|
هما يعملو دهب صيني احنا نعمل ايه ادخل قول رأيك
:)
والله الصينين دول بيشغلو مخهم ازمة اقتصادية وحوارات ومحدش لاقى فلوس قالو يوا كبو العصر ويشغلوا مخهم مش سرقوا بس فكروا وعملوا ايه عملو الدهب الصيني دهب صيني وماله هما يعملو دهب صيني احنا نعمل ماس مصري انا مبهزرش احنا ليه عقولنا جامدة ليه بنقف قدام التقدم مزهولين ليه مبنفوقش ونرد الخبطة في ساعتها هما عملو دهب صيني كتير منه نحاس وقليل منه دهب احنا نعمل ماس مصري كتير منه زجاج وقليل منه ماس ليه مبنواكبش العصر ليه مبنحركش دماغنا ايه رأيكم نبقى غير اللى بجد عايز يشاركنى في حملة شباب غير يعاهد احنا هنبقى غير ثقافتنا غير دماغنا غير تفكيرنا غير هنتبع تعاليم الدين وهنشتغل شغل غير هنخالف الركود والتخلف والعبط ............................. ايه رأيكم ااحنا الامل http://www.thanwya.com/vb/life/misc/progress.gif |
احنا مش عارفين نعمل عيش يصلح للاستعمال الآدمي
حنعمل دهب ولا ماس احنا في التعليم بتاعنا بنحفظ مش بنفهم حنخترع ازاي حملة حنتغير وحنخالف التخلف ده حيتعمل فيها ايه بالظبط حنروح قصر الثقافة ولا حنروح معامل اكتشافية خاصة البلد بايزة من اهيف المشاكل لاكبرها صباح الخير يامصر |
احنا مش عارفين
معليش بس يعني عيزة أسأل سؤال يعني هل الدتور أحمد زويل والدكتور الباز والدكتور مصطفى السيد والدكتور مجدي يعقوب والاديب نجيب محفوظ وطه حسين و...غيرهم وغيرهم خدوا مناهج غير مناهجنا فهموا مش حفظوا مهى هى المناهج من ايام الهكسوس والتعديلات بتبقى بسيطة بالعكس ده كل ما نقدم نلاقى جرعة الحفظ بتكبر ده احنا بالنسبة لهم بندلع الفرق الوحيد الى بينا وبينهم اننا وقفنا نتفرج يعني ايه صباح الخير يا مصر مصر دي انت وانا وهو وهى هما أخدوا بالأسباب لأن الرسول بيقول اعقلها وتوكل مقعدوش ينقدوا الحال بس عرفوا ازاي يصلحوه وبعدين احنا عندنا اكبر صاغة وجواهرجية لسه عايشين من أيام الحملة الانجليزية يعني مش حنخترع حاجة مش موجودة بلاش التشاؤم المحبط ده لو استمرنا في التشاؤم هنستمر في التخلف لكن لو شغلنا مخنا وفكرنا بجدية في اي مجال نتفوق فيه نعمل من العيوب مزايا نستغل كل حاجة ده احنا بلد المواهب المدفونة والى ان الاوان انها تظهر احنا بلد الموارد المكبوتة والى ان الاوان انها تستغل كل حاجة حولينا حلوة لو مرميناش كل حاجة على الظروف وتخلينا عن الكسل واليأس والاحباط والى بيفشل مرة لازم يحاول مرة ومرة يكفينا شرف المحاولة يكفينا اننا نقابل ربنا ونقوله كنا عيزين نتقدم كنا عيزين نتفوق وانت عالم نيتنا لازم دايما نفتكر أن قطرة الماء تثقب الحجر ليس بقوتها ولكن بالمثابرة |
انا مقلتش معندناش مواهب
لكن معندناش اي حاجة تطلع المواهب ده انا محبط ايوه انا محبط لأنه مفيش قدامي اي وسيلة اعمل بيها اي حاجة غير تقليدية وتكون جديدة على الاقل في الوقت الحالي وبلاش الكلام التقليدي بتاع خلي عندك امل وخلي مش عارف وشوف الباز وزويل وطه حسين كل واحد وليه ظروفه مردتيش عالسؤال ايه هدف الحملة وحنتغير فيها ازاي يعني يمعنى تاني ايه الحل العملي للموضوع المتاح لدينا الآن |
كلام تقليدي فعلا عندك حق
صح انت كده صح لان مش حاجة كويسة اننا نعقد نست*** امجاد الى فات المهم احنا الحمد لله احسن منهم وظروفنا أيسر من ظروفهم...... مليش دعوة بيهم بس قصدي اقول ان في أمل التعليم وطريقته مش كل حاجة ..في عباقرة متعلموش وعلمه نفسهم بنفسهم sorry فلنا ملناش دعوة بحد أنا اقصد احنا لو اخلصنا لفكرة وبحثنا عنها مهنروحش بقى قصر ثقافة ولا مكتبات لا بظغطة زر ع الكرسي بتاعنا في بيتنا يطلعلنا مواقع علمية وعالمية وكل ماهو جديد في اي مجال لو احنا ناوينا بجد نتقدم ونطور وحخاولنا هنوصل ان شاء الله مثال بسيط انا لسه بعمل بحث عن الماس لقيت الفيديو ده ولسه مدورتش ولا تعبت ولا اجهدت نفسي http://www.youtube.com/watch?v=bWhtkkOYoxo |
وكده انا متفق معاكي
شفت الفيديو وبتحسر عالامكانيات اللى عندنا هما جاهزين بكل الوسائل اللى محتاجينها واعتقد الحاجات ده اكيد مكلفة وممكن منعرفش نجيبها اصلاً وربنا يسهل ولو اتجمعنا نعرف نعمل حاجة مفيدة |
اقتباس:
مفيش تنشيط ومفيش اى وسائل مفيش نفس من الاخر اقتباس:
|
طب الحمد لله اخيرا اقتنعنا
كده بقى سيادتك عرفت هدف الحملة اننا نتعاون كلنا ونبقى ايد واحدة ونكمل ونساعد بعص ونبقي عرفين كويس اوى اننا لو أخلصنا النية ووثقنا في دماغنا لو ثانية ممكن نعمل حاجات كتير ممكن بقى سيادتك تجمعلى اصحابك عشان نبدأ شغل كلنا سوا في المجال الى نختاره والى نحب نتفوق فيه ونبقي واثقين اننا بأقل الامكانيات نقدر نعمل احسن شغل ونثق في عقولنا ولو لمرة لأن كل الاحصائيات بتقول أن الطفل المصري ادكى طفل لو اتوجهه هنا هنوجه بعص وهنوصل ان شاء الله بس محتاجين ناس ناوية تعمل حاجة بجد وهنشتغل وهنحقق الحلم ان شاء الله |
العزيزة بسمة الاسلام اقوللك احنا ها نعمل اية ؟؟؟؟؟
هنشتري الدهب الصيني طبعا الفكرة بتاعتك متميزة ولكن كمان العزيز banzer معه كتير من الحق في احباطه لكن تعالو نوسع الموضوع شوية ونسأل ليه هما بيعملوا واحنا بنشتري الاجابة يمكن تكون غريبة شوية لكن في فيلم قديم جدا لمنير مراد وكان فيه استعراض بيلف العام - اتعمل في 100 فيلم - لكن عارفين لما اتكلم عن الصينين قال ايه؟ ناس في حالهم شايفين عملهم والدنيا دي مش في بالهم اللي ما يعرفهومش يقول دول مش بني ادميين يعني ده من الخمسينات الصين ناس شغالة بجد مفيش سياسية شغلاهم وبيفلتوا دايما من الفخ الامريكي لجرهم للعب في السياسة الدولية وشايفين لسه اوانها ماجاش ومفيش ديمقراطية نهائي ولا حتى على النت والحكم بالحديد والنار يبقى الاخوة اللي فاكرين ان المشكله في الحرية والديمقراطية يفهمونا المشكلة هم شعب يعمل ونحن نشتري ومجتمع استهلاكي ورنات موبيل ب80 مليون دولار وجيل شعر وغيره بنكرم اللي بيتكلم حتى لو بياع كلام وننهمل اللي بيشتغل صدعتكم ؟؟؟؟ اسف للاطالة بس ارجو رأيكم |
اقتباس:
مهي المشكلة في اخلاص النية ده :d عموماً حطي نقاط كده لاهداف الحملة واديها اسم حلو والافكار اللى حنعملها وان شاء الله حجيب زباين :) |
أنا عندى ناس كتير سافروا بره عارفين قالوا ايه
بلاد بره التزام من غير دين وامانة على طول الخط وقالوا عن بلادنا بلاد فيها دين ومفهاش التزام القصد هنا الالتزام فى كل شىء يخص العمل والامانة والوقت وفيه شىء خطيييييييييييييييييييييييييييييييييييييييييييييييي يير عند الصينين عارفين هو ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ان الكل بيعمل فى القطاع العام لاغاية الساعة 5مساء والمرتبات عال العاليعنى تكفى بيتك وزيادة ولو عايز تزود دخلك هناك تشتغل شغلانة بس بعيد عن تخصصك مثــــــــــــــــــــــــــــــــــــــــــــــــ ـــــــــــــال لو انت طبيب لو مسكوك باليل فاتح عيادة خاصة تتسجن لو انت مدرس و..........فاتح عيادة باليل ت........... ولو انت عايز تزود دخلك قانونى بنفس مهنتك يبقى فى نفس مقر عملك الرسمى الذى لايغلق ابدا فالكل هنا بيشتغل حتى المساجين اتصدقوا ان المساجين هم اللى بيعملو الساعات الرقمية اللى بتيجى مصر ب3جينيه قارنوا كل اللى انا قولتوا باى مهنة فى المحروسة |
| جميع الأوقات بتوقيت GMT +2. الساعة الآن 05:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.