اى خدمة لاولى طب بشرى$$$$$$$$$$$
 

اى خدمة لاولى طب بشرى
اللى عايز كتاب او قاموس يطلب وانا تحت امركم
اللى عايز حاجة بسيطة يقدر يذاكرها من دلوقتى لو مستعجل ع المذاكرة او متشوق لمعرفة المنهج يقوووووووووول وانا ان شاء الله اجيبهالكم

بجد شكرا
جزاكم الله الف خير
بس انا الصراحة
معرفش اي حاجة عشان اطلب
قواميس ايه الى بيجيبوها او كتب ايه
ومفروص نزاكر كاام ساعة
وكده يعني
وبنزاكر منين

رد
 

وعشان انتم مش عارفين هتزاكروا منين
انا هنزل لكم المراجع الاكثر شهرة
بس اعرفوا ان المذاكرة الاساسية بتبقى من كتب القسم اللى الكلية بتسلمهالكم وطبعا اكيد هتذاكروا المحاضرات
بس بردو هيطلبوا منكو مراجع وكتب معينة وغالبا هتكون دى

1- Gayton Human Physiology فى الفسيولوجى

2-Basic Histology فى الهستولوجى

3-Harper's Biochemistry فى البيو او دة Lippincott's Biochemistry

4-Grey's anatomy او Snell clinical anatomy فى الاناتومى

لو عايزين قاموس بقى يكون على قدكوا كده فهيكون القاموس ده وهو يشبه قواميس الثانوى لذا يسهل عليكم الحفظ منه لحد ما تتعودوا ع النظام الجديد
اسم القاموس All Team وكان الاخ محمود نزله مشكورا

وهتلاقى الملف فى المرفقات

شكرا جزيلا لحضرتك بس أنا ليا طلبين( بعد إذنك):

1_ أنا ممكن أشترى القاموس ده منين أصل أنا ماباعرفش أذاكر من على الكمبيوتر والكتب كمان أجيبها منين

2_ أنا عاوزه أتغلب على مشكلة المذاكرة بالإنجليزى قبل أول يوم فى الجامعة

أنا داخله طب المنصورة ياريت لو عند حضرتك نصائح بخصوص طب المنصورة

عفوا.......................هو أنا أشترى البالطو وأدوات التشريح والقفازات الوقتى

اولا احب اشكر صاحبة الموضوع ولونة مقتبس؟؟؟؟؟؟؟؟؟؟؟؟؟!!!!!!!!!!!!!!!!!!!
1-البالطو ب50 جنية من اي محل ادوات طبية
2- tubes للbioالقسم هو اللي بيسلمهم
3-القفازات من رايي تشتري علبة ب20 جنية بدل وجع القلب كل شوية
4-الانجليزى كلها شهر وتتداركي الامر
5-موقع dof3tna.net وsciencesway.com عليهم تسجيلات الدروس اللب فعلا هتحتاجوهم
6-ولو عاوزة تزاكري في الاجازة افتحي تسجيالات emberiology dr.medhat
7-والقاموس بيتباع في الكلية والكلمة اللي مش عارفاها تطلعيها وتحفظيها مرة وبكدة مرة وري مرة ستتغلبين علي مشكلة اللغة ان شاء الله

رد
 

اولا الموضوع مش مقتبس من هنا انا جايبة الكلام دة من منتدى تانى غير المواقع اللى انت حاططها
ثانيا القاموس اللى انا نزلته دة كان عندى قبل ما انت تقول عليه بس انا كنت عارفة ومتاكدة انك هتقول ان انا جايباه من المشاركة بتاعتك عشان كدة قلت (مشكورا)يا سيدى

ثانيا الاخت اللى مش عارفة تجيب الحاجات دى منين-بصى فى شارع مستشفى جيهان بيبعوا الادوات المطلوبة
بالنسبة للبالطو محدش يا خدة من اول يوم عشان ميبقاش نكتة وسط الطلبة

طب معلش ممكن سؤالى يبقى خارج نطاق الموضوع حبتين بس هو لازم يبقى معانا صور للبطاقة لما نقدم فى الكلية؟؟

لازم صورة بطاقة

انا لا اقصد التجريح والكلام اخذ وعطاء وربنا يعنا علي خدمة الاخرين احنا واياكم

لازم البطاقة
1-انا لا اقصد التجريح والكلام اخذ وعطاء وربنا يعيننا علي الخير جميعا يا magnonat el teb

ميرسى جدااااااااااااااااااااااااااااا على القاموس الررررررررررررررررائع ده

بس لو سمحت ممكن استفسر عن المدينة فى المنصورة اصل انا طب المنصورة ان شاء الله

يعنى كويسة ولا لا

الاكل نظامه ايه
كام طالب فى الاوضه

كده يعنى

لو سمحت هو القاموس مكتوب فيه page 7 مثلا

طب صفحة 7 فى ايه يعنى

فى كتاب القسم مثلا

معنى كده ان كتاب القسم بتاع الفسيولوجى 21 صفحة بسسسسسسسسسسسسسسسس

ارجو الرددددددددددددد سريعا

بص يا دوك , القاموس ده انت بتحتاجه لما تبقى مش عارف معنى كلمة يعنى مش شرط تحفظه كلة مثلا بس لو عندك قدرة على حفظ كل ده مفيش مانع
ثانيا اجابة سؤالك :لا طبعا دى مش كل الكلمات اللى ف المنهج بتاعك (كتب القسم) اكيد هتلاقى كلمات مش موجودة فيه خاصة ان دة قاموس يشبة قواميس الثانوى (يعنى ساعات وانت ف ثانوى بقيت متلاقيش كلمات معينة فى القاموس(زى قاموس الياس مثلا مع انه قاموس مش صغير) - وده مش بنفس ترتيب كتاب القسم طبعاااااا-يعنى الصفح مختلفة اكييييد )
وغير كدة ده قاموس مبسط جدا يعنى ينفع لسنة اولى انما مينفعش لسنة سادسة مثلا وهو مكتوب علية لسنة اولى) انما فى قواميس تانه كبييييييرة جدا وتحتوى على الاف الكلمات بس انا حبيت احط القاموس دة لانه يا دوب على قدنا(على فكرة انا لسة داخلة اولى زيكوا بالظبط) ورغم انا اللى حاطاه بس مش غاوية اذاكر من دلوقتى مش اما نبقى نفوق من صدة الثانوية العامة الاول
ياللا ربنا يوفقنا كلنا