قولولي اعمل ايه
 

:(ياجماعة ياريت حد يفيدني انا تعبت خلاص :( انا جالي اني قبلت في المعهد العالي للهندسة المعمارية 6 اكتوبر وده خاص وانا كان نفسي في تجارة انجلش وفرقت معايا نص درجة علي تجارة حلون فا انا عايزة احول تجارة انجلش بنها ورحت هناك وقالولي استني معاد التحويل 10/8 وبعدين تقدمي في تجارة عربي وبعدين تقدمي طلب انك عايزة انجلش وانا مجموعي يجيب تجارة بنها

وفي المعهد العالي قالي اخر يوم تقدمي فيه يوم 10/8

1-فا انا خايفة احول بنها ومقبلش في الاخر تجارة انجلش وادخل تجارة عربي ويكون ضاع من ايدي فرصة الهندسة الخاص

2- عايزة اعرف رايكوا في حوار هندسة الخاص دي وهل مجالها في الشغل مطلوب وبالذات شهادة المعهد ده انا جايبة 86.5 واتظلمت جامد قوي:( ياريت حد يفيدني ويقولي اعمل ايه

خايفة في النهاية ولا الحق تجارة انجلش ولا هندسة :bosyht9: ساعتها بجد انا هيحصلي حاجة معلش طولت عليكم بس ياريت كل اللي عنده راي يفيدني ويقولي اعمل ايه

يا جماعة انتوا نايمين ولا ايه ما تردوا يا جدعان

بصى روحى تجاره انجلش وخليها على الله وهى فرقت معاكى على درجه ازاى فى حلوان ليه هى حلوان خدت من كام؟

انا جايبة 42.5 في الانجلش

تجارة حلوان واخدة من 87

تجاره حلوان واخده من 878% والا ايه مش فاهمين

بصي أنا رأيي الشخصي ان أي حاجة حكومة احسن من الخاص و أهم حاجة تصلي استخارة و ربنا إن شاء الله يعملك الخير ليكي

والله انا رايى من رايك بس فهمينى اكتر انتى ازاى مقدرتيش تدخلى انجلش حلوان اكتبى رد وفهمينا اكتر عشان مش فاهم عرفتى ازاى