<div align="center">
حكمة</span>[/u]
اصمت تماما وماتستمعش لأي رسائل سلبية بيرسلها الطرف التاني.. لأن الفولت لما بيعلا في ساعة الغضب بيبقى الكلام مش مقصود خالص، فما تردش عشان ماتعليش الفولت وتغلط إنت كمان

لا تردد كلاما قيل في ساعة غضب ولا تصغ إليه، لأنه خرج من بدن أحمته ثورة الغضب. وإذا أعيد هذا الكلام عليك فلا تستمع إليه، بل انظر في الأرض ولا تتكلم في شأنه، فيخجل من هو أمامك ويعرف الحكمة

شفت لما تسكت يحصل إيه؟ هيتكسف ويسكت هو كمان

ممكن واحد حمقي شوية يطلع يقول لي: يعني أسكت له؟؟ لازم أأدبه

نرد على أخينا الحمقي ده ونقول ببساطة: الحل برضه إنك تسكت وماتردش عليه.. يعني لو بصيت له بثقة ولغة جسمك كان فيها ثقة.. هنتكلم بالتفصيل الممل عن لغة الجسد.. وفضلت ساكت وسبته ومشيت، هيقلق منك ألف مرة أكتر من لو رديت عليه وقعدت تجعجع.. وممكن ييجي يعتذر لك بعدها

إن التمساح الصامت يحدث الفزع في النفوس
- من تعاليم أمنوبي -


***********

حاجة كمان من فضائل الصمت أثناء أي حوار.. وهي إنك تفهم اللي قدامك بيفكر ازاي وتقدر تتعامل معاه على هذا الأساس، وتتواصل معاه بصورة أفضل.. وعلى هذا الأساس هتتصرف معاه لأنك عرفت طريقة تفكيره وهو ماعرفش لسه إنت بتفكر ازاي

المدير بتاعك: شفت ماتش الأهلي والزمالك امبارح؟؟ كان ماتش غريب
انت: فعلا يا افندم .. الزمالك يستاهل اللي جراله
المدير: يستاهل اللي جراله؟؟ أنا زملكاوي يا ولد.. روح إنت مرفود

طيب لو سكت وسمعت شوية إيه اللي هيحصل؟؟

المدير بتاعك: شفت ماتش الأهلي والزمالك امبارح؟؟ كان ماتش غريب
إنت..ابتسامة وهزة رأس
المدير: الزمالك اتغلب رغم إنه لعب كويس.. أنا زعلت قوي
إنت (بعد ما فهمت): يلاّ معلش يا افندم .. هي الكورة كده

عرفت بقى الاستماع الفعال عمل فيك إيه قبل ما تتسرع وتصدر أحكام؟

***********

لا تتآمر ضد زميلك في المحاورة
بل انظر ماذا يفعل
ومن جوابه سوف تفهم
وكن هادئا، وعندئذ تأتي معرفتك
ودعه حتى يفرغ ما في قرارة نفسه
إنك لا تعرف تدابير الله ولا ما يأتي به الغد
فاجلس بين يدي الله



- من تعاليم أمنوبي -

***********

http://www.lo7a.com/up/uploads/911c8c791a.jpg


عرفت بقى؟ كمان يا عزيزي لو سكت وفضلت تسمعه هتعرف النظام التمثيلي بتاعه بالتفصيل
وطبعا ده هيفيدك جدا

هل معنى كده إننا نفضل ساكتين على طول الخط ومانتكلمش؟؟

لا طبعا... الكلام ده موضوع تاني خالص...

هنقوله الحلقة الجاية.. فابقوا معنا

<span style="font-family:Trebuchet Ms">بقلـم: د.شـريف عـرفة



















ا
ل
م
و
ض
و
ع




م
ن
ق
و
ل




</div>

جميل اوى اوى يا حابى
موضوع رائع فعلا
جزاك الله خيرا
منتظرة الجزء التالى

موضوع جميل ومفيد جداً يا حابي.. وأنا متابعاه إن شاء الله ومنتظرة الحلقة القادمة..
شكراً جزيلاً لكِ...

<div class='quotetop'>إقتباس(اسيل رزق @ Oct 5 2006, 10:00 PM) [snapback]228852[/snapback]</div>شكرا لمرورك اسيل:)


<div class='quotetop'>إقتباس(فتاة_الإسلام @ Oct 5 2006, 10:00 PM) [snapback]228853[/snapback]</div>شكرا لكى فتاة_الاسلام لمرورك:)



و جزاكم الله كل خير على قرائتكم للموضوع و مروركم به:)

جميل اوى الموضوع يا حابى

منتظره الجزء التانى

<div class='quotetop'>إقتباس(TEMON @ Oct 6 2006, 12:21 AM) [snapback]228920[/snapback]</div>جزاكى الله كل خير على مرورك الكريم:)

موضوع رائع فعلا بجد رائعة ياحابى

<div class='quotetop'>إقتباس(روميو @ Oct 6 2006, 08:34 PM) [snapback]229356[/snapback]</div>جزاك الله خيرا رويمو

و شكرا ع المرور:)