|
ازاى اعمل التماس
فدى المشلكة انا طالبة فى 3 ثانوى مجموعى فى تانية 95 علمى رياضة اصبت بالسرطان بعد نتيجة 2 ثانوى بــ 4 شهور تقريبا كل اهلى شجعونى على تاجيل سنة تالتة بس انا صممت انى اكمل رغم اننى كنت باخد جرعات من العلاج الكيميائى انذاك و انتهى العلاج فى امتحانات سنة 3 ثانوى و رفض المسؤوليين اجراء امتحاناتى داخل معهد الاورام بدمياط >> منعا للغش المهم طبعا المجموع بتاعى نقص كتيييييييير اوى بقيت فى السنتين مع بعض 89.7 = 368 و التنسيق حولنى الى زراعة شعبة هندسة كفر الشيخ و هذه الكلية رفضها الطبيب المعالج لى لبعد مسافتها عن دمياط محافظتى بالنسبة لحالتى التى تستوجب المتابعة الشهرية اذا لم يكن هناك حالة طوارئ فارجو من اى احد ان يساعدنى لعمل التماس لدخول كلية الفنون التطبيقية بدمياط او حتى يقول لى كيف اجرى هذا الطلب على العلم انها اكثر من مجموعى بــــ 8 درجات بس جبت لائق فى امتحان العمارة و امتحان التقدم للكلية |
ربنا يشفيكى ويكون معاكى ويا جماعة الى عندة اى حاجة يقدر يقولها بسرعة يقولها دى مهما كانت اختنا كلنا
|
الف شكر استاذ محمد و يا ريت اى حد عنده اى معلومة ما يبخلش عليا بيها |
اولا يا حبيتى ربنا يشفيكى يا رب وتبقى كويسة ان شاء الله
بصى انا الى سمعته ان الالتماس ده بيبقى فى مكتب التنسيق الرئيسى وبتدفعى 100 جنيه وده كل الى اعرفه يا ريت الى يعرف اى حاجة يقول يا جماعة علشان انا والله معرفش غير كده ربنا معاكى |
ربنا يشفيكي وتبقي باحسن حال وصحه
بصي مهتلاقيش مصدر معلوم وموثوق غير مكتب التنسيق انتي اما تتصلي بيهم او تروحي المركز الرئيسي واسالي كل الاسئله اللي انت محتاجاها وهتلاقيهم متعاونين بس خدي حد معاكي كبير علشان الخناقات |
ربنا يشفيكى يارب ان شاء الله واحسن مصدر ممكن يفيدك هو مكتب التنسيق ومتسنعيش اى كلام تانى او اتصلى بالرقم19468
|
ياجماعة الى عندة معلومة ميبخلش بيها
|
متشكرة جدا لكن انا فعلا اتصلت بيهم و قالوا لى انهم معدش عليهم حالات كده قبل كده و بصراحة انا فى دوامة و مش عارفة اعمل ايه على العموم جزاكم الله كل خيير و ابعد الله عنكم كل شر |
| جميع الأوقات بتوقيت GMT +2. الساعة الآن 10:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.