بجد محتجالكم اوى.....ياريت تساعدونى بجد بليييييييييييييييييز
 

انا من رايى مع انى كنت علمى وحولت انك تدخلى حاسبات ومعلومات احسن وربنا يوفقق وعلى فكره حاسبات احسن من هندسه والحاسبات كليه عمليه

شكرا ع ردك

بس انا سالت لقيت حاسبات ملهاش نقابة و ف مشاكل عليها و كدة...اصل انا اللى محيرنى ان الكلية اللى هادخلها السنة دى ان شاء الله حياتى كلها هاتتبنى عليها....انا بس عايزة حاجة مستقبلها مضمون ليا و احسن

انا شايف انى حاسبات ومعلومات مستقبلها حيبى حلو اوى ف مصر انا شايف ان هى احلى من هندسة وبالذات قسم تكنولوجيا معلومات كفاية ان الاولى ع الجمهورية شعبة رياضة داخلة حاسبات ومعلومات وبالتوفيق انشاء الله

مرسى اوى ع اهتمامك

بس انت متاكد انها داخلة حاسبات بجد؟؟؟؟

و معلش بس استفسار كمان انت شايف ان مستقبلها حلو بجد طب حوار النقابة دة اية نظامة؟؟؟؟

[quote=شريف منير;1469058]حكاية النقابة دى لو صحت يبقى لأن ذلك نوع جديد من الكليات وأكيد مع مرور الوقت هيكون لهم نقابة ان شاء الله .. صلى ركعتين صلاة استخارة واتركى الأمر لله .. بالتوفيق.[/quote


اة النقابة دى بجد انا والدتى نزلت نقابة المهندسين و سالت قالولها مالهاش نقابة و لما سالنا و كدة طلع انهم مش عايزين يضفوها ف النقابة علشان الدراسة فيها 4 سنين و الهندسه 5 سنين بجد سبب ف منتهى التفاهه ربنا يشفشهم....و ماشى هاصلى و اللى فيه الخير يقدمة ربنا....مرسى اوى ع اهتمامك

اكيد كل واحد حر ف مستقبلة بس لما واحدة جايبة مجموع كبييير ماشاء الله تدخل كلية ملهاش نقابة يبقى اكيد مش وحشة لانها مش هاضيع مستقبلها و مجموعها دة ف حاجة مش مضمونة... لان هى ليها الاختيار تدخل الهندسة مش ذىى مثلا دة امر واقع....و ربنا يوفقنا كلنا ان شاء الله

اختى الفاضله متزعليش على الهندسه لان والله واحد صحبى جاب 92.68 وملحقش هندسه ودخل حاسبات ومعلومات

والله أأوكدلك ان الحاسبات والمعلومات مستقبلها ممتاز هى اصلا كانت بتبقى اعلى من الهندسه بس السنه دى مش عارف ايه اللى حصل

وبعدين الحاسبات والمعلومات شغلها كله كمبيوتر والدنيا كلها حاليا وفى المستقبل هتعتمد على الكمبيوتر فى حاجات كتير

يعنى توكلى على الله وادخلى حاسبات ومعلومات وإن شاء الله ربنا يوفقك واتمنالك كل خير

وعاوزين نسمع عنك كل خير إن شاء الله

تقبلى مرور اخوكى حماده .

بصى انتى ادامك حاسبات ومستقبلها كويس اينعم بس مش مقارنه بالهندسه عندك مثلا اى حد حاليا بيفهم فالكمبيوتر ومنتشرين جدا ولو قولنا هنشتغل فشركه بردو مادام فى كورسات ولغه مع اى حد بيتساوى بحامل شهاده التخصص ده
( انا بجد كنت محتاره زيك وحاولت افهم من كل الناس انتى بس صلى صلاه استخارة واسالى كتير مش مهم بس عشان تكونى راى سليم وربنا يوفقك باذن الله)
وعلى فكرة فنون تطبيقيه ونون جميله نزلين مرحله تانيه ممكن يفيدوكى كمان
وسورى طولت عليكى

اختى الفاضلة لو انتى مرتاحة لحاسبات ومعلومات ممكن تدخليها وزى راى eng_dero اى حد دلوقتى بيفهم فى الكمبيوتر، حاليا فى كليات هندسة خاصة شهادتها زى الحكومى بالظبط وكمان بتنضمى للنقابة وبتوفر شغل بعدين،انا هادخل باذن الله هندسة طيران اللى هى فى امبابة ليها مستقبل مضمون وبتدخلى تبع نقابة المهندسين. وحاولى تهدى واختارى اللى انتى شايفه كويس ليكى ولمستقبلك

مرسى اوى ي حمادة ع الافادة بس ذى م قالو كلة دلوقتى بالكورسات بقى بيفهم ف الكمبيوتر للاسف...انا خطيب صاحبتى معاه دبلوم صنايع و شغال ف الكمبيوتر و هو دة شغلة دلوقتى ف اللى محيرنى بعد التعب دة كلة اتساوى مع اى حد معهوش ثانوية عامة حتى..و برضة مش عايزة ادخل خاص مع ان ف البيت عندى معندهمش اى مشكلة و اللة بس كلنا عارفين نظرت الناس للى ف خاص مهما كان مالهمش دعوة باللى حصل لا ليهم انت ناو ف خاص يبقى سورى يعنى فاااااشلة...انا خايفة ع مستقبلى اوى بجد..ياريت اكون اقدرت اوصلكم اللى بفكر فية

المشكلة انى مدخلتش امتحان القدرات للاسف و لا اخدت فنون و عمارة الحمد لله ع كل حاجه و عندك حق و هو دة اللى محيرنى اوى :angry2:....الحمد الله و ربنا معانا و ميرسى اوى بجد