|
من فيكم الشخص الشجاع
السلام عليكم و حمة اللة و بركاتة
كل عام و انتم بخير و رمضان كريم ان شاء الله انا النهاردة حبيت اعمل موضوع عن الشخص الشجاع والخلانى اعمل الموضوع هو ان الشباب هما مستقبل بلدنا و دلوقتى بقى فى ظاهرة غريبة عند الشاب و هى اللامبالاة كل واحد بيقول يالا نفسى و ملهوش دعوة بحد تانى فمثلا لما الشاب بيلاقى بنت بتتعاكس بيقول و انا مالى و ممكن كمان يروح يعاكس مع الشباب البيعكسوا البنت على الرغم انة المفروض يوقف الشباب دول عند حدودهم و برضة لو لقوا بنت واقفة فى القطر او الاتوبيس مش بيرضى يوقف و يقعد البنت و يقول اشمعنى انا الاقف و اقعدها على الرغم ان من الاصول انة يقعد البنت و هو يوقف .............................................. النهاردة عايزة من كل شاب و من كل فتاة يدخلوا و يقوا اية الموقف الشجاع العملوة و هل ياترى عندك الشجاعة انك تضحى بحياتك من اجل فتاة او رجل لا تعرفة و يقربك باى صلة قرابة هل فيكم رجل مثل الشهيد الضابط الذى ضحى بنفسة من اجل ان يحمى فتاة من ال******؟ هل فيكم فتاة مثل الشهيدة مروة الشربينى التى ضحت بحياتها من اجل الدفاع عن الدين الاسلامى؟. .................................. هل لديكم الشجاعة الكافية فى ان تضحوا بحياتكم ام لا ياريت كل شاب و فتاة يدخل يقول هل ممكن ان يضحى بحياتة من اجل شخص ما ام لا ويقول على اى موقف شايفة رجولى و شجاع قام بة من اجل شخص اى حتى لو كان الموقف دة بسيط فهو اكيد عند ناس كتير هيكون عمل انسانى كبير ياريت ياجماعة تتفاعلوا مع الموضوع و عايزة اعرف رايكم و ردودكم شكرا ليكم و يارب الموضوع يعكبكم و ميكنش متكرر |
اية ياجماعة فين ردودكم ولا محدش عندة شجاعة خالص هنا ولا اية
|
اقتباس:
اقتباس:
اقتباس:
اما لو الموضوع كله فجائي ومحتاج ردة فعل سريعة ومن غير تفكير فتبقي حركة مجنونة وهضحي بحياتي بس حاسة اني هندم بعد كده بس لو الاجابة على مجمل السؤال فانا مش عندي الشجاعة الكافية بس لو عملتها هتبقي من غير تفكير واسفة للتاخير في الرد موضوع رائع |
شكرا ليكى بجد على المشاركة
و بعدين كفاية انك رديتى لان فى 50 شخص شايف الموضوع و مكنش عندة الشجاعة او الجراءة انة يناقش الموضوع |
اقتباس:
|
شكر اليك اوى على ردك و مشاركتك
فعلا مش بنكر ان فى ناس كتير بيبقى عندهم شجاعة او بيعملوا مواقف كويسة |
توبيك لذيذ جدا دلوقتي فعلا بقى فيه لا مبالاه فظيعة عند الناس مبقاش في حتى احترام تقاليد المهم انا ممكن اعمل مساعدة كبيرة لاي حد (لكن مضحيش بنفسي عشان واحد معرفهوش) و طبعا مينفعش احسبامان مع اي حد كده (بالذات في الزمن الغريب ده الي منعرفش فيه الحلو من الوحش) بس ممكن اضحي عشان حد بحبه و نفسي جدا اضحي بنفسي في سبيل الله طبعا و لو جت الفرصة و الله ما هتاخر لحظة |
شكر ليكى يايمنى على المشاركة
فى رعاية الله |
السلام عليكم ورحمة الله وبركاته موضوع كبير وعايزله وقفة ونظرة جديدة بحييكى على الموضوع الهايل دا بجد جددتى جراحنا وفكرتينا بإلى بنشوفه لكن مش عايزين نشوفه بنتغاضى عنه أنا مش عندى موقف ممكن أعتقد إنه موقف بطولى أو أى حاجة عملتها تستحق الذكر لكن أعرف إنسان يستحق فعلا الإحترام والتقدير رجل بمعنى الكلمة إنسان حقيقى ومهما ذكرت لن أوفيه حقه لكن لابد من ذكر ما قام به حتى تتطمئن قلوبنا ونأمل فى الله خيرا أنا هحكيلكم الموقف ذى ما شفه وأنتوا أحكموا يستحق الإحترام والتتقدير ولا لأ هو شاب عنده 22 سنة إسمه كريموهو فعلا كريم الخلق والكلمة كان فى الشارع ماشى عادى ذى أى عابر وشاف تلات شباب بيعتدوا على فتاة مسيحية وهى بتحاول تركب التاكسى علشان تخلص منهم تذكروا كريم مسلم والفتاة مسيحية لا تمده بها أى صلة كان ممكن يقول وأنا مالى ماهى تستاهل مش لابسة ليه محترم كان ممكن يقول ما الناس كتير ماشية فى الشارع إشمعنى أنا إلى هدافع عنها كان ممكن يقول دول تلاتة وأنا واحد لوحدى لكن شهامة كريم الشاب المصرى المسلم ابن البلد لم تدفع أفكاره لقول هذا المهم جرى كريم لما شاف الموقف وبرجله ضرب واحد من اتلاة كان ماسك بإيده إيد البنت وبيطلعها بره التاكسى إيد الشاب دا ( للأسف شاب ) سابت إيد البنت من قوة الضربة فالبنت ركبت التاكسى ومشيت والتالتة بقى حاجة كدا ضخمة وكريم ياعينى مايوزنش 50 كيلو التلاتة أتسلوا عليه بقيوا بيلعبوا بيه ذى الكورة لحد ما أغمى عليه إلى ديقنى بقا إن الناس جت علشان تفوقه بعد ما إنضرب ما فيه غير القلة القلية هى إلى دافعت عنه غير طبعا الكلام إلى قالوه أنت كان مالك بيها .............. إلخ ألا يستحق كريم هذا التقدير والإحترام هذا هو رمز الشاب المسلم المصرى رمز الشهامة إلى بقى نادر وجوده دلوقتى اللهم إهدنا لما تحبه وترضاه |
اقتباس:
شكرا بجد على مشاركتك و على قصة الشاب الجميلة دى فى رعاية الله |
انا قريت الموضوع وعجبني .. بس اجابتى تتلخص في حاجة واحده بس
اقرى الموضوع اللي انتي كتبتيه دا وردي عليه بنفسك .. والاجابة اللي هاتقوليها هوا دا اللي هاعمله |
على فكرة الموضوع رائع بجد
بس انا مش شفت اى شاب عنده الشجاعه ويقف مع اي بنت غير لو كانت قريبته او اخته |
احم تقدري تقولي انا داخل ارخم حبيتين:d بس بجد عايز ارد على حتتين اقتباس:
هي الاصول ده حددتوها امتى بالظبط هو البنات بتحب تساوى مع الولد في كل حاجة ولما تيجي حاجة نتساوى احنا فيها معاهم يقولونا الاصول :d ده مش معناه إني مش حقف لواحدة عشان تقعد بس ده ممكن نعتبره نوع من الاحترام مش نقول ده اصول وانت لازم تقف اصلاً :d اقتباس:
عشان ميختلطش الحابل بالنابل الشهيدة مروة الشربيني مضحتش بحياتها في سبيل الدفاع عن الدين ممكن نقول في سبيل الدفاع عن الشرف ولو إنها معتقدش إنها ممكن توصل لمرحلة التضحية اساساً فهي كانت كل شكواها التفرقة العنصرية في معاملة هذا الروسي الاصل لها اقتباس:
وابقى قابلوني لو عبرت حد :d |
على فكرة مش صح ان الكلام عن الشباب يكون بالشكل دا بالتعميم لان الحمد لله كتير جدا مش كده ..
وفيه شباب صح ورجالة صح بيراعو ربهم وضميرهم ... اقتباس:
والله لحد دلوقتي لسه متحطتش ف موقف يحتاج مني تضحية كبيرة وشجاعة وكده ... بس منكرش ان مش اي حد ممكن اضحي بنفسي عشانه ... فيه نوعيات من الشباب والبنات الواحد يستعر انه يقف جنبهم او يساعدهم لانهم لازم يستحملو نتيجة تصرافتهم مهما كانت ... بس الاكيد اني لو لقيت حد يتساهل مني تضحية مستحيل اتاخر ف حاجة زي دي ... بالذات لو حاجة كبيرة ولازم اتدخل بسرعة وكده ... والموضوع جميل تسلم ايدك ... :) |
| جميع الأوقات بتوقيت GMT +2. الساعة الآن 12:04 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.