أسرار.......البنات!!!؟؟!!
 

عايزه اوضحلك بس ان البنات مش مظلومين اوى زى ما انت متخيل كده ماشي معاك اوقات او فى حالات معينه بيبان فيها اوى الظلم بس مش دايما....عندك حق ان الوضع الايام دى مش امان بس ده ميمنعش ان احنا برده عايشين وبنحاول نتأقلم مش هنقفل على نفسنا يعنى ما احنا بنمشي فى الشوارع وبنروح دروس واكيد ممكن نتعرض لحاجه رخمه بس بقينا بنحاول نفاديها وربنا اهو بيكون معانا......اما حكاية القيامه تقوم لو عدت ال 20 من غير جواز بيتهيألى كان زمان او فى الارياف لكن حاليا الموضوع قل والبنات عادى بتستنى لماتخلص ههههههههههههههههه....وحكاية لو اتجرحت من حب ماتبقاش عايشه بيتهيألى مش هعرف افهمهولك لأن اكيد ولد عمره ماهيفهم شعور بنت اتجرحت بس اكيد هو شعور صعب....ياريت اكون قدرت ارد عليك زى مانت عايز بس بيتهيألى موضوع صعب الكلام فيه

اولا انا بشكرك على صراحتك
الاهم بقى ان كلامك صح بس اسمحلى اقولك حاجه ان البنت هى المسئوله عن احترامها او عدم احترامها ( حتى ولو بنسبه بسيطه ) اما النسبه اللى بقيه فهى على الولد وده هى ملهاش دخل بيه

عادى انا مش حاسة ان البنت مش متدمرة اوى زى ما حضرتك شايف
اتمنى يعجبك ردى

انت مغلطش يا احمد
لما كتبت الموضوع ده
ده موضوع جاااامد اوى
بصراحة انت جيت على الجـــــــــــــرح
وجيت جامد اوى كمان

بس مش عارفة ليــــــــــــــــــــــــــــــــــــــــــه
كل ده بيحصل فى مجتمعنا بالذات
بس اهو
عادادت
تقاليد
عرف
اى حاجة وخلالالالالالاص

كلامك مش غلط ولا حاجة هي فعلا معظمها واقعي جدا
بس في اماكن محددة يعني مثلا الي بتعدي العشرين و اتجوزتش تبقى كارثه دي بقت عادي بالعكس البنات دلوقتي اصلا بتتجوز بعد 26 بعد ما تخلص دراستها و كده (الا بقى في الارياف و الكلام دا و بردو بقى قليل)
انا شايفة ان البنت مظلومة في انها بتمشي في الشارع بخوف شديد فعلا (حتى لو كانت محترمة و الله ) لان اولاد الحرام كتروا بشكل فوق الوصف و مبقاش فيه امان لاي حد ..دي انا معاك فيها جدا
جزاك الله خير

بالعكس الصراحه مش بتضايق حد وعلى فكره دى قضيه كبيره لازم كلنا نناقشها مش انت بس
انا لسه حالا مشتركه فى الموقع ده وموضوعك اول موضوع اقراه وعجبنى جدا جدا وشكرا

يااحمد متخدش الامور على اعصابك محدش قال ان الموضوع فيه حاجه هو لو كان فيه حاجه مكنش العدد ده كله رد بالعكس الموضوع واقعى جدا جدا بس كل الحكايه انى ولو على نفسي مش هقول على غيري انى مجربتش اتكلم فى موضوع زى ده قبل كده ومع كده مجرد العنوان شدى ليه......اولا انا كان قصدى حكاية الظلم انه مش حاله عامه فى المجتمع انت فهمتنى غلط مش اكتر...وقصدى بالجواز ده الارتباط بس كلمه عامه يعنى بس انا اللى غلطانه الكلمه بس انا مجبتهاش فى محلها....وانا كان قصدى ان في احاسيس معينه مينفعش تتشرح بيتحس بيها بس و مكنش قصدى نقطة احساس انسان او ان اللى هيتكلم معاه هيفهم قصده كويس ولا لأ...وكان قصدى انه صعب الكلام فيه لانه ممكن يسبب للبعض مش الكل حساسية نوعا ما...ياريت تكون فهمت قصدى....عشان بجد الوقت اللى احنا بنعيش فيه دلوقتى محتاج لناس يفتحوا مواضيع كتير زى دى عشان نحاول نقلل من حكاية الخوف بتاعنا ده على الاقل
.وشكرا تانى على موضوعك

والله انا شايفه ان العادات والقاليد دى مش قران يعنى مش لازم تتطبق واظن ان لو فيه ناس كتيير زيك وعددكوا كتر ممكن العادات والتقاليد دى تتغير بس السؤال بيطرح نفسه انت بعد مدة غير معروفة حتبقى اب وحيبقى عندك بنات ده كله باذن الله طبعا بس يا ترى حتعاملهم ازاى هل حتتبع العادات والتقاليد و تعمل زى ما كان بعمل الجيل اللى فات وتمشى جمب الحيط ولا حتغامر وتحاول تربيهم تربية مختلفة اصل يا جماعة التغيير بيخوف الواحد خصوصا لو فى حاجة بايخة زى العادات والتقاليد لكن مش حنفضل نتكلم نظرى لازم نبقى عمليين شويا