تحولي بنها مادام هي اقربلك بدل البهدله وانتي بنت ومش ليكي في كده لو حولتي ان شاء الله نبقي اصحاب في الكلية ولو مش حولتي فربنا يعنك و يوفقك وبرده نبقي اصحاب وتقبلي مروري |
ياجماعة انتو فين من زمااااااااااااان
|
انا كنت تايهة فى المنتدى ده مش لاقية اى حد طب بنها خالص انا معاكو فى الكلية ان شاء الله وياريت لو فيكو حد قدم يقوللى عشان انا روحت وقالولى يوم الاحد الجاى
|
| جميع الأوقات بتوقيت GMT +2. الساعة الآن 03:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.