الكلام ده صح ولا ايه
 

السلام عليكم ورحمة الله وبركاته
دى شوية معلومات عايز حد عنده خبرة يأكدها أو ينفيها بس ياريت يكون عارف ومش يفتى
- بيقولوا أنى لو دخلت قسم كيمياء سبيشيل وجبت تقدير عام جيد فى الأربع سنين يكون من حقى أنى أعمل دبلومة فى كلية صيدلة الاسكندرية بس ادفع 5000 جنيه هى المعلومة دى صح ولا ايه كمان كيمياء سبيشيل دى محتاج تقدير جيد فى أولى زى مابيقولوا ولا ايه ياريت لو فيه حد عنده معلومة صحيحة يقول
- بيقولوا كمان أنى لو جبت فى اول سنتين من علوم تقدير جيد جدا يكون من حقى أنى أدخل طب بشرى من سنة تانية المعلومة دى بردوا صح ولا لأ
- بالنسبة كمان لدبلومة التحاليل أكيد هى صح بس على حسابى ولا ايه
ياريت لو حد عنده معلومات متأكد منها يقدر يفيدنى بيها اكون شاكر له
والسلام عليكم ورحمة الله وبركاته

انا الحقيقة ما قدرش انفي الكلام ده لأن مسمعتش عن الموضوع ده.
بس عايز اقول حاجة .. لو ينفع تروح طب بشري من تانية .. طب ما حنا بنشوف ناس كتير بتجيب امتيازات و جيد جدا ما راحوش طب ليه؟

شكرا جزيلا ليك بس هى الحاجة اللى عايز أتأكد منها حكاية صيدلة دى لأنى سمعتها من طلبة فى كلية طنطا قسم كيمياء سبيشيل وقالوا أنهم دخلوا القسم عشان كده

اعتقد الكلام ده اتلغى من زمان
مكانش حد غلب
بالنسبة لدبلومة التحاليل انا مش عارفة ايه الحوار
بس انا عرفت ان عندنا ف حلوان كانوا عملوها اجبارية مجانية وبردو مقدرش افتى لان ده مش مجالى

بص يا سيدى بالنسبه لصيدله الكلام دة صح بس في الجامعات الخاصة
بعد ما بتخلص بكالوريوس علوم بيشوفو المواد اللي ما اخدتهاش وبيدهوالك ودة ع حسب القسم اللي انت متخرج منه من علوم بس مانصحكش انك تعمل الخطوة دى لانها هتبقي فلوس كتير وكمان هتلاقيها هى هى يعنى اعرف واحد عمل الحركة دى وهو كان فاتح معمل من بكالوريوس علوم وكان عايز يفتح صيدليه فمينفعش فاستمر ع المعمل
وكل الشغل تقريبا هوهو سواء في شركات الادويه جوة او بره في الميدكال ريب

بالنسبه للتحاليل
60%كمياحيوى و 40% ميكروبيولوجى
فانت بتتخرج واء من قسم كمياحيوى او كميا وميكروبيولوجى او اي قسم فيه كميا
بتاخد دبلومة كمياحيوى عشان ترخص معمل كمياحيوى
وبتاخد دبلومة ميكروبيوللوجى عشان ترخص معمل ميكروبيولوجى
بينما الطبيب عشان يفتح معمل بياخد ماجستير اكلينكال باثولوجى بيرخص معمل كمياحيوىومعمل ميكروبيولوجى

يعنى انت مجوبتش عليه و دايما بتحاول تقارن بين علوم وبين الكليات التانية
بالنسبة لصيدلة ده كان زمان بعد ماتخلص علوم تدخل صيدلة و اتلغت و لو واحد دخل علوم جامعة خاصة و عايز يدخل صيدلة ما كان دخلها من الاول
بالنسبة لطب اللى يقولك كده يبقى بيشتغلك محصلتش ولا هتحصل
بالنسبة للتحاليل فزى ما قال زيزو 1900
بس متصدقش كلامه عن اي كلية غير علوم

تقريبا لااااااااااااااااااا

[quote=The Philosopher;1485558]
- بيقولوا كمان أنى لو جبت فى اول سنتين من علوم تقدير جيد جدا يكون من حقى أنى أدخل طب بشرى من سنة تانية المعلومة دى بردوا صح ولا لأ
فعلا ده حصل لعمي وقضي سنتين في علوم وبعد كده دخل طب بشري بس مش عارفة النظام فعلا اتلغي ولا لا انا هروح الجامعة انشاء الله واستفسر عن الموضوع ده وابلغك