بوابة الثانوية العامة المصرية

مش هكون لك شهرزاد تلهيك
مش هكون لك جارية من جواريك
انا لو تحب
وقت العطش من وريدى اسقيك
وقت البردألضم النجوم غطا يدفيك
ولو تعبت
اعمل سم الحيات ترياء يداويك
ولو اتحسدت
اضفر تعاويذ الانس والجن ارقيك
ولو وقعت
فوق جبينى اشيلك وللسما اعليك
ولو زهقت
اجمع قصص العشاق بقلبى يواسيك
ده لو تحب
لكن تخون
وعليك اهون
زكرياتك من غضبى مستحيل تحميك
ودموعك من نارى لا هتطفيها ولا تطفيك
قالوا زمان فى الامثال
ده اللى يهدك هو بس اللى بانيك
وانا مش هكونلك شهرزاد تلهيك