اروح اقدم امتى فى تجاره انجلش جامعه المنصوره
 

ياريت يا جماعه اللى يعرف يقولى انا واحده صاحبتى راحت بعد نتيجه التنسيق وقالها مش دلوقتى اللى يعرف يقول يااريت وازاى اقدم فى قسم المتميزين ده انا جايبه 95
وشكراااااااااااااا:av4056bb7jp3:

انا مش فاهمه انتي عاوزه ايه
متميزين ايه
مافيش قسم كده اصلا اسمه كده انا تجاره انجليزي اهو سنه تانيه مسمعتش عنه قبل كده

بس التقديم استني تقريبا لما يخلصوا مرحله تالته حاجه زي كده او تستال هي امتي هناك عشان ميضيعش منها
ولو انها مش هتضيع لانهم ما بيصدقوا فلوس تيجيلهم

عبارة عن مجموعات بيتم اعدادها للناس المتفوقة

اللي هما جايبين مجاميع عالية في الثانوية العامة .. غالبا مابتقلش عن 90% يعني ..

دا طبعا بالنسبة لسنة اولي اللي لسه داخلين جديد .. لكن السنوات اللي بعد كدا بقي

اللي هما تانية وتالته .. ليك انك تخشها بس تكون جايب تقدير جيد جدا

وفي كلا الحالتين .. شرط الاستمرار فيها او حتى الالتحاق بيها انك تكون جايب جيد جدا

انا اصدى ع دى يا يمى يمى ودى موجوده فى المنصوره ولا ايه
وشكرااااااااا ع الرد

بصى يبا جميل انا فى رابعة كلية تجارة شعبة انجليزى بجامعة المنصورة يعنى لو نجحت هابقى اتخرجت
بس على اد مافتكر
انك لما بتقدمى تجارة انتظام عادى جدا جدا و لما تقبلى انتظام مش انتساب بتروحى الكلية تقوليلهم عايزة ورقة رغبة التحاق بشعبة اللغة
و بتستنى قبل الدراسة بكام يوم يقولولك اذا كنتى قبلتى ولا لا
بس مجموعك كويس و هاتقبلى و هيا بتفرق من ادبى لعلمى
لو عايزة تسالى اى سؤال انا نمرة تليفونى
0119696956

و ربنا يوفقك

اة نسيت لما بتاخدى ورقة الرغبة بتكتبى فيها مجموعك الكلى و مجموع الانجليزى و بيضافوا على بعض و بتاخدوا اكبر المجاميع تقريبا 150 ادبى و 150 علمى
لان الدفعة باى حال من الاحوال مبتعديش 350 او 400 على اقصى تقدير
و الكلية لها نظام معين فى موضوع الانجليزى سنين بياخدوا اللى واخد اكبر من 45 و سنين اللى جايب اكتر من 40 بس بقالهم كتير جدا بياخدوا اللى جايب فى الانجليزى فوق 40

اعتقد يا جماعة انها بتسأل عن المجموعة المميزة ودى موجودة فى القاهرة بس معرفش اذا كانت موجودة فى المنصورة ولا لا ياريت طلبة المنصورة هما الى يقولولنا

شكراااااااااااااااااااااااااااااااااااا ع الردووووووووووووووووووووود وياريت حد يقولى عن المجموعه المتمييزه دى

انا رايح تانيه تجاره انجليزى المنصوره دا لو نجحت يعنى بس انا عمرى ما سمعت عن جماعه المتميزين دول عندنا انتى بتقدمى عادى خالص فى تجاره وبعد كده بتروحى الكليه وتقوليلهم انك عايزه تخشى قسم انجليزى واكيد طبعا داخله بمجموعك ده واى خدمه ممكن تلاقيى معاكى فى اولى السنه الجايه عادى يعنى

ميرررسى ع الردود يا احلى اخوات وان شاء الله تتفوقوا وتنجحوا وتعدوا بقىىىىىىى
سلااااااام

انا فعلا مسمعتش عن مجموعه المتميزين دي يا عسل
انا اهو في تجاره بس في بني سويف انجليزي ومقالوش عن حاجه زي كده الصراحه
علي االعمكوم روحي هناك اسالي هما هيفيدوكي اكتر اكيد فهمتي

اولا: السلام عليكم
ثانيا: مفيش حاجة اسمها تقدمى تجارة انجلش دى لازم بعد ماتدخلى الجامعة وبيعلنوا عن ان تجارة انجلش هتاخذ اللى جايبين مجموع كذا انت بتقدمى ولازم تكونى جايبة ازيد من 40 فى الانجليزى وتكونى واخذة مستوى انجليزى

وتكونى واخذة مستوى انجليزى


مش لازم تكونى واخده مستوى رفيع انجلش عشان مكتوب فى الشروط ومستوى رفيع انجلش ان وجد

طيبلو حد جايب 39ز5 فى الانجليزى ضاعت علية هههههههههههههههههههه احباط

اهاااااااااا اكيد مش لازم المستوى انجليزى لان انا روحت قدمت خلاص بس منهم لله نسوا يدونى استماره الكشف الطبى وهااروح تانى اجبها وللى ف تجاره المنصوره نتيجه التقديم لانجليزى هتبان ان شاء الله اول يوم رمضاان......لازم طبعا واحنا صايمين علشان نتبهدل اكترر امال ايه.....والمصروفات 3000 جنيه ولازم تاخدهم معاك وانتى بتشوف النتيجه علشان تدفع ع طول
سلاااااااااام

احنا بني سويف مريحانا خالص علي كده معندناشالكلام ده انا قبل الدراسه بكام يوم عرفت اني في تجاره انجليزي وفي اثناء الدراسه روحت دفعت المصاريف اخر راحه يا بنتي
ربنا يوفقكم بس محتاجه مذاكره