|
من حق الحمار يتجوز.. السعيد حافظ
من حق الحمار يجوز يا عاكشة قلبى بسنارة ربطالى قيد عاملة إشارة فى كل مربط وقفالى و قلبى زربع يا حمارة فى نفسى قربك يحلالى و تبقى جنبى و حلالى و أقل مربط يجمعنا برسيم و فول يا هنيالى حصاوى أخوك بيبعدنى و جحشة أختك توعدنى مفيش ف قلبك غير حبى موافقة أمك تسعدنى فى كل يوم لابسة غبيطك و نفسى أورث قراريطك نملاها كسب و تبن و فول و غيطى يكبر من غيطك أبوك دايما يماطلنى و من وصالك يحرمنى عايز طوالة خمس حلقات ف زريبة ناوى يقاسمنى؟ و بردعة مكسية بخيش و حدوة فضة عشان متعيش و إيه و إيه طلباته كتير باين قوى دا نظام تطفيش! فاكرنى أهبل قوى و عبيط حرامى يعنى و ناهب غيط قوليله يرجع للماضى كانت جوازته يا دوب بغبيط و بكره عايز منكم رد طواله جاهزة لجوز أو فرد و عمرى ماكل علفة حرام و تعرفونى هعيش ع الأد ليلتها هلبس بردعتى أشيل لجامى و مرشحتى أسمع نهيقك عند الباب أدخل و أبرطع على راحتى محلول و جايلك يا حبيبة و الحب ماعرفشى العيبة هتبقى ليلة ما شافها حمار و هيصة ما شافتها زريبه هاء هاء هاء هاء السعيد حافظ.. من ديوان حماريات |
بارك الله فيك أخي الكريم وعلى عملك الرائع المتميز
|
المبدع الجميل أحمد بك نجم.. يشرفنى أنك أول مبدع يدخل و يعلق.. خايف ليكون حميرى بتعض... مش عارف المبدعين كاشين منها ليه..مع أنه حمار حبوب و مهوش بتاع هجص...هههههههههههههاء.. دايما منورنى
|
عمى السعيد
انا قرأتها بالفعل وأعجبت بها بس بجد خفت أدخل ، ممك الحمار يكون بيعض فعلا أو تكون سيادتك عامل كمين علشان ندخل ونتعض وبكدا نبقى فضينا ساحة الإبداعات بقى والا ايه رأى حضرتك؟ |
حبيب قلبى محمد ... ما عاش و لا كان إللى يعملك كمين غيرى... يا راجل أدخل و إركب و أقعد و دلدل رجليك.. يقمص.. يزربع.. يرفس... ما دام اللجام فى إيدك مايهمكش.. و بعدين حمارى عشرى قوى... بيكتب شعر و بيلعب عود و شايل روحه على إيده..
|
تحية احترام وتقدير لحضرتك
استاذي الفاضل
اسلوب جميل ومتميز تسلم ايدك وجزاك الله خيرا مع تحيات اختك نغم |
هههههههههههه طب الحمد لله إنة مش بيعض طبعاً أنت عارف رأيى يا استاذى الفاضل دائماً كلماتك جريئة وقصائدك ممتعة دمت فى رعاية الله :) |
المبدعة نغم محمد دايما منورانى ..و نفسى أقرالك أكتر ..... أفكارك حلوة و إحساسك عالى ..
شكرا على مرورك |
هههههههههههه طب الحمد لله إنة مش بيعض طبعاً أنت عارف رأيى يا استاذى الفاضل دائماً كلماتك جريئة وقصائدك ممتعة دمت فى رعاية الله :) ما تخافش حميرى طيبة و بتحب الشعرا... و بعدين دا حمار حبيب.. و ناوى يكمل بردعته منحرمشى منك أبدا و دايما منور ..... لأ ماتفهمنيش غلط.. منور أشعارى .. تقبل تحياتى |
شاعر رائع و متميز و مكسب كبير من مكاسب القسم
و أتشرف بوجودى بين حمارياتك الحماريات اللى اتعلمت منها الكثير فى أصول الشعر و أصول الحياة دمت لنا مبدعا أستاذى الفاضل |
الأخ المبدع الجميل بندق ...من فرحتى بيك نفسى........ إنت عارف الباقى.أشكرك على مرورك
يا ريت ننشط باب الرباعيات لأنى نفسى أشوف رباعياتك |
بارك الله فيك
|
إلى العزيز جدا me 5050 و كان لى الشرف أنك أول من قرا أعمالى فى منتدى ثانية ثانوى لغة إنجليزية
دمت لى و أعطاك الله موفور الصحة |
إيه الجمال ده... نفسى فى كام حمار ماتبقاش بخيل
|
أوعدك إن شاء الله سأنشر فى المنتدى شوية حمير على كيفك .. و لو مستعجلة أدخلى على blogger
حماريات... السعيد حافظ |
| جميع الأوقات بتوقيت GMT +2. الساعة الآن 02:36 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.