|
حاجة مستفزة
السلام عليكم ورحمة الله ويركاته جايبلكم كدة يا بنات شوية حاجات مستفزة كدة وبتحصل معانا كلنا اكيييد اول حاجة مستفزة بقى وانتي راكبة تاكسي وقاعدة كدة في حالك يجي السواق يقعد يلك معاكي وانتي تبقى مش عاوزة تتكلمي معاه يقعد يقولك جرى ايه يا انسة انتي مش بتردي ليه احنا مش قد المقام ( حاجة مستفزة) والمشكلة انه بيسال في حاجات وهو ماله ومالها يعني مثلا انا راكبة رايحة للدرس يقولوا انتي في سنة كام رايحة درس ايه ده انا ابني او بنتي كانوا كذة وكذة والله بيكرهو ا الواحد انه يركب تاكسي بس اعمل ايه مهو الاتوبيس تلقيه بهدلة يعني المضطر يركب الصعب اه الاتوبيس بقى حاجة مستفزة تانية تركبي الاتوبيس والزحمة ماشاء الله ويبقى رجالة زى ما بيقولوا كدة (شحط) لامؤخذة;) قاعد وانتي واقفةويا سلام بقى وانتي نازلة تبقى عاوزة متخبطيش في حد تقولوا لهم عاوزة اعدي يقولك ايه ما هو المكان واسع اهو ولو انه مش بيبقى في مكان لبيبي حتى علشان يعدي طيب عديتي تيجي بقى تنزلي تلقيهم واقفين على الباب مش راضين يتحركوا طيب اعدي ازاى يقولك ايه اصل خايفين ننزل منحلقش نركب او منلقيش مكان (حاجة مستفزة):mad: الافراح حاجة مستفزة تالتة تيجي عندك فرح بقى وعلى الاغلب مش بيبقى اسلامي والاغاني بقى والمناظر بقى انتم عارفين طيب قرررتي تروحي مثلا انتي لبسة طرحة خمار نقاب والى ذلك يقولولك انتي هتروحي الفرح كدة طيب اخلعي الحجاب النهاردة بس ولو مش عاوزة طيب جطي ميك اب قال علشان تبقى مقبولة شوية (حاجة مستفزة ) :mad: تيجي بقى مش عاوزة تروحي (منتيش ناقصة ذنوب) يجي بقى يقولوا لمامتك هى مالها كدة مش طلعة فريحي ومعقدة الدنيا اوي يعني هى اللي هتصلح الدنيا (حاجة مستفزة) حاجة رابعة مستفزة بتحصل في الجامع مع الستات ودايما في رمضان يرحوا الستات يصلوا التراويح طيب مهو حاجة كويسة اهو لا كويسة اي;)ه دي تلاقي الست جايبة ابنها الصغير وسيباه يعيط واحنا بنصلي واللي بيجري قدمنا ويا سلام بقى لو عيل جيه قعد قدامك طيب هتسجدي ازاى;) تيجي تقوليلها متسبيه في البيت تقولك مفيش حد يقعد معاه طيب متخليكي في بيتك احسن (حاجة مستفزة) :mad: كمان ايه يرحوا قبل الصلاة بشوية ويعقدوا يتكلموا اقسم بالله العظيم دي تقعد تقول لي دي طبختي ايه النهاردة طيب وهتطبخي ايه بكرة ويعقدوا ينموا على دي وعلى دي (حاجة مستفزة ) كمان حاجة بقى في رمضان برضه في صلاة الفجر بابا واخواتي كانوا بيحكولي دايما يرحوا يتكلموا ويعملوا صوت والرجالة تحت تبقى مش عارفة تصلي منهم لدرجة انه في ايام كانوا بيتعاركوا فيها ويخلوا الشيخ باعني ايه ضغطه يترفع (حاجة مستفزة ):mad: حاجة مستفزة خامسة يا سلام وانتي نازلة تشتري لبس او حاجة واللبس ما شاء الله ايه بقى حاجة مش كويسة خالص تدوخي هنا وهناك وفي الاخر تدخلي محل اهو نشوف تبقى عاوزة تشتري حاجة البنت اللي هناك تقولك لا خدي دي احسن طيب انا عاوزة حاجة التانية والمشكلة انها تقعد تلح عليكي وتقولك انه هيبقى حلو عليكي لحد ما تكرهك في نفسك وتخليكي تسيبي المحل وتمشي (حاجة مستفزة ):mad: حاجة مستفزة سادسة اشتريتي لبس والحمد لله لقيتي حاجة مناسبة تلبسيه بقى تيجي صاحبتك تقولك ايه ده ده مش موضه كنتي جيبي حاجة تانية او اللون مش حلو انتي شرياه من محل ايه تقوليلها كذا تقولك يعني متلقيش غير ده كنتي روحي لكذا طيب مهو عجبني وانتي مالك دي ممكن كمان تفضل وراكي لحد ما تكرهك من اللي انتي اشترتيه (حاجة مستفزة):mad: ودلوقتي قوليلي ايه رائيكم بعد كمية الاستفزاز دي اترفع ضغطكم ولا :006et4: واستنوا مني حاجات مستفزة تانية :mad: والى لقاء مستفز اخر:mad: في امان الله |
موضوع حلو جدا
حاجات كتير منها بتحصل معايا بالنسبه للتكاسى الحمد لله بابا وماما مش بيرضوا اركب تاكسى ولا لوحدى ولا مع اصحابى حتى الاتوبيس للاسف ممكن اضطر اركب مينى باص لان المترو همشى كتير بعيده ربنا يسهل بقى الافراح انا بكره بردك الافراح جدا الاغانى و الارف ده وغير انى بشوف ناس قرايبى ممكن اكون مشوفتهمش قبل كده اصلا ويقعدوا بقى الكلام اللى مش بحبه ياه ماشاء الله كبرتى وبقيتى عروسه انتى عارفه اخر مرة شوفتك كنتى لسه بتشالى معقول بجد مش فاكرانى لا انا كده هزعل ومش بتقولى ليه لبابا يجبكوا عندنا وكلام بيخلينى ابقى عايزة ارجع يصارحه ف الدراسه كنت بتحجج بالمذاكرة (طبعا مكنتش بقعد أذاكر) بس الكل كان بيقول عليا معقده علشان مش بروح افراح اللبس بجد انا كرهت شرا اللبس ف مصر بجد انتى بس تكونى بتتبصى ع المحل م بعيد تلاقى واحده زفتك لحد جوا عايزة ايه طب بصى دى طب دى تخليكى هتشدى ف شعرك ده غير اللبس المستفز اصلا اللى موجود دلوقتى |
ههههههههههههههههههههههههههههههههههه كمية استفزاز رائعة والله وبيحصل معايا معظمهم وخاصة بتاع الافراح ده زي ما بيحصل مع د نغم بالظبط بالفعل اترفع ضغطي والحمد لله
موضوعك رائع بارك الله فيكي يا بنت دمنهور |
فعلا المواقف دى كلها بتحصل والموضوع لطيف لكن ارجو ان تقللى من كلمة زبالة لانها لاتليق ومستفزة
|
اقتباس:
اقتباس:
مشكورة على ردك الجميل ده وحكاية الافراح دي متهيالي عند كل بنت تقريبا اقتباس:
اقتباس:
وبارك لكي اختي اقتباس:
|
هههههههههههههههههههههه
بجد ضحكتينى ياحبيبتى والله فعلا كلامك معقول جدا جدا بجد |
اقتباس:
بجد ليكي حق تقولي بعد كل فقرة حاجة مستفزة :( المهم موضوع التاكسي ده بيختلف بين بيعاكس وبيتسلى اللى بيتسلى ده على كله مرة كنت رايح درس برده قالي رايح لمين قلتله فلان قالي طيب وبكام الحصة قلتله كذا قالي والله يابني انا مش عارف شهادة ايه وعامل ايه واديني سواق تاكسي في الآخر روح خلي باباك يحوشلك الفلوس ده تعمل بيهم مشروع صغير تشتغل فيه احسن يا سلام انت جاييلي آخر سنة تالتة بعد ماخلصت وتقولي اروح افتح مشروع موضوع الاطفال في الصلاة ده فعلاً ممل جداً وللاسف الامهات مطنشة وتقول اهم عيال سيبهم يلعبو موضوع اللبس ده وخصوصاً للبنات عندنا في الشارع في محلات كتير رجالية قلبت نسائية محلات البنات بقت ضعف عدد بتوع الولاد او اكتر :av4056bb7jp3: والاذواق بقت كتير جداً وبالتالي مستحيل تقدري توفقي حاجة عاجباكي وتعجب الباقيين فارضاء الناس غاية مستحيلة |
فعلا الحاجات دي بتحصل كتير و بكون متغاااااظة منها موت
الحقيقة حاجة مستفذه !! ميرسي يا قمر |
ههههههههه موضوع لذيذ شوفى انا فى موضوع التاكسيات ده الواحد كان بيعانى منه فى ثانوى الدروس كلها تاكسيات لاما مشى لو قريب و فى الحالتين مصيبه بس اللى بتقوليه ده واحد ملان فبيحب يتكلم بقى و اهو سايق و الواحد بيضطر يسيبه يتكلم و هو عامل نفسه بيسمع و خلاص اما بقى موضوع الافراح فانا و بلا فخر مش روحت و غير فرحين فى حياتى كلها :d و بروح و لا كانه فرح اصلا يلا خير خير :d و اللبس بقى حدث و لا حرج اولا بتروحى تنزلى تقعدى عشر ساعات عشان تدورى على حاجه تتلبس اصلا مش حاجه تعجبك :d و الكلام على بتوع المحلات بقى مش بيخلص و شوفى و شوفى و دوشه انا المحلات اللى زى كده بقول لماما من الاول يلا نمشى :d اما بقى حته الجوامع فدى بتبقى ازمه يقولولك بركه و الجامع طاب ما هو اصلا صلاتك فى بيتك احسن ليكى لو حتداومى عليها زى فى الجامع مش انتى تروحى تعملى زحمه هناك و تتعبى الناس و فى الاخر تقولى بركه :angry2: يلا خير خير موضوع جميل :) فى رعايه الله |
عندك حق بجد حاجات اكتر من مستفزة .....بكتيير
وخصوصا موضوع وانت بتشتري لبس ده بقت حاجة تخنق بجد..... ميرسي ليك يا جميلة.....على الموضوع في رعاية الله... |
الموضوع حلو جدا وعجبني الاسلوب كمان شكرا ليكي وطبعا كل ده مستفذ وفى حاجه كمان لما اجى اشترى هدوم وبتفرج عادى تلاقى اللى واقف بيبيع فى المحل يقولى تعالى شوفى طب ما سيبنى براحتى ولو عجبتنى حاجه هقوله عليها لكن مش واقف جمبى ومش عارفه انقي براحتى والله بسيب المحل وبمشى والا سواق التاكسى لما ابقى مش لاقيه خالص ولما الاقى تاكسى يقولى لا انا مش رايح هنا شوفى تاكسى تانى وانزل وادور على تاكسى تانى من جديد وموضوع الاطفال اللى فى الصلاه دول والله مش بركز منهم خالص وحرام عليهم انهم يجيبوا الاطفال كده لان فعلا بيفضلوا يجروا قدامنا وعياط وكده اما بالنسبه لصاحبتى اللى لما اشترى هدوم وتشوفنى تقولى ده حلو وده وحش فى واحده كل ما تشوفنى يا بنتى البسى ايشاربين مع بعض اقولها انا عايزه واحد برتاح فى واحد لما زهقتنى كل ما تشوفنى تقولى كده وفى حاجه كمان لما ببقى هنزل مع صحابى بنتفق على ميعاد واكتر حاجه تحرق دمى وتغيظنى انهم يتاخروا عن الميعاد وافضل واقفه مستنياهم الحياه اصلا كلها بقت مستفذه:bosyht9: وشكرا ليكي على الموضوع الحلو |
الراجل عاوز يسلى نفسه وفيها ايه
ولا اقولك بلاش تركبى تاكسى |
متشكرة اوى على تعليقاتكم يا جماعة واى حديكون عنده حاجات مستفزة يجي يقولها هنا على طول:( طلعوا اللي في قلبكم يعني |
يا بنتى اصلا متركبيش تاكسى لوحدك ابدا لازم مع حد وكمان على فكرة انتى نبهتينى لحاجات مش باخد بالى منها هههههههه بجد اثارتى استفزازى فعلا المرة جاية بلاش استفزاز تانى ادينا نماذج لشهامة الشعب المصرى وجيبلنا امثلة من برنامج المصريين اهما اكيد اتلغى ههههههههههههه
|
الاخت الفاضلة بنت دمنهور
فعلا حاجات مستفزة بجد وكمان عندي حاجات مش عارف هي مستفزة لكم ولا لي انا بس راجل شنبه في وجهه مثل صباع الكفته قاعد في كافيتريا بيشرب كوكتيل ومعاه واحدة بتشيش واحد او واحدة قاعدة في الاتوبيس ولما تيجي نازالة تنده على حد يقعد مكانها وكأنها بتورث الكرسي سواق ميكروباص ماشي عكسي يصطدم بسيارة والركاب كلها تجيب الغلط على صاحب السيارة واحد يركن سيارته يقفل الشارع عشان يشتري حاجة لمجرد انه لازم يركن امام المحل بالظبط واحدة لابسه شئ هو اقرب الى لانجيري فوق البدي الضيق والبنطلون الجينز وايشارب سبانش والون الجنينة في وشها وفاكرة نفسها محجبة واحدعامل ملتزم ويمكن كمان ملتحي واقف في محل تجاري وعينه بخبث لا تترك اي واحدة راجل كباره ماشي بشورت ومعاه كلب ساعة المغربية http://img411.imageshack.us/img411/3080/97451626.gif |
| جميع الأوقات بتوقيت GMT +2. الساعة الآن 05:05 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.