|
رأيكم يهمنى
السلام عليكم ورحمة الله وبركاتة
يارب تكونوا كلك بخير انا عارفة ان موضوعى جة مناخر لكن يعنى ممكن يكون فى وقت بسيط قدامى عشان التحويل انا محتارة جدا وفى دوامة وفى دائرة مغلقة انا جبت 96.1 ( الحمد للة على كل شئ ) وجالى طب علاح طبيعى القاهرة و اقتصاد وعلوم سياسية واعلام والسن لكن كان جواب الترشيح طب علاج طبيعى انا كان نفسى فى طب اسنان او صيدلة وطبعا بصراحة فى الاول كان نفسي فى بشرى بس خلاص يعنى انا دلوقتى بفكر فى اسنان او صيدلة خاص بس فى ناس كتير بيقولولى حرام عليكم ان يجيلك طب علاج طبيعى وتسيبية وتروحى اسنان او صيدلة خاص وبيقولولى ان فى كلية علاج طبيعى خاص يعنى الناس بتدلخة بفلوس وانتى جايلك يبقى حرام عليكى فبجد انا محتاجة مساعتكم واجوكوا ردوا عليا ولو بأى كلمة اختار علاج طبيعى ولا اقتصاد ولا اعلام ولا ادخل اسنان او صيدلة خاص وصديقتى بتقولى هتدخولى صيدلة خاصة وفى الاخر هتقفى فى صيدلية طب وهل لوكان جالى صيدلة بنى سويف كان اية رايكم كنت اسافر على العلم انا من القاهرة ارجوكم قولولى وافيدونى برأيكم اختكم مورووو والسلام عليكم ورحمة الله وبركاتة ولا الة الا الله محمد رسول الله |
بصراحة القرار الاول والاخير ليكى
بس رأيى علاج طبيعى لأنها كلية كويسة جدا وفى فعلا كتير بيدخلها خاص واستخيرى بردة وربنا يوفقك للخير |
وعليكم السلام ورحمة الله وبركاته انا من رايي انك فعلا تدخلي طب علاج طبيعي احسن من الصيدله وليها فرص عمل اكتر في دول الخليج بس الراي الاول والاخير ليكي صلي صلاة استخارة وبعدين حددي رايك وربنا معاكي يا دكتوره
|
بجد شكرا جدا على ردودكم وانا اسفة تعبتكم معايا وبجد رايكم يهمنى اوى
شكرا زهرة الاسلام شكرا بوبوسا ويارب اكرمنى واهدينى الى الطريق المستقيم ياذن الله وانا هاعمل ان شاء الله صلاة استخارة |
اهم حاجه صلى صلاه استخاره واللى فيه الخير يقدموا ربنا
بس انا م رأى بلاش خاص بعنى بفلوسها ممكن تعلمى اى مشرروع تكبى منه كويس وانتى قاعده ف بيتك وعلاج طبيهى مش وحشه بردو ومطلوبين وكمان مرتباتهم حلوة وتقدرى تشتغلى ف نادى او مركز تأهيل يعنى مجال شغلها حلو برده ولو مجموعك جايب صيدله اسيوط وعندك ف البيت موافقين روحى سنه وبعد كده حولى بدام نفسك فيها ولو انتى مش عاوزة علاج طبيعى ألسن حولة بردو وف الاخر ربنا يعملك اللى فيه الخير |
بص يا يستي أنا في راي انك تخشي (علاج طبيعي) بس علي شرط................
انك تخشي الكلية وتثبتي نفسك وتخدي اللقب من عيون الناس وفي الاخر تتساوي باللي دخل طب واحنا من هنا ورايح نقول الدكتورة (وصلي صلاة استخارة) |
وانا برضه رايى تدخلى علاج طبيعى حكومى حرام الفلوس اللى تدفع فى خاص
ومستقبلها حلو جدا ممكن بفلوس اللى تدفعها فى خاص تفتحى مكان تجميل او تاهيل |
انا كمان رأيي تدخلي علاج طبيعي
كليه جميله وعددهم صغير جدا ومجالاتها كتيره برده بلاش طبعا صيدله بفلوس ولازم تصلي برده صلاة الاستخاره وربنا يوفقك للي فيه خير ليكي |
أفتكر علاج طبيعى كويسة جدا واحسن من الخاااااااااص
بس صلى استخارة وربنا يوفقك للاختيار الانسب |
علالالالالالالالالالاج طبيعي
|
انا رايي مختلف علاج طبيعي ايه هو البشري بيشتغل لنا العلاج الطبيعي يشتغل
خشي خاص وتوكلي على الله وعلى فكره تعليم الخاص اعلى من الحكومه كمستوى لان كل الامكنيات موجوده واحترم اراء الزملاء |
هو فيه كليه اسمها (طب علاج طبيعي)!!!!!!!!!!!!!!!!!!!!!!!!!!!!!!!!!!!!!!!!!!
|
نصيحة ابتعدى عن الكليات الادبية لان حرام بعد المجهود فى العلمى تدخلى كلية ادبية
|
الافضل علاج طبيبعى ..
ومتنسيش الاستخااره .. وربنا يحققلك الفيه الخير ليكي ياارب .. |
أنا من رأى خشى علاج طبيعى
وان كان جالك صيدله بنى سويف ادخليها وحولى القاهره بعد سنه وصلى صلاه استخاره برده وابعدى عن الخاص لان فى كليات مش معتمده |
| جميع الأوقات بتوقيت GMT +2. الساعة الآن 01:14 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.