|
مكتوب عليا
كل الناس تقدر تشوفك
إلا انا كل الناس تقدر تجيلك تسعد بقربك تشفى بعبيرك إلا انا كل الناس تقدر تقابلك كل الناس تقدر تروح لك تحيا بكلمة من كلامك إلا انا كل الناس تقدر تشاهد نور عنيكى كل الناس تقدر تشاهد طلتك تقدر تعيش على ضحكتك إلا انا كل الناس تقدر تنادى عليكى باسمك إلا انا كل الناس تقدر تشاورك كل الناس تقدر تحاورك كل الناس تقدر تجاملك إلا انا كل الناس تقدر تشاورلك تعرف مواعيدك كل الناس تقدر تهنيكى بميلادك تقدرتعيش لحظة سعادتك لحظة سرورك إلا انا مكتوب عليا أكون بعيد مكتوب عليا افضل حزين حتى فى فرحك يا عيد مكتوب عليا أنكسر مكتوب عليا اندفن مكتوب عليا أندثر مكتوب عليا أنحسر مكتوب عليا أموت وسط أفراح الزمن مكتوب عليا أكون جبل لما اشوفك مكتوب عليا أكون حديد لجل ما تحسى بسعادتى وانا مش جبل ومش حديد مكتوب عليا أفضل بعيد والكل بيقرب إليكى إلا انا وكل الناس مسموح لها تغلط باسمك لما تنادى بعضها كل الناس مسموح لها إلا انا مكتوب عليا انى اشوفك واتدارى منك لجل ما أجرح شعورك لجل خوفك من عيون الناس والناس شايفة موتى وانتى لا؟ مكتوب عليا ألمح عيونك بس ما باقدر أبص لها وأسرح مكتوب عليا أتجرح والجرح منك الجرح م اللى يحبنى الجرح م اللى بحبها الجرح م اللى روحى فيها الجرح م اللى ضعت ف متاهة بعدى عنها الجرح م اللى لو أقابلها لحظة كنت أقول انى ملكت الدنيا بدرى الجرح م اللى فداها عمرى الشاعر محمد على |
الله يااستاذنا بجد
رائعة رائعة رائعة تسلم ايدك علي الكلمات الناعمة دي متحرمناش من إبداعك :) |
اقتباس:
ودايما منورنى بردك الجميل |
والله زمان يا شاعر
ايه الحلاوة دي سامحني لأني وقتي ديق جدا ولنا وقفة أخرى للتحليل طمنا عليك العزب |
اقتباس:
وربنا يبارك فيك أما أنا فايعنى الحمد لله |
الشاعر الجميل محمد علي دائما ما يجعلنا قلمك نفكر ونحلم ونعيش معه دنيا من الخيال الجميل نشعر بالحروف كأنها نسمات تتغلغل بين ربوع المكان وتأخذ بعقولنا لحيث تريد والاجمل اننا نعيش وكأننا معك في نفس المكان نشعر بك نعيش حلمك نشعر وكأنك حقا تتألم حقا لفراق من تحب فما أجمل ان تكون الكلمات طوع أقلامنا نعبر بها عما يجيش بصدورنا وقت ما نشاء اما عنك انت فشاعر فنان محب .. حالم .. صاحب قلم جميل شكرا لك |
الشاعر الكبير المبدع محمد على صدقنى مش لاقيه كلام أعبر بيه عن مدى إعجابى بقوة كلماتك عبارات سلسة لكنها تحمل الكثير من المعانى كلمات أستطاعت أن تنطق عما تحتويه من ألم دمت دائما مبدع :) ربنا يوفقك |
اقتباس:
أسعدنى مرورك وأسعدنى أكثر تعليقك |
فكرة جميلة و تعبيرات أجمل و أسلوب أكتر من رائع
متعودين دايما اننا نلاقى الحاجات دى و اكتر فى مواضيعك يا استاذنا دمت لنا شاعر و ربنا ما يحرمناش من طلتك علينا |
اقتباس:
ودوما نرى ابداعاتك |
بجد تحفة اوي تسلم ايدك
|
اقتباس:
== شكرا يا بندق وكل عام انت بخير |
الكلام دا أكيد مكتوب فى قصة حقيقية وحبيبة حقيقية لأنه بيدى احساس بالواقع وبيدل على فترة الى كان بيحبها فيها وفجاة اختفت من قدامه ولو جيت تقراه هتحس انك لسه بتحبها فعلا بس هى بعيدة عنك لابد من فرصة تانية تجمعكوا سوا يا سلام يا استاذنا الكبير على قمة الاحساس الجميل والمشاعر الى تطلع بما مكتوم جوه القلب تقبل مرورى |
يا نهار ابيض على الجمال والحلاوة الله عليك استاذ محمد والله
|
اقتباس:
اشكرك جدا على مرورك وكلامك الجميل |
| جميع الأوقات بتوقيت GMT +2. الساعة الآن 02:15 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.