ايه رايك فى الكشف الطبى؟
 

ايه رأيك فى الكشف الطبى بصراحه؟

السلام عليكم
انا ذهبت البارحة عشان الكشف الطبي و تقديم الاوراق
الكشف الطبي بصراحة لم يأخذ وقتا اللي اخذ وقت الاشعة
لأننا انتظرنا حوالي ساعة حتي تظهر نتيجة الاشعة

فين الكلام دا
دا انا السنة اللى فاتت مخدش معايا 5 دقائق رغم الزحمة
دخلت باطنى قالى عملت عملية قلت لا (خلاص)
اسنان ولا حاجة
عيون ولا اى حاجة
كشف على الفاضى نظام روتينى يعنى

أي كلام.......
واحدة قالتلي بصي هناك و خدي نفس جامد
و وواحدة تانية قالتلي بتشتكي من حاجة فسنانك (من غير حتى ماتبص فيهم)
و العيون واحد قاللي حطي ايدك عالعين دي و بعدين العين التانية وخلاص

كان المفروض الكشف الطبي انهارده
بس انا مارحتش كسل بقى كنت نايمة:romarioxp6:
عايزة ابقى اسأل حيعملوه امتى للي محضروش اول مرة

والله كان اى كلام
دخلت واحده قالتلى حطى ايدك على عينك
وواحده تانيه قاست النبض وخلاص

وعليكم السلام ورحمه الله وبركاته
أنا قعدت أقرأ ف البوست كذا مرة وأشوف التاريخ بتاعه
علشان أتاكد انه ف 2009
الاشعه والكلام ده هنا ف مصر؟؟:eek:
انتى ف جامعه ايه؟
احنا عندنا
نظر
وبيسأل عملتى عمليات؟
بتاخدى أدويه؟
وكشف بالسماعه وبس
:av4056bb7jp3:

مكنش فيه كشف طبي اصلا
كل السؤال اللي أتسأل
انت عندك نظارة ؟؟؟(لا)
خلاص روحي
وكان الله بسر عليم

وريني اسنانك كدة
لبستي نضارة قبل كدة
والسلام ختام
كان نفسي اكشف بجد احنا في زمن الامراض انتشرت فيه
ربنا يستر

يا عم كشف ايه وبتاع ايه دا كان اي كلام خالص كل حاجة الدوكتور بيسالك
انت لا بيكشف ولا بيعمل ومريح نفسه واعد على مكتبه حاجه اي كلام خالص

ههههههههههههههههههه
كشف طبي ايه يا راجل
انت مش قصدك بتاع الكليه
ده هبل والله العظيم
تعرف كشف القلب كان عندنا ازاي
بتطلع على السلم ولا في الاصنصير
حاجه زي الفل

الكشف الغرض الرئيسي منه تحصيل الرسوم المالية ليس الا
وعلاقة له لا بالكشف ولا بالطبي

أنا زعلانه إنى رحت وتعبت نفسى فى الحر والمواصلات والزحمه

كل اللى حصل بالضبط واحده قالت حطى إيديك على عينيك اليمين وبعدين على الشمال وسألتنى عن دايرتين

وكتبت النظر 6/6 ومافيش نظارة بعد كده واحده تانية حطت السماعه ونزلت ع الورقة سليم .سليم .سليم .سليم

ده فى الجلدية والأسنان وأخرى وقالت روحى إختميها من الإدارة الطبية يعنى مش عارفه تاعبين نفسهم ليه

وتاعبينا معاهم ماأنا أعرف أكتب كلمة سليم كويس والله