|
أنا عصيت ربنا امبارح بس كنت مبسوطة اوووووى
السلام عليكم ورحمة الله وبركاته
أنا انهاردة ياجماعة مبسوطة جداااااااا لأنى بصراحة إنهاردة عصيت ربنا ومهمنيش جاهرته بالمعصية ومفرقتش معايا طب وإيه يعنى المهم اتبسطت وقضيت وقت جميل وخلاص ايه دا ... إيه دا ....؟؟ مالكم كدا بتحتقرونى بينكم وبين نفسكم؟!! انتو كمان زييى أه زيى أو كنتم زيى وماتستغربوش أو ى كدا وتقولوا لالالالالالالالا دااحنا بنحب ربنا واستحالة نحاربه لاء انتوا حاربتوه وبتحاربوه طيب عيشوا معايا شوية فى المواقف دى كدا ونشوف سوا هل إحنا بنحارب ربنا ولا لاء أنا مبسوطة جداااا لأنى ..امبارح شفت حتة فيلم للمثل اللى بحبه بس كان ايه تحفة كان نفسى أسمعه أوى من زمان وماصدقت انه اتعرض ********* أنامبسوط جدااااااا لأنى خرجت مع صاحبتى وقضينا وقت جميل أوى مع بعض واتفسحنا وعشنا لحظات جميلة أوى ********** أما أنا مبسوطة جداااا لأنى إمبارح اتعرفت على واحد من المنتدى بعت لى رسالة خاصة وبيطلب منى نتعرف وأنا ارتحت له أوى وارتحت فى الكلام معاه أصله بصراحة مواضيعه جميلة وأسلوبه رقيق أوى *********** أنا مبسوط جداااا كنت فى شات روم واتعرفت على بنت ارتحت اوى فى الكلام معاها وكلمتها مايك بس صوتها جميل أوى وقعدنا نتكلم للصبح ***** أنا مبسووووووطة جدا امبارح سمعت ألبوم المطرب ..... الألبوم تحــفة وأغانيه جميلة أوى فعلا كنت هموت وأسمعه انتو عارفينى بأه مينفعش ينزله جديد وميكونش عندى ********** أنا مبسوط حضرت حتة فرح بس كان إيه ...... ماأقولكمش ... ع البنات واتعرفت على واحدة كان كل الشباب بيحاولوا يوقعوها بس محدش قدر غيرى وع الأغانى ولا العروسة !! والرقص اللى اللى رقصناه ولا اللبس ولا ... ولا ...... ********** مبسوطة أوى امبارح كان عيد ميلادى وحضروا لى حتة مفاجأة كانت حفلة جميلة أوى والدى جى واختيار الأغانى كان تحفة ورقصنا كلنا مع بعضينا ******** فرحاااااااان لأننا كنا ف رحلة امبارح وحصل بأه شوية حاجات اتعرفنا على شلة بنات من هناك وأخدنا منهم أرقام التليفونات واتفقنا نتقابل تانى قريب ************ انا منمتش امبارح كنت بأتكلم فى التليفون مع زميلى فى الجامعة لحد الساعة 3 الفجر وبعديها فضلت لحد الصبح أفكر فى الكلام اللى حصل وبالرغم من كل الرعب اللى كنت فيه إن حد يصحى ويحس بيا بس كنت فى قمة السعادة ********* أما يوم عيد الحب حضرنا حتة حفلة مع البنات صحباتنا حفلة نستنا أسامينا وبعديها خرجنا معاهم كل واحد أخد صاحبته وإتفسحوا سوا واتمشينا مع بعضينا *********** أنا إشتريت حتة طقم إنما إيه يابنات روووعة لو تشوفوا استايل البنطلون ولا لون البضى جنااان مشفتش حد لابس منهم من الآااااااااااااااااااااااخر مبسووووووووووط /ة جداااااا لأنى ............................ عصيــــــت ربنا!!! هاااا فكرتوا انكم ممكن تكونوا بتعملوا زيى أو على الأقل كنتم بتعملوا كدا يعنى مش لوحدى دا حالنا كلنا مش هو دا لسان حالنا ياجماعة لما بنعمل المعصية؟ مش دا حالنا فى المجاهرة بالمعصية ؟ يعنى الحمد لله ربنا سترنا ومفضحناش الحمد لله ربنا أحيانا ومقبضش روحنا واحنا بنعمل المعصية مش نسكت بأه ونستر نفسنا لاء دااحنا بنخرج وبنجاهر بالمعصية وبنتمنظر بيها كمان !! وبنقول لربنا أنا عصيتك وفرحان انى عصيتك وهأحكى لكل الناس إنى عصيتك ومش هيفرق معايا....... (والله قلبى بينخلع وأنا بأكتب الجزء دا دا وبجد مش قادرة أكمله ربنا يغفر لى ) قدرنا ياجماعة نقول كدا ؟؟ قدرنا نغضب ربنا بالطريقة دى؟؟ يااااااااا الله على جهلنا وعلى سوء معاملتنا مع ربنا وهو ستير لعيوبنا ولذنوبنا وإحنا والله لو ربنا حاسبنا كما يجب كنا هلكنا دلوقتى من جراير أعمالنا ياااااااه لما الواحد يفتكر أد ايه كان غافل وبعيد عن ربنا ولما يفتكر ذنوبه وازاى ربنا كتب له الحياة علشان يكفر عنها وتحسبونه هين وهو عند الله عظيم يعنى حاجات عمرنا ماتخيلنا انها تعمل كدا أو انها ممكن تكتب مجاهرة بالمعصية وعلى فكرة أنا مش مكبرة الموضوع ولا حاجة ******* دى تذكرة بسيطة ليا وليكم وأتمنى أكون قدرت أوصلكم قصدى علشان لو فيه حد فينا لسة بيجاهر بالمعصية يتنبه وياخد باله ولو كان حد فينا عمل كدا زمان وربنا هداه دلوقتى لكن ماتابش يتوب لأن الذنب لو ماتبناش منه ربنا هيحاسبنا عليه حتى لو كنا بطلنا نعمله وطبعا دى كلها مواقف من وحى الخيال لكنها وااااقعية جدااااااا بس حبيت أتكلم بصيغة المتكلم لأنها بتوصل أسرع وأفضل فى التعبير.. رب إجعل هذا العمل صالحا ولوجهك الكريم خالصا ولا تجعل لى منه حظا ولا للشيطان منه نصيبا وتقبله منى ياربنا قبولا حسنا اللهم آامين منقووووووووووول لاحياء القلوب الغافلة |
جمييييلة قوى يا سارة التذكرة ديه وربنا يجعله فى ميزان حسناتك
اللهم اجرنا من النار يارب اللهم اهدنا واجعلنا سببا لمن اهتدى |
لا اله الا انت سبحانك اني كنت من الظالمين
رب اني كلي ذنوب ، و انت العفو الغفور. (( انت وليٍّ في الدنيا و الآخرة توفني مسلما و الحقني بالصالحين )) جزاكى الله خيرا وجعله فى ميزان حسناتك |
جزاكم الله خيرا لمروركم الطيب
أسأل الله النفع والإفاده للجميع وأسأله عز وجل أن يتقبل مني ومنكم صالح الأعمال |
ماشاء الله جزاك الله خيرا اختى العزيزة
|
موضوعك راااااااااااااااائعجدا
جزاكى الله خيرا وجعلة فى ميزان حسناتك |
اقتباس:
بصراحه الردده عجبني جدا اللهم ارفع مقتك وغضبك عنا اللهم ولاتسلط علينا بذنوبنا من لايخافك ولايخشاك ولايرحمنا |
مرسيي كتير ليكى كلام تمام فعلا no comment عليه لانه بيحصل فعلا
جزاكى الله الجنة |
السلام عليكم
موضوع بيحصل فعلا والاغلبية كدة اللهم اعفينا يارب جزاكي الله خيرا على الموضوع جعله الله في ميزان حسناتك ان شاء الله |
أنا مبسوطة
لأن الموضوع جميل وده بيحصل فعلا |
جزانا الله وإياكم خيرا
اللهم علمنا ما ينفعنا وانفعنا بما علمتنا إنك على كل شيء قدير اللهم بارك لنا في شعبان وبلغنا رمضان |
جزاكي الله ألف خير عالموضوع الرائع ده
و دي فرصة جميلة أوي ان رمضان عالأبواب وكل واحد يراجع نفسه ويفتكر عصا ربنا سبحانه وتعالى في ايه ويستغفره وربنا ان شاء الله يقبل توبته كل عام وأنتم جميعا بخير |
جزاكم الله خيرا
|
ربنا يباركلك يااااااارب
|
|
| جميع الأوقات بتوقيت GMT +2. الساعة الآن 05:23 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.