|
بين الأباء والأبناء 5!!!
ــ((السلام عليكم ورحمة الله وبركاته))ــ أزيكم ياجماعة عاملين ايه وايه أخباركم يارب تكونوا بخير وفى الجنة جميعا ان شاء الله والله انا بكتب التوبيك ده ومش متفائل اطلاقا,لإن انا متأكد انه ممكن يتحذف كالعادة أو يتنقل أو أو أو يعنى الواحد مش عارف يقول بس بجد الواحد بقى محبط المهم بالنسبة لسلسلة بين الأباء والأبناء دى الحلقة الخامسة مع العلم ان الحلقة الرابعة اتحذفت بداعى انها خارجة عن قوانين المنتدى , وكانت بتحكى عن العلاقة بين الأباء والأبناء فى موضوع الحب,مش عارف بقى ايه حصل واتحذفت ولغاية دلوقتى معرفش اتحذفت ليه ولا حتى ابعتلى رسالة على الخاص يخبرونى بيها انها اتحذفت مش عارف بقى مسلسل الإتهاض ده هيستمر طويلا ولا ايه النظام فى الإدارة اللى زى العسل دى المهم بقى نخلينا ف موضوعنا الموضوع ده أخدت بالى منه لما كنا بنخرج كتير أوقات الكلية وكده الموضوع بيتكلم على ان الأباء وخوفهم الأكثر من اللازم على الأبناء يعنى انا بكون مع صحابى كل شوية حد من والده اوا والدته يتصلوا بيه يعنى بتاع 6او 7 مكالمات فى الخروجة وانا مكنش بيحصلى الحوار ده علشان انا مسستم فى البيت على كده يعنى أنا بستغرب هو لازم كل شوية يكون فى ضغط وكده علي الأبناء يعنى مثلا لما بنخرج كل ما والد حد يكلمه يقولة انا ربع ساعة وجاى أو مفيش مواصلات فى نفس الوقت ياجماعة اللى احنا مش بنعمل فيه حاجة غلط وخلى بالكم من الجملة اللى فاتت دى يعنى انا مش عارف ساعات بقول هو انا لو ربنا كرمنى بأولاد هفضل أكلمهم كده واقلق عليهم قوى كده ولا لما يتأخروا أشوف فى ايه يعنى كتير اوى بنضطر نكدب علشان نطمن أهلينا وكده أنا مش عارف برضه حاضرتكم فاهمين أنا قصدى ايه فى الموضوع ولا لا ولكن يبقى السؤال لماذا يستمر قلق وخوف الأباء الزائد عن اللزوم على الأبناء فى الخروجات؟؟!! مع تحيات أحمد2025 أكتب لأعبر وليس لأتكلم |
والله انت جيت عالجرح انا عندى الخوف محصلش انا شبه سجينه فى البيت يعنى اول امبارح اللى حصل انى انا وصحبتى كنا حنتقابل بسلام فى النادى ندردش شوية ونبعد عن جو البيت فجاه قبل ما امشى بنص ساعة بابايا اتصل وقاللى فيه تاكسى خاص جيلك حالا تحت البيت :oوبعد كده خلا ماما تيجى معانا النادى تصوروا انا وصحبتى مش عارفين نتكلم براحتنا حاجة صعبة بجد وطبعا عملت مشاكل وقال ايه ان بابا بيخاف عليا بس ده خوف مرضى وزايد عن الحد وكنت امبارح عاوزة اروح المكتبة نفس المشكلة حصلت ومروحتش اصلا :angry2: انا مش عارفة لغاية امتى حيعملونا كاننا اطفال والمشكلة انهم مش مرنين ومبيحولوش يتقبلوا فكرة تانية انا اتخنقت بجد وبابا صعب اوى فى المناقشة دى اسمها حماية زائدة خدناها فى علم النفس بس انا بقى اتفقت انا وصحبتى نتقابل فى المسجد اما نشوف بابا حيقول ايه:d ويستمر الصراع الازلى :stickjo4:
|
اقتباس:
لا بجد ربنا معاكى حاجة صعبة جدا بس المشكلة فى حاجة تانية ان احنا بجد بقى عندنا تشتت فظيع ومش عارفين بقى هنعامل مع ولادنا ان شاء الله ازاى وعلى فكرة (بين الأباء والأبناء 1) كان عن المناقشة بين الأباء والأبناء شكرا على مرورك الرائع |
هو فعلا الموضوع ده بيحصل مع اصحاب ليه وبجد دى حاجه تخنق وعندى بقى بيحصل بس مش مساله خوف زايد وبس اوقات بحس انهم مش مقتنعين ان انا كبرت واقدر اخرج لوحدى او مع اصحابى يعنى ماما كذا مرة تخيل قالتلى اروح معاكى وانا بقدم التنسيق وتقولى هتعرفى تروحى لوحدك ؟!!! :040vk0: مع انى كنت مع اصحابى رحت قلتلها وهتبقى توصلينى للجامعة كمان:mad: |
المطلوب من أولادنا أن يصبحوا أصدقاء مع الآباء و الأمهات و أن يكون هناك مساحة من الحرية للتعامل فيها بحيث لو تم خطأ تسحب تلك الحرية و لا يمكن إعطائها مرة آخرى إلا لو ثبت الالتزام و الآباء يراعون أولادهم خوفاعليهم من أصدقاء السوء الذين يتغغلون فى حياة أولادنا و أن تفتح البنت قلبها لأمها تتحدث معها فى كل كبيرة و صغيرةو كذلك الشاب يتحدث مع أبيه فى كل ما يخص أمور الرجال من خلال مستوى فهم لعقل الشاب و الشابة لنصل فى النهاية لشباب يقدر المسئولية و تخيل نفسك فى يوم من الأيام إنك أصبحت أب فماذا تفعل مع ابنك؟؟؟؟؟؟؟؟؟؟؟؟؟؟؟ |
عارفين ما هو اصعب شئ في كونك اب او ام انك بعمل حاجات حاسس انا لازم تتعمل وعراف انها مش حلوة
وفاكر انك كنت بتكرهها زمان وانت ابن وللحديث بقية |
السلام عليكم و رحمة الله اقتباس:
|
اقتباس:
هما بس لو يعرفوا ان احنا كبرنا ويقتنعوا اننا عارفين الصح من الغلط بجد الدنيا هتبقى أحسن من كده بكتير يلا الحمدلله مشكور على مرورك اقتباس:
ماشى كلامك بس فى فجوة دلوقتى كبيرة قوى بين الأباء والأبناء وبجد الأباء هما اللى عملوا الفجوة دى طول عمرى بتخيل انى هصاحب أولادى مش هعمل انى والدهم وأوامر وديكتاتورية وكده مشكور على مرورك |
اقتباس:
منتظرك مرة أخرى وللتفسير الأكثر اقتباس:
فعلا عدم وجود تواصل على الإطلاااااااق |
اقتباس:
بسم الله هتكلم بصفة عامة شوية لكل اب وام نظرة فردية فى الحياة بترجع لمستوى ثقافتهم بالاضافة الى العامل الاجتماعى لان لكل بيئة انعكاسات على التربية فى الناحيتين السلبية والايجابية فالقلق والخوف على الأبناء أمر طبيعى ولو بصينا لة بنظرة عامة هنلاقية امر كويس جدا ولا بد منه فهو دافع للمتابعة والتربية إلا إذا ازداد هذا الخوف وأصبح يشكل اضطرابا فى حياة الابناء لان طبعا اكيد الشئ ان زاد عن حدة انقلب ضدة وبكدة يكون هذا القلق مرضا وينعكس بشكل سلبى على حياة الابناء فيكون الابن محاطاً دائماً بكلمات الرفض والمنع والتقييد وتلقي الأوامر والنواهي فيعيش الأبن حالة من الخوف والرعب تمنعه من الإقدام والمغامرة والانطلاق في الحياة بشجاعة وتحقيق رغباته وطموحاته واكتشاف أخطائه بنفسه ودا اكيد بيأثر فى نموة بشكل كامل ( التربوى والاسرى والسلوكى ..الخ ) الى لازم ان الاباء يعرفوة لان هما المسئولين الرئيسين عن ابنائهم أن الحرص والقلق هو نتيجة طبيعية لهذه المسؤلية والمحبة والرحمة التي وهبها الله لهم الا انة من اجل بناء شاب سليم قادر على مواجهة الحياة يتحتم على الوالدين معرفة قدرات أبنائهم واتاحة المجال لهم في مواجهة مشاكلهم بأنفسهم وإعطائهم الفرصة لاكتشاف الحلول لها لان مش هيكون الطفل قادرً على التغلب على صعوبات الحياة إلا بعد أن يكون معتمداً على الله أولاً ثم على نفسه وإلا سيكون الطفل ضعيفاً متواكل على غيرة غير قادر على تحمل المسؤولية لذلك فأننا بحاجة للتحرر من الخوف الزائد غير المنطقي والتعامل مع الأبناء بواقعية وإعطائهم الثقة في مواجهة الحياة اسف على الاطالة شكرا على الموضوع يا اخ احمد فى رعاية الله |
حمدلله ع سلامتك يا احمد نورت المنتدى من تانى وبالنسبة للجزء الرابع انا بجد هحاول ارجعه الله المستعان بص بقى حكاية خوف الامهات والاباء دى واردة واكيدة متفقة معاك ف انها مش بتخلينا نتحمل المسؤلية عن نفسنا بس ف نفس الوقت لو حطينا نفسنا مكانهم هنلاقى فعلا ليهم حق يقلقوا علينا ويخافوا اوى خاصة ف الزمن ده البنت تعاكس الولد والعجوز يغتصب البنت هعدل ردى وهكمله لما ادخل :) |
اقتباس:
ايه ياعم الكلام الجامد ده بص انت شرحت كل حاجة تقريبا فى الموضوع وخاصة قولت حاجة كويسة جدا (بالنسبة للمستوى الثقافى والعامل الإجتماعى عند الأباء) وحقيقى الأباء لازم يكونوا زى ماحضرتك قولت كده بس للأسف هما حتى لو قرأوا الكلمات اللى حضرتك قولتها هما مش هيقتنعوا خالص مش عارف ليه بس بجد شكرا جزيلا على الرد الرائع جدا |
اقتباس:
ترافل وله زمان!!!! بصى يا ترافل البنات دول ليهم موضوع تانى أنا هكلم فيه وأنا اطلاقا مش معارض ان الأباء يخافوا على بناتهم بس بجد دى بقت زيادة جدا عن اللازم والله انا عندى ناس صحابى طول الحيطة ولما نخرج والدته ولا والده كل ربع ساعة يكلموه وبالنسبة للبنت يعنى المفروض الأب والأم يحطوا ليه قوانين معينة يعنى مثلا متتأخرش عن البيت لغاية 11 ولما تخرج تكون معاها صحبها مينفعش تخرج لوحدها كده يعنى ده من وجهة نظرى المتواضعة جدا منتظر مرورك مرة أخرى |
السلام عليكم ورحمة الله وبركاته
انا مش هطول عليك استاذ احمد بس هقولك حاجه انا ضد الحريه اللى من غير هدف وبعدين ايه هى الثقافه التى تقصدهاللاب والام اخى الكريم ان الله سيحاسبنا جميعا انا لستو اب ولاكن دى وجهة نظرى اما الاخت الكريمه بتقول بابا بعت تاكسى طيب وفيها ايه هل هو يعاقب انه خايف عليكى سيجد عليكى اليوم الذى ستفعلين هذا مع اولادك ارجو انكم تتقبلو مرورى شكرا لك اخى الكريم احمد |
اقتباس:
وعليكم السلام ورحمة الله وبركاته أولا شكرا على مرورك يا أخ سيف ثانيا انا مقولتش ان الأباء ميخافوش على أبنائهم ولكن أنا قولت القلق الزائد عن الحدا وهو مده مغزى الموضوع اللى أنا كتبتبته وفى حاجة تانية أنا مجبتش سيرة ثقافة معينة بس أنا قولت فى ردى على اللورد يتوقف على المستوى الثقافى عند الأباء وأنا هنا محددتش انا قولت اختلاف مستويات ثقافية وبالنسبةلموضوع التاكسى الأخت الكريمة قصدها ــ والله أعلم ــ انها بعد ماتخلص مش هتعرف توقف تاكسى أو مش هتعرف تعتمد على نفسها وأنا هسبها برضه توضح لحضرتك |
| جميع الأوقات بتوقيت GMT +2. الساعة الآن 03:50 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.