|
الوجبات المدرسيه في انحاء العالم .. (شويه كده وابقوا احذفوه ولا انقلوه )
بسم الله الرحمن الرحيم .. ازيكو يا عيال .. احم .. قصدي ازيكو يا جدعان .. :p كل سنه وانتو طيبين .. رمضان كريم .. :) انا لقيت ان الدنيا صيام .. وانكم جعانين بقى وكده .. فقولت ارخم عليكو .. واجوعكم زياده ..:p ( رخم من يومي انا .. رخم رخم ) المهم .. زي ما احنا عارفين .. ان في مدارس في انحاء العالم بتوزع وجبات وكده .. بعيداً عن بلدنا الحبيبه ..;) اتفرجوا كده ع الوجبات دي .. السويد الصين 1 الصين 2 مالاوي (حد برضو يأكل العيال فول ؟؟ .. امال لو مكانوش في مدرسه !!) كوريا 1 كوريا 2 كوريا 3 كوريا 4 اليابان 1 اليابان 2 اليابان 3 اليابان 4 اليابان 5 الهند ( ايه اللي هما بيعملوه في العيال ده ؟؟ .. حـــــــــــــرام ) فرنسا 1 فرنسا 2 أمريكا 1 أمريكا 2 أمريكا 3 أمريكا 4 أمريكا 5 أمريكا 6 أمريكا 7 أمريكا 8 أمريكا 9 أمريكا 10 أمريكا 11 أمريكا 12 أمريكا 13 أمريكا 14 ( اللهم اني صــــــائم ) :blush: السعــــــوديه .. احم .. على فكره مش بيوزعوا .. ده اللي العيال بتشتريه .. بالنسبه للمصريين بقى .. فـ هو باكو بسكوت مسمم زي الفل .. واحيانا في المدارس الداخلي او المهنيه حته جبنه وحتة حلاوه وبيضه ورغيف عيش بايت ..:d (زي الفل ) كفايا كده .. تعبتوا انتو .. في رعاية الله .. .. دووومتم .. |
ههههههههه ما تجيبي المصري :d اكتفيتي تقولي من غير صور ده يبيبقى فيه حشرات و صراصير http://www.entm.purdue.edu/entomolog...cockroach2.jpg و إلخ .. و بلاش قرف :d |
احم
عندنا في مصر مش بنهتم بالحاجات الفرعية ده طبعاً حيث أن شغلنا الشاغل بيكون الدراسة فمش بنفكر في بطننا خالص يعني |
اقتباس:
هو كده مفيش قرف بس تصدقي كده جعت :d |
بالنسبه للمصريين بقى .. فـ هو باكو بسكوت مسمم زي الفل .. واحيانا في المدارس الداخلي او المهنيه حته جبنه وحتة حلاوه وبيضه ورغيف عيش بايت ..:d
(زي الفل ) كفايا كده .. تعبتوا انتو .. في رعاية الله .. .. دووومتم .. هههههههههههههههههههههه جامد الموضوع ده |
اقتباس:
يلا بقى من هنا علشان شايف مشرفات السم العام في الموضوع في رعاية الله |
والله يابنتى انا من يوم ما دخلت مدارس يمكن مشفتش التغذية دى البسوكيت مكنش بيوصلنى :d ربنا ينتقم منة الى كان السبب بدعى علية وانا صايم :d لا بس والله الواحد كان يتمنى يدخل المدارس الى هناك دى على الاقل يأكل ويجى :d موضوع جميل يا اميرة تسلم ايدك على الاكل احم قصدى على الصور :d اقعدو بالعافية |
ايه دا هو انت عامل طبق اليوم ولا ايه هههههههههههههه
|
هههههههههههههههه
الصراحه لو حد لقى ليه قسم تانى يوديه مش ناويه انقله *** نيجى للموضوع ده وهنتكلم بعيدا عن الصور احنا عارفين ان نظام الدول اللى ذكرت اكيد حتى من غير منبص ع ااكلهم احسن مننا بمراحل ومش محتاج فصال ناتج عن عن وجود دخل ثابت نسبيا للدوله دى ودخل كبير كمان اما مصر فزى مبيقولوا ع أد اللى جاى ع أد اللى رايح او احيانا اللى رايح اكتر :d بلد فقر يعنى :d فطبيعى انها متعبرش ولادهاوهى كانت عملت ايه فى اى حاجه تانيه عشان نستغرب من موضوع الاكل ياسيدى مش عايزين ولا اكل ولا بتاع احنا مش ضامنين الاكل اللى فى بيوتنا لما هنضمن الاكل بتاع الحكومه :d طبعا الكلام اللى فوق ناتج طبيعى بردو عن انعدام الثقه وده شىء محدش يقدر يحاكمنى عليه انا عندى يوفروا تمن البسكوت ده لان احنا فى الاول والاخر مش بناكله وبناكل فى بيوتنا عادى جدا ويهتموا بجوهر التعليم نفسه لما نوصل لمرحله كويسه يبقى يفكروا يطوؤوا من نفسهم وبعدين مش الحاجه بتعملك سندوتشاتك فى الكيس الابيض الشفاف ده :d اهو بيشبع او العيال اللى حجمهم كبير بياخدوهم غصب واقتدار :d يلا ماعلينا موضوع عجيب اوى :d |
ههههههههههههههههههههههههههه بس لعلمك ارقي اكل بتاع فرنسا ويعني امريكا برضه بس فرنسا رهيييييييييييييييبه
موضوعك لطيف ايه اليل جايباه ده يا مرموره حرام عليكي وجعتي بطني السعوديه كنا بناخد حاجات زي دي برضه بس مكنش اسم العصير الربيع |
احلى ما ف الموضوع صورة الصرصار الحمييييييييييييلة ديه ربنا يخليكى يا Прекрасный
احنا مش بتفرق معانا الاكل خالث خالث ;) هو ايه القرف اللى بيقدموه ده احنا عندنا وجبات احلى من كده مش كفاية الواحد ياكل علقة بالعصاية من المدرس ديه احلى وجبة :022yb4: يقعد صايم عليها 3 ايام :p يلا جوعتينا خلاص فاضل ساعة ونص بس:028ja7: |
اللى يشوف وجبات الناس تهون عليه وجبته :d اى نعم حاجة تكثف لما يكون فى البلاد اللى برا الوجبات بالشكل دا وفى مامتشى مصر تكون الوجبة باكو بسكوت فيرى ابو نص جنيه وان ربنا كرمهم زى ما كانو بيدونا فى الاعدادى بيضة مسلوقة من انتاج مزارع كنتاكى ورغيف فينو من بواقى السياحة وبرتقالاية فى نفس حجم الجوافاية الصغيرة وكالعادة ضاربة وحالتها بالبلا بص بصى للموضوع بنظرة تانية بعدسة مكبرة شوية وسلطى الضوء على اقتصاد كل بلد وعلى نظامها التعليمى هنقول مثلا امريكا او اى دولة راقية بتهتم بالتعليم اولا علشان كدا بيوفرو للطلبة احتياجاتهم مع وجبات غذائية سليمة تحافظ على الشباب وتمنع الشيخوخة وبالتالى لازم وجبتهم تكون بالمنظر المبهج دا بصى فى مصر كدا وبنفس العدسة تحقيقا لمبدأ المساواء فى النظر بالعدسات عدل دولة حقوقها منهوبة سواء من اللى حاكمينها او من الحرامية المتنكرين فى زى رجال اعمال مصر كدولة من الدول نظامها التعليمى فاشل بمقدار عشرة درجة ريختر مفيش اهتمام ولا بمدارس ولا بتعليم ولا بمناهج ولا بطلبة ولا بمدرسين بالتالى لازم يكون وجبتنا زى اللى فى صورة الثورثار دا بس محدش سأل نفسه مين الثورثار ده اكيد احنا كطلبة مصريين اكبر صراصير فى مصر :d ال يعنى وفرولنا منهج تعليمى راقى طبيعى لازم يجيبولنا وجبات بواقى جتنا نيلة فى حظنا الهباب :d دمتم فى رعاية الله |
احنا بيقولو واحد اقي جوا علبة بسكوت عملة معدنية اسرائيلية شوف الفرق بين اكل امريكا وفرنسا والسويد واحنا ........... جوعتنا ةاحنا صايمين حرام عليك
|
اقتباس:
ياراجل هو انتو كان بيوصلكو وجبات طيب احمدو ربنا ان حد عبركو بحاجة اهه:d |
اقتباس:
طب كويس ان الهدف الرئيسي من الموضوع اتفهم .. والفكره المقصوده وصلت .. وعرفتوا ان مش قصدي منه مجرد الهزار .. بس لكل موضوع عبايه بقى بيلبسها .. احم كلامك تمام يا ياسمين .. وعارفه ان الفرق بينا وبين البلاد دي مش هنقدر نحصله ولا فـ 400 سنه .. بس كفايا نبقى حاسين ان احنا اقل منهم .. كوضع طبيعي الاحساس ده المفروض يدينا دفعه للامام .. بس دفعة مين يا عم .. كبر .. طنش .. روق .. تفتكري ناس بتتكلم بالاسلوب ده .. هيببقى عندهم استعداد يبقوا احسن ؟؟ احسن حاجه ان احنا نتفرج على وجباتم دي .. والوجبه اللي تعجبك اعملها في البيت يا سيدي .. (عاوزين تكلفوا المدرسه وخلاص ؟؟ .. يا وحشين انتو ) :slap1qk6: ماله سندوتش الست الوالده .. بيبقى مدعم بالبروتين والنشويات والفيتامينات والدهون ميضرش برضو .. وياما لسه هنشوف .. في رعاية الله |
| جميع الأوقات بتوقيت GMT +2. الساعة الآن 11:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.