|
لو بقيت رئيس جمهورية بكرة ايه اول 3 قرارات هاتعملها ؟؟
فكرة وسؤال ممكن يفتح باب افكار كتير
تخيل انك بكرة الصبح بقيت انت رئيس الجمهورية:049gc0: وعندك كل صلاحيات الرئيس:049gc0: وكل مشاكل البلد:mad::mad::mad: هتبدأ منين؟؟؟ ايه اول طريق ممكن تصلح بيه الاحوال ياريت كل اللي يدخل يقولنا واكيد هنلاقي افكار ساخرة واخري عميقة وافكار جديدة وكل واحد يظهر طريقة تفكيره |
اقتباس:
اولا :عزل الوزارة باكملها و تعين وزارة كلها شباب نابغين ثانيا :منع اى يهودى من دخول مصر و المساهمة فى تكوين جيش عربى لمحاربة اسرائيل و جيوش الاحتلال التى تحاول الاستلاء على الدول الاسلامية ثالثا :احاول بقى احل حاجة حاجة فى البلد يعنى مثلا اعمل بنية تحتية سليمة و اقضى على الفاسدين و الفساد و اكيد اهم حاجة انى هبقى قريبة من الشعب اوى و هحاول البى كل طلباتهم و كل واحد لية حق ياخذة لان فعلا انا مؤمنة جدا بحكمة بتقول (لابد من يوم ترد فية المظالم ابيض على المظلوم و اسود على الظالم ) شكرا على التوبيك دمتم فى رعاية الله |
اشكر مرورك الكريم وشجاعتك في تولي المنصب بعد 12 واحد دخلوا وخافوا ومشيوا
اولا عزل الوزارة معاكي بس اكون من الوزارة الجديدة مع اني لا شباب ولا نابغين تكوين الجيش فكرة ممتازة وخصوصا العرب مستعدين يحاربوا لغاية اخر جندي مصري ويجعلها بيضة على الكريم سودة على اللئيم بمبة على اللي ما يساعد الحريم |
أول قرار هاخده عزل الوزارة ومصادرة جميع اموالهم لصالح الشعب
تاني قرار رئيس الجمهورية ميمسكش الحكم أكتر من دورتين متتاليتين لانه بيكون قدم كل اللي عنده يمكن اللي يجي بعده يكون عنده افكار جديدة يطبقها بعد كده بقي هبدأ أحل المشاكل الداخلية يعني من اكبر المشاكل في البلد حاليا الوسطه هحاول علي قد ما أقدر ألغيها خالص |
اقتباس:
ابدأ بالأجابة 1- هلغي الدستور وامر بتطبيق الشريعة الاسلامية(القرآن والسنة). 2- تصحيح العلاقات بين الدول العربية وتشكيل جيش عربي لمحاربة إسرائيل وتحرير فلسطين . 3- العمل على توحيد الدول العربية كدولة عربية إسلامية واحدة يحكمها زعيم واحد منتخب (زي الخليفة زمان) . دي افكاري مش عارف هتعجبكم ولا لأ بس صدقوني الرئاسة صعبة جداااااا وتولي مسئولية دولة كاملة وشعب كامل وربنا هيسألك يوم القيامة عن كل حاجة وكمان عشان مصر بالذات اكبر دولة في المنطقة (الشرق الاوسط) فكل حاجة هي بتتحملها وتبقى المسئولية ملقاة بالكامل عليها شكراااااااااااا على الموضوع |
عزل الوزارة بنت الجذمة ومحاكمتهم فى ميدان عام
استعمال القوة فى كل المواقف الخارجية وكفاية بقى ناخد بالقفة القضاء على الفساد والإهتمام بكل المصادر للدخل القومى مثل قناة السويس اللى النهب شغال فيها ع ودنه |
رائع رائع رائع السؤال ده وشكر خاص جدا لطارحه علاء سيف
بس اذا كنت هتخلينا نحلم باننا رؤساء مع انه مش مستحيل يبقي مش تبقي بخيل واتقيدنا ب3 حجات بس انا عارف انت قصدك اول 3 قرارت بس في حجات كتير مش ينفع لها ترتيب لاهميتها بس انا هقول رأي اولا وثانيا وثالثا هتطبق الشريعه الاسلاميه في كل حاجه لانها هتخلينا نحكم بالشريعه ونعاقب بيها وتفرض علينا محاربه اعداء الله والاتحاد مع باقي الدوال العربيه والاسلاميه ونصره اخواننا شوفت الامر سهل ازاي كله في اسلامك |
ههههههههههههههه
هو بصراحة تخيل صعب او نقول مستحيل لان عمرة مهيحصل بس ممكن لو بقيتفى الموضوع هنا يعنى هاخد القرارات دى 1/ هغير نظام التعليم الغبى الى عندنا دة 2/ هحاول ان كل خريج جامعه يبقى لية شغلانة بمرتب محترم 3/ عدم الجمع بين المال والسلطة سواء اعضاء برلمان او اعضاء حزب شكرا على الموضوع |
طبعا حعزل الوزاة الفاسدة وزارة شيخ الحرامية وحلغى كادر المعلمين واعمل حد ادنى لجميع موظفى الدولة لان كل فئات الموظفين بيطالبوا بالكادر وعمل مشاريع شبابية بحيث كل شاب يشتغل بشهادة وطبعا حل سريع لمشكلة الرى بمياة الصرف وشربها احنا بلد النيل هو النيل اتنقل ولا حاجة والتعليم كلة يتظبط نخلى الطالب يحب المدرسة الفصل مش فية اكتر من 20 طالب نوفر للطلاب لاب توب لتوسيع المعرفة والغاء الدروس الخصوصية الرقى بالمستشفيات ويكون فيها اعلى مستوى نظافة واستقبال جميع الحالات وكل وتزويد معاش السادات للناس الغلابة 100جنية تعملهم اية شهر كامل ونعمل النووى باعلى سرعة وتغريس الانتماء وحب البلد ولو مش بقى فية فساد حنقضى على الهجرة الشرعية والغير شرعية واللى يشتغل نحاسبة بالساعة على قد ما يشتغل بالعدل ياخد بالعدل ولسة فية كتير بس كفاية عشان انتوا زهقتوا
|
مشكووووووور على الطرح الجميل !!!!!!!!! صعبة جداً العمل كرئيس إنها مسئولية عظيمة و تلقى على أكتافك و لكن كيف يكون العمل لابد من دراسة الأمور بموضوعية و شفافية و حالياً ليس فى مخيلتى شئ و ربما بعد رمضان سأجد حل لتلك القرارات المصيرية و هو ليس اعتباطاً أن أعمل 3 قرارات سريعة أولاً الدراسة و لى عودة مرة أخرى انتظرونى متابعة |
1) يلغى القرار(2)
2)يلغى القرار (3) 3)يلغى القرار(1) :) :p |
لو بقيت رئيس جمهورية
يعني تقصد أكيد ...إني لو صحيت من النوم .. قالوا لي انت اصحى يا ريس .. انت بقيت رئيس جمهورية ... أول حاجه هعملها هاقوم اسيب كل اللقاءات والرسميات والاجتماعات والصحف والمجلات والإذاعة والقنوات .. وأهر ب منهم كلهم .. وأشوف أقرب مسجد .. أتوضأ وأصلي ركعتين .. وأطيل في السجود ، وأدعو وأقول : اللهم أزل عني غمتي وكربي وهمي ، ولن أقوم من سجودي ودعائي .. حتى أسمع أحد المسئولين يقولك : قم يا محمد يا ابن عبد العظيم .. خلاااص انت ما بقتش رئيس جمهورية .. وقتها .. أقوم ، وأصلى ركعتي شكر لله .. لأنه استجاب لدعائي في الحال . |
السلام عليكم و رحمة الله و بركاته ,,,,,
موضوعك جميل ::::::! بس انى لا أقبل ان أكون رئيسا للجمهورية لانها مسئولية لكن لو واحد عايز 3 قرارات أقولهم لك : ( 1 ) عزل رئيس الوزارة ( 2 ) عزل وزير الدفاع " القائد العام للقوات المسلحة" ( 3 )عزل وزير الداخلية و يبقى الرئيس هو رئيس الجمهورية و رئيس مجلس الوزارة و القائد الاعلى و القائد العام للقوات المسلحة و وزير الدفاع و الانتاج الحربى كما أنه وزير الداخلية . |
هقدم استقالتي
هتنحى عن الحكم من اول دقيقة اصلا و لو هقبل و انا عندي ضمير و بحب بلدي و عايزة اغيرها هعمل بالظبط زي فيلم "ظاظا" و اخرتي هتكون زييه كدة :d(يلا همت شهيدة كويس ) ربنا يبارك فيكي جزاك الله خير ع التوبيك |
أول حاجة عزل الحكومة
وتعيين مجلس شورى للنظر فى القضايا الهامة بعد كده اصلاح نظام التعليم بالكامل من ابتدائى لجامعة وتوفير مناخ جيد وبيئه علميه مناسبة فى هذه الاماكن بعد كده تعديل الدستور بما يتوافق مع اختيارات الشعب وطبعا احياء الديموقراطيه والغاء قانون الطورئ واعطاء كل فرد حقه فى المجتمع |
| جميع الأوقات بتوقيت GMT +2. الساعة الآن 02:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.