وجهه نظر
 

اولا احب اشكر الاداره المحترمه علي التفاعل مع موضوعي
بس عايز اعرف ليه الموضوع اغلق انا كنت مستني الناس اللي من كليه العلوم اللي غلطت في امبارح عشان تعرف وجهه نظري علي العموم شكرا للاداره

اظن دا موضوعك اللى قبل كدا
طبعا لو حد شافه لازم هيـ .....
عايز بس اعرفك حاجة
دخول الكليات بيبقا توفيق من ربنا
يعنى مش مسألة فشل ولا حاجة
منا اهو فى خدمة اجتماعية بس مش فاشل :d
::::::::::::
ثم ايه طب وهندسة وعلوم وصيدلة
يا جماعة انتو فى مصر
يعنى الكل بيطلع يتفرج على شهادته اللى على الحيطة
بالتوفيق ان شاء الله
وياريت نقفل على الموضوع وكفاية لحد كدا
دمتم فى رعاية الله

امبارح كتبت موضوع اسمه زيزو1900 لقيت ردود غريبه انا بقولهم
(انا مش قصدي اقول ان كليه العلوم كليه فشله لانها كليه العباقره طبعا لكن قصدي ودي حقيقه ان اللي بيدخل كليه العلوم بيبقي ماجبش مجموع طب او صيدله واكيد كله متفق في كده اللي بقي كان معصبني ان زيزو بيقول ان الكيميائي افضل من الصيدلي وان الصيادله عاملين حمله ضد الكيميائين!!!!!!!!!!!!!! عشان كده حبيت اعرف منه بعض الحاجات فسألته في الموضوع )
الغريب ان الموضوع اتحذف
وجاتلي رساله خاصه مكتوب فيها
بالنسبه لموضوع حضرتك بتاع زيزو

ياريت مش تعمل مواضيع زي كده تاني

لانها تعتبر اهانه للعضو

والجزاء بيكوون الوقف

فبلاش تعرض حضرتك للوقف

اسفه ع الازعاج

دمتم في رعايا الله

فحبيت اعرف فين الاهانه للعضو؟؟؟؟؟؟؟؟؟؟؟؟؟؟؟؟؟؟؟؟؟؟


بص حضرتك ده الكلام اللى كتبته فى الموضوع بتاعك اللى غلق ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
ماشى حضرتك أولا هقولك أنا لسه ان شاء الله داخل أولى جامعة كلية علوم أحلى كلية فى الدنيا كلية العباقرة على فكرة كان عندى أكتر من اختيار تانى أه هو مش طب و لاصيدلة ولاأسنان بس كان عندى خيارات تانية كتير وأعلى فى المجموع من علوم
وايه يعنى مجبتش مجموع طب ولاصيدلة ولاأسنان ايه يعنى ارتكبت أنا بقى كبيرة أفضل أعيط وأبكى طول عمرى وأستنى الموت بقى ولاأشتغل ولا أعمل ثم ان فيه ناس جابوا مجاميع الحاجات دى ودخلوا بردوا علوم لأنهم ببساطة بيحبوها
على فكرة حضرتك كل المعلومات اللى بيقولها صح قريتها فى أكتر من مكان فعلا الصيادلة عاملين حملة على خريجى علوم
وأن فرص العمل أمام خريجى علوم بقت أفضل منهم ده كلام حقيقى
لما تقول عليه فاشل دى مش اهانة حرام عليك ياأخى
حرااااااااااااااااااااااااااااااااام
احنا مش فاشلين احنا ان شاء الله هنكون ناجحين لازم نفتخر باننا طلاب كلية العلوم كلية العباقرة

وحدوا الله يا جدعان

اي كليه زي بعضها هنقعد جنب الحيطه في الاخر:d

اول حاجه احب اوضحها اللي انا ما بقولش اللي انتوا فاشلين انا قلت انه فشل يجيب مجموع الطب او الصيدله وأعتقد اللي انت متفق معايا علي كده وعايز اعف لو كان جاب مجموع الصيدله كان هيدخل علوم برده
وعلي العموم انا اسف لكل طلبه كليه العلوم

ل طبعا مافيش حاجه اسمها فشل انه يجيبها
ده توفيق من ربنا
اللي بيبذل مجهود عشان يوصل للكليه اللي نفسه فيها
ومقدرش يوصلها ميعتبرش فشل
ان امثلا ذاكرت واجتهدت بس مدخلتش هندسه مش غلط يعني ولا فشل
انا اهو في تجاره انجليزي ورافعهراس اهلي ومتفوقه

عادي يعني
خدوا الحياه ببساطه يا شباب

وفعلا في الاخر كله متساوي

و ليه نفترض و نقول لو .. انا اعرف واحد عمل كده فعلا .. كان يقدر يدخل طب او هندسة او صيدلة او بيطري او سنان لكن هو اختار علوم ... و اسمه الدكتور احمد زويل.
الكلية الصعبة بشهادة الكل مش ممكن تكون كلية فشلة..يعني لما تنجح في كلية صعبة هل كده تبقى انت فاشل..
ازاي يعني؟

عفى الله عما سلف .. و عموما كله مش بيشتغل في الاخر.ده لو دكتور نظيف شاف كلامنا ده هيقولنا ما البلد فيها وظايف اهي لدرجة ان كل واحد بيقول انه بيشتغل اكتر من التاني.
بس يبقى في شغل و بعدين نبقى نتخانق عليه.:d

السلام عليكم ورحمه الله وبركاته
بص عايزه اقولك حاجه انا زمان اوى كان نفسى ادخل طب بس كان ليا هدف علشان ابقى جراحه والنصيب منفعش
فى تالته قولت ادخل صيدله وبرضه فرقت على حاجة صغيره اوى وكنت زعلانه جدا
بس تعرف ليه مش علشان صيدله حلوه لا علشان كلام الناس وعقليتهم والله العظيم ده اللى كان فارق معايا
مش علشان الكليه حلوه
بص اقولك حاجه انا لما بصيت للمواد والمكانه كان نفسى اقولهم كلية علوم مكانتها احسن ومجال شغلها احسن بكتير
انت عارف العلماء دول شكلهم ايه بره ؟؟ ياريتك تعرف بجد
وانا احب اجاوبك عن سؤالك
انا كان فارق معايا صيدله حاجه بسيطه بس لو كنت جبت مجموعها وبعد اللى قريته عن علوم ونصايح طالات صيدله زمايلى كنت هدخل علوم
انا كنت بسعى لصيدله علشان الناس والله العظيم
انا لو وزير التربيه والتعليم كنت عملت كلية العلوم دى اكبر من تنسيق طب
لانها بتجمع بين كل العلوم مش فرع واحد بس
اتمنى تكون فهمت قصدى
وعلى فكره انا قدامى طب بيطرى وادخله وانا مرتاحه بس انا الثانويه علمتنى ابص لبعيد مش لقريب زى الكليه
ياماا بيتخرجوا من طب ومش بيشتغلوا واتحداك تقولى كلهم بيشتغلوا وياما بيتخرجوا من صيدله واخرتهم واقفين فى صيدليه وانزل الصيدليات وشوف
وبرضه ياما بيتخرجوا من طب وصيدله ويبقوا احسن الناس
الموضوع ده بقى يتوقف على الشخص نفسه
فياريت ياجماعه نفكر بعقليه انضج من كده وبعدين يعنى شايفين الشغل مقطع بعضه
فى امان الله

ايون فعلا اغلب علوم هم اللى فرقت معاهم طب وصيدلة وهندسة على كسور
موافقاك
بس تعرف ان محدش دخلها الا وادرك انه كسب كتير اوى وانه لو كان دخل اى كلية تانية مكانش هيشوف اللى بيشوفه ف علوم
فالحمد لله الحمد لله الحمد لله
و ع فكرة فى اى دولة محترمة هتلاقى الطب والصيدلة والهندسة الناس مش معظماها زى عندنا ع عكس كليات العلوم
والعلوم هى الكلية الوحيدة اللى ف مصر اللى لما بتدخلها عقلك بيتفتح مش بيتقفل زى الكليات التانية
ع فكرة انا كنت مدينة جامعية مقيمة ف مبنى صيدلة عاوزة اقول انهم مبيبذلوش ربع الجهد اللى علوم بتبذله
عموما يا جماعة الحمد لله ان طلاب علوم مقتنعين بيها جدا وده اللى عمر ما حد غيرنا هيدركـ ليه احنا مغرمين بيها كده
الحمد لله

يا جماعه كلام تيمو كله صح وانا موافق علي كل كلامه

نفس الجملة اللى قالها تاني الجمهورية في الثانوية واول دفعتنا في هندسة

قال لو بايدي حخلي علوم اعلى كلية في التنسيق

مناهجنا في هندسية سواء رياضة او فيزيا هي قشور لما يدرسه بتاع علوم

بس المشكلة عندنا في مصر بتاع علوم غالبا ملهوش شغل
حتى ولو كان اكثر علماً في تخصصه من خريخ صيدلو ولا هندسة ولا غيره

نيجي للمجاملة بقى
مفيش بعد هندسة تاني :d

السلام عليك ياأخى
أولا حضرتك كلام تيمو لو كان صح هو ليه اعتذر عنه
وبعين موافقه فى ايه اننا فاشلين لا احنا مش فاشلين ياسيدى
وارحمونا بقى
والسلام عليكم ورحمة الله وبركاته