|
ليه مشاكلنا كتير
السلام عليكم ورحمة الله وبركاته كلنا بنسمع كلمة مشكلة دي مش اقل من 20 مرة في اليوم ,, ماشيين في الشارع مشكلة , في البيت مشااااااااااااااااكل ,, في التليفزيون مشاكل اكتر , بين اصحابك مشاكل http://4.bp.blogspot.com/_JrImZsz8RN...1203196539.jpg طيب فكرنا في السبب قبل كدة ! لية مشاكلنا كتير !! عارفين ليه ؟ عشان احنا من جوانا كشعب كارهين بعض ودة قمة الغباء على فكرة ، تلاقي واحد ماشي في الشارع , شاف واحد اغنى منه يفضل يقول شايف الراجل .د اكيد حرامي دا مش عارفة اية ورغي كتييييييييير اوي ونسي المشكلة الاساسية ان هوا مش بيشتغل اصلا عشان كدة مش معاه فلوس . ونسي ان ربنا هوا الي بيتحكم في الارزاق احنا عندنا عامل الحب دة بقى في الافلام بس وفي ناس بتستخبى ورا شمعة الحب دي عشان تنفذ الي هي عايزاه ،قمة الجهل والانانية ,,,, عارفين ليه مشاكلنا كتير ؟! عشان مش حاسيين ببعض ,, عارفين ليه مشاكلنا كتير ؟! عشان مش مهتميين ببعض ولا بنهتم بمشاعر واحاسيس الي حوالينا . عارفين ليه مشاكلنا كتير ؟!عشان بنوصل بعض لدرجة ان احنا نبكي منغير دموع ،نضحك عشان نداري الحزن ، نهزر عشان نداري كسرة القلب عارفين ليه مشاكلنا كتير ؟!عشان بنقول مش مهم هنعيش كدة وهنموت كدة . عارفين ليه مشاكلنا كتير؟!عشان بعدنا عن ربنا عارفين ليه مشاكلنا كتير؟!عشان مش بقى فيه اسرة ولا مجتمع ولا اي حاجة دلوقتي كل انسان في وادي والي جامبه في وادي تاني .. |
لا والله مش للدرجة
في ناس متحابين جداً واسرة واحدة زي زمان لما اقول على واحد غني وانا عارف مستواه ميجييبش 200 جنيه فهو اكيد حرامي انا مش بظن في حد ولا ليا علاقة بالكلام ده بس اللى بيقول كده بيقول من خلال اللى شايفه في الحياة وفي الواقع في كام واحد عندنا غني وشريف ؟ نادر مش لازم تكون المشاكل الكتير ده تخص اللى ابتعد عن الدين بالعكس ممكن تكون اكتر للملتزم الاكتر واللى ربنا بيحبه وبيبتليه مشاكل البلد كفيلة إنها متخليش عندك مشاكل اكتر من كده بس مش متعارض معاكي برده إنه في كتير بقو انانيين وطماعين وميهمهمش احاسيس الناس شكراً لموضوعك |
بالنسبة للاسرة انا عارفة ان في اسر كتير اوي متماسكة وكويسة بس مش اقصد الفكرة د انا قصدي زمان مثلا ككنت تلاقي ناس اصحاب لدرجة انهم بيمثلوا اسرة واحدة مش بس في مجتمع واحد
اقتباس:
اقتباس:
اقتباس:
اقتباس:
اقتباس:
اقتباس:
وشكرا لرايك ومشاركتك |
والله انا شايفة ان الحاجة الوحيدة المنطقية ف الموضوع هو ان مشاكلنا كتير...لكن الاسباب المطروحة مش منطقية الى حد كبير بصراحة......
ممكن يكون من الاسباب دي(انا بقول من الاسباب وليس كلها)الكسل اللي أصبح عنوان لمعظم الناس دلوقتي...كفاية ان معتش في حد بيحب حتى يمشي ,كله بالتاكسي والعربية او التوكتوك مؤخرا.... سبب تاني وهو التقليد الاعمى للناجحين بغض النظر عن المساوئ...بمعنى انك النهاردة بتشوف الغربي بيعمل ايه وتقلده....بس عشان هو متقدم....لكن الخلاعة والخروج عن النطاق العاقل ف الحياة الشخصية مش مهم. سبب تالت وهو اننا بنضيع وقت بشكل غير عادي....ع النت او عند التليفزيون او ف الشارع او ع الموبايل..... سبب اضافي ودهمهم مهم مهم جدا....وهو الثقافة اللي دخل علينا بيها الاعلام..... معلومة خطيييييرة: السنادي ف رمضان يعرض 90مسلسل ... معلومة أخطر: 50 مسلسل منها مصري..... اذن طبيعي جدا نعيش مشاكل لان وجودنا ف الحياة اصلا مشكلة..... |
بس سؤال اية علاقة الكسل بالمشكلة الاجتماعية ؟؟
وياريت اعرف الاسباب لية مش منطقية ؟؟ بالعكس دا كلام منطقي جدا ... عموما ثانكس يا قمر ونورتي التوبيك . |
انتى حسستينى بالتشاؤم كرهتينى فى الدنيا هههههههه انا الصراحة الموضوع عندى مش بالكثافة اللى انتى كاتباها ممكن تبقى فيه مشاكل بس بتتحل بعون الله وفعلا عندك حق فى موضوع الحقد ده شكرا على طرح الموضوع
|
الحمد لله المشاكل الشخصية قليلة جدا
اما مشاكل البلد فهو النظام الذي فصل بين المثقفين وعامة الشعب مما ادي الي خمول الشارع المصري الناس مش بتفكر غير انها ازاي تجيب فلوس البلد تولع مش مهم وده علي حسب مافهمت من الموضوع وشكرا |
هو فعلا مشاكلنا كتير
لدرجة ان بقى حلم عندى ان يعدى يوم مااسمعش فيه كلمة مشكله على لسان حد او اشوف حد عنده مشكله سواء فى التليفزيون فى قرايبى فى اصحابى والله بقى فعلا حلم عندى ولما بتبص فى وشوش الناس بتلاقى وششهم حزينه بس فى اسباب كتير وعلى فكره مش كل الاسباب عشان الحقد والحسد وكره النعمه للغير |
| جميع الأوقات بتوقيت GMT +2. الساعة الآن 02:36 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.