|
الاسماااك ....... متجدد ان شاء الله
المقادير
كمية من السمك(اى نوع) / ليمون اسود ناشف / كمون مطحون / ملح / دقيق / زيت للقلى. الطريقة تقوم اولا باحداث فتحات بسيطة فى جوانب السمك حتى تصل البهارات والملح الى داخل السمك ثم نرش السمك بالملح ونتبله بالليمون الناشف المطحون جيدا والقليل من الكمون المطحون على ان تكون كمية الليمون الناشف اكثر من الكمون لان السر فى طعم الليمون يترك السمك فى التتبيلة لفترة تتراوح من ساعة الى ساعتين حتى يتشبع بالبهارات ثم يقلب قى الدقيق ويقلى فى زيت ويقدم مع الارز وسلطة ملحوظة اهم حاجة فى الوجبة هى البهارات وانتظروا المزيد |
ايه هو انتوا مش لاقيين الليمون الاسود ولا ايه
|
وصفة رائعة
مشكوووووووووووووور الليمون الأسود عند العطار لمن يبحث عنه و ممكن أى ليمون جاف ونشكرك و أكثر من وصفات الأسماك و خاصة الكلمارى و الطرق الرائعة لحشوه و الجمبرى و كل الأصداف البحرية منتظرة مزيدك |
انا هتكلم كده عادى بالبلدى يعنى علشان نعرف نفهم بعض
وان شاء الله هتحسى انك واقفة فى مطبخ اول طبق هو الكلمارى او السبيط ( طاجن) المقادير المقادير دى نسبية يعنى ممكن تتغير من شخص لاخر 4:5 فصوص ثوم / عدد 2 بصلة / عدد 1 طماطم / حبة فلفل كبير / 2 ملعقة صلصة / كرفس لو موجود انا عن نفسى مش بستخدم الكرافس / ليمون / ملح - كمون - شطة / زيت / خل الطريقة فى الاول نجيب الكلمارى ونغسله بالملح والخل جيدا ونشطفه بالميه بعد كده بنضعه فى مصفاه لازالة الماء ندخل على البصل نقطعه ( جوليان ) دوائر رفيعة يعنى نقطع الثوم ( برنوزات) قطع صغيرة يعنى زى الفرم كده ونقطع الطماطف والفلفل قطع صغيرة ثم نحضر الكلمارى ونضع عليه الخل ونعصر عليه 4 ليمونات ويتم تقليب الكلمارى جيدا ويترك لمدة 10 دقايق ليأخذ طعم الخل والليمون( طعم روووووووووعة) ثم يضاف الملح والصلصة ويتم تقليبهم جميعا وبعد كده هنجيب الطاجن او الصينية ونضيف الزيت ثم نضع الخليط السابق ( الكلمارى + البصل + الطماطم + الفلفل + الثوم ) وبدون وضع ماء لانه هيكون مشبع بالماء ونغطى الطاجن بورق الفويل ثم يوضع على النار الى ان يتشرب الماء وبعد كده نبدا فى التقليب مع اضافة الماء القليل الى ان تتم التسوية وبالهنا والشفا |
مشكووووووووووووووور
طريقة رائعة لعمل الطاجن بالسبيط و جارى التنفيذ بارك الله فيك |
تسلم ايدك
والله نفسى اجرب بس خايف اولع فى المطبخ شكرا على الشرح الوافى يا اخ شريف فى رعاية الله |
سمك فيليه بالموز
النهاردة سمك فيليه بالموز:d محدش يستغرب لو ميعرفش النوع ده او مكلش سمك بالموز الوجبة دى اللى جت ليا فى اول امتحان عملى فى الكلية والحمدللله عملتها طب يلااااا نشوف اتعملت ازاى المقادير 1ك سمك فيليه (حسب الرغبة ) / 2/1 ك موز / عدد 4 بيضات / بقسماط للبانيه / دقيق/ ملح / فلفل / وتوابل / مستردة لو امكن الطريقة الاول يتم كسر البيض فى اناء ويتم اضافة المسترة والتوابل له بعد كده نخش على السمك هنجيب قطعة السمك ويتم تتبيلها بالملح والفلفل ثم توضع فى الدقيق ثم فى البيض ثم فى البقسمااااااط ثم تقلى فى الزيت ثانيا ندخل على الموز ومحدش يستغرب هنعمل اموز بانيه وهنقليه فى الزيت كمان ( طعم روووووووووووعة) هنجيب صابع الموز ونقشره طبعا:d وبعد كده سيتم قطعه طوليا الى نصفين بس اوعوا تتبلوا الموز :d ناخد الموز ونحطه فى الدقيق ثم البيض ثم البقسماط وبعد كده ينقلى فى الزيت قلى خفيف نيجى بقى لرص الطبق ( اهم حاجة عندنا فى الكلية رص الطبق بناخد درجاااات عليها ) هنجيب الطبق ويتم وضع قطعة سمك الفيليه فى المنتصف وبعدين نجيب صابع الموز المقطوع طوليا والمقلى فى الزيت ونضعه حول قطعة السمك خلى بالك هيدى شكل قلب جواااااه قطعة السمك وممكن نرش شوية بقدونس مفروم كده على قطعة السمك والله ياجماعة انا عملت الطبق ده فى الكلية الاول فى الامتحان وبعدين عملته فى البيت وعجبهم اوى وكان طعمه روعه وخصوصا الموز البانيه وجربوا ومش هتندموا بس امانة عليكم تقولولى رايكم ايه فى الموز البانيه بعد اذنكم وبالهنا والشفا ورمضان كريم |
ماله الشبار والمقلى والمشوى :d لازم الاحباط ده
وبعدين فيله بالموز ده للتحليه ولا للاكل العادى :d كويس كويس كمل كده وانا اضمنلك ان العالم دى هتقابل وجه كريم قريب :d شكرا ياسيدى ع الموضوع :d |
اقتباس:
غير انى انا عاملها فى الامتحاااااااااان اومال لما نعمل رز بالموز والتفاح هتقولوا ايه اهم حاجة عندى سيبكم من السمك اعملوا مووووووووووز بانيه وكلوا الموز وقولوا ليا ايه رايكم وافتكر ان البيوت كلها فيها موووووووز دلوقتى رمضاااااااااان كريم |
اقتباس:
و الله يا أخى مشكووووووووور على الوصفات الفندقية إنها جميلة و نوع من التغيير و النمطية و منتظرة جديدك و لكنى أكلت مرة أرز بالمشمش المجفف وكان أكثر من رائع ياليت تقول الطريقة و الوصفة و لك خالص شكرى و أنا مجربة الموز المشوى و سأجرب الموز البانيه أنا أحب كل جديدمعاك متابعة |
الناس اكلت مووز مشوى ومفيش حاجة حصلت
جربوا البانيه واوعدكم ان مفيش حاجة هتحصل وانتظروا المزيد |
مارينيه الاسماك
مارينيه (تتبيل) الاسماك يوجد الكثير من انواع التتبيلاات بس انا هقول طريقة هى معروفة اااااه بس انا بذكركم بيها واللى ميعرفش يعرف معانا:049gc0: كاس عصير ليمون/نصف كاس لبن/بصل مفروم/ثوم مفروم/ملح فلفل/بهارات/خل/مستردة/كمون/كزبرة خضرا مفرومة/ ممكن تضعى الكارى(حسب الرغبة) التتبيلة دى لكافة انواع السمك يتم خلط هذه المكونات جميعهم ببعض ويستسحن لو تضرب فى الخلااااط بعد كده حضرتك بتضعى السمك فى الخليط لمدة 10 دقايق وتقومى بعمل الوجبة ايا كانت |
مشكوووووووور على وصفاتك الرائعة
و الموز البانيه رائع و مشهى جداً أنصح الزملاء بالتجربة و لن تندموااااااااااا بارك الله فيك |
اقتباس:
وكويس ان حضرتك جربتى وكويس كمان انه عجبك وياريت يكون عجب الاسرة الكريمة كمان ومرة تانية شكرا على مرورك وبالهنا والشفا :d |
اقتباس:
|
| جميع الأوقات بتوقيت GMT +2. الساعة الآن 11:46 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.