لكل من جاله المعهد العالى للهندسة بمدينة 6 اكتوبر
 

لكل من جاله المعهد العالى للهندسة بمدينة 6 اكتوبر

يدخل ويعرفنا بنفسه ... ولأي استفسار عن المعهد انا تحت امره

انا طالع اولي بعد اعدادي انشاء الله

هي طريقة التقديم ازاي و المصاريف تندفع امتى

لو سمحت ممكن تفيدني هي فيها مدينه جامعيه ولا لا

ولو مفيهاش ايه الكليه الخاصه الى فيها مدينه جامعيه

ارجو الرد في اسرع وقت لاني في حيره

ايه رايك فى المغهد وياترى هو الاحسن ولا علوم عشان انا جالى الاتنين والاستاذ اللى كتب الموضوع فين

انت تطبع صفحة القبول بتاعتك من الموقع www.tansik.egypt.gov.eg

وتروح للكلية تقدم وممكن تأجل المصاريف لاول التيرم عادي يعني

بس بتدفع في الاول 120 جنية فتح ملف

في مدينة جامعية وهيا تابعة لجامعة 6 اكتوبر

لان اكاديمية الثقافة والعلوم (مدينة الثقافة والعلوم) تابعة لجامعة 6 اكتوبر

بس مصاريف المدينة الجامعية غالية شوية بتبقي 10 الاف في السنة ...عشان كدة معظم صحابي اللي متغربين واخدين شقق هناك

وبيدفعوا مبالغ كويسة من 100 الي 200 في الشهر

بص هيا بتبقي ميول .. يعني انا السنة اللي فاتت كنت كدة برده بس فضلت هندسة

لكن لو كنت بتسأل علي فرصة العمل فأكيد هندسة افضل بكثييييييييييييير


علي فكرة انا ليا صحابي كتير اوي من الفيوم ,,, وبالتوفيق انشاء الله

لأى استفسار تاني انا موجود

ربنا يطمنك
ريحت قلبي ممكن طيب استفسار اخير ويارب مكونش تقيل على قلبك

انا دلوقتي في تجاره انجليزي طنطا احول للكليه ازاي للعلم اني مكتبتش اي كليه خاصه في التنسيق ياريت الافادة
وشكرا

قدامك طريقتين ..

اما انك تستني باب التحويل عبر النت وتحول

اما تروح الكلية نفسها بعد ما تطبع صفحة القبول وتدفع حوالي 40 للتحويل .. وانا افضلك كدة

..

لأي أستفسار تاني أسأل ولا يهمك

السلام عليكم


اخويا فى الثانوية الازهريه وعاوز يتقدم للمعهد
ومجموعه 81.5 %
مجموع المواد المؤهلة بدون المواد الدينيه 76.5%

فى موقع للمعهد على النت لان اللى فتحته مش شغال ؟ لان عاوزة اعرف كل حاجه عن المعهد

تنسيقه ( بياخد من كام ) وبيفرض شروط بالنسبة للمواد العلميه يعنى عاوز مجموع معين فيها ؟
مصروفاته وهل بتتدفع كلها دفعه واحدة ولا على ترمين
شهادة المعهد تعادل الهندسه العاديه ( يعنى يقدر يشتغل بالشهادة على طول ولا بيستنى ) بيتسجل اسمه فى النقابه مباشرة بعد التخرج ؟
بالنسبة للمدينه الجامعيه حضرتك قلت بتبقى مصروفاتها 10 الاف فى السنه ليه يعنى ؟ هى غاليه كده ليه

الدراسه فى المعهد جيده وعلى مستوى عالى وبتتقسم على ترمين ولا نظام ساعات ؟

وجزاكم الله خيرا

شكرا على مجهودك ونتقابل ان شاء الله في بدايه الدراسه

الموقع اللي فتحتي بيتطور عشان كدة لو عاوزة أي معلومة أطلبيها مني وانا هجوبك عليها


بخصوص التنسيق فأنا ما عرفش نظام الازهري أزاي .. بس هوا خد ثانوية عامة من 80 %

بالنسبة للمصروفات هتدفعي حوالي 4 الاف في التيرم الاول و 2300 التيرم التاني

الشهادة معادلة و المعهد مقيد في نقابة المهندسين وده ممكن تتاكدى بدخولك علي الموقع ده www.eea.org.eg
وتختار من القائمة الجامعات المقيدة .. جامعات ومعاهد خاصة
هتلاقي الجامعات المقيدة

المدينة الجامعية غالية لانها تبع جامعة 6 اكتوبر فبتبقي غالية عشان معظم اللي فيها بيبقوا عرب
عشان كدة ممكن يروح هناك في الحي 11 او الحي 6 هيلاقي هناك شقق طلبة كتيير وبأسعار كويسة

الدراسة في المعهد علي مستوي عالي وهوا من افضل المعاهد العليا الهندسية بمصر

بأذن الله تعالى

لأي أستفسار أنا موجود