يا جماعة أرجوكم محتاج مساعده سريعه (مش تهريج)
 

الموضوع كالاتي:

اختي جابت 995 علمي علوم و وفقا لتنسيق المرحلة الأولى دخلت صيدلة حلوان

لحد كدة كويس

بعد نتيجة التنسيق بحوالي اسبوعين, الكنترول كلمنا و أفادونا بأنه التظلم إللي عملناه في مادة الاقتصاد اتقبل و تم زيادة درجه على المجموع الكي ليصبح 396 بدل 395

هايل

المجموع الجديد دة المفروض يدخل اختي صيدلة القاهرة بدل صيدلة حلوان ( و ده مهم جدا بالنسبة لينا عشان احنا من سكان المنيل)

المهم

اخدنا مستند رسمي من الكنترول بزيادة الدرجة. و رحنا مكتب التنسيق عشان نعمل إعادة ترشيح بالمجموع الجديد.

مكتب التنسيق مخدش منا المستند على اساس ان الكنترول بعتلوا نسخه و ان النسخة إللي معانا دي عشان نحتفظ بيها فقط.

المشكلة:

قالولنا في مكتب التنسيق إن عشان يتم تعديل الرغبات لإعادة الترشيح لازم يتم زيادة الدرجة الأول على الموقع بتاع التنسيق.

في الوقت ده كان موقع التنسيق فاتح التحويلات فقط و كل ما كنت أدخل عشان أتابع زيادة الدرجة ألاقي نفس المجموع القديم.

و بالمناسبه قالولي مينفعش كده كده اعمل تحويل عشان أنا بحول ما بين كليتين في نفس المجموعة الجغرافية

عملت شكوى من على الخط الساخن و كان ردها تم ارسال المشكلة إلى الجهة المختصه و من ساعتها لا حس و لا خبر

و بالتالي يقيت عاجز من كل ناحية

1- مش عارف اقدم في صيدله حلوان عشان لو جالنا القاهرة بعد كدة مش حينفع نحول
2- من عارف أعمل تحويل من على الموقع
3- الدرجه مش عارف زادت و لا لأ عشان الموقع مقفول
4- لازم استنى إعادة فتح المرحلة التالته على الموقع

احنا محتارين و محدش بيساعدنا لا على الخط الساخن و لا في الوزاره و لا في مكتب التنسيق و لا في مكتب التحويبلات و لا حتى في الكلية نفسها

ايه الحل ارجوكم و ايه التصرف في الحاله دي

ملحوظه: انا اتقالي اني كان لازم اعمل تحويل بس دلوقتي كمان مبقاش ينفع التحويل

اسف للإطاله بس اعذروني و لكم جزيل الشكر

و الله انا نفسلى اساعدك بس انا ما افهمش اوى ف موضوع التظلم ده و ايه نظامه بس اللى افهمه ان دى حكومه و من رايي عصفور ف اليد خير من 10 ع الشجره يعنى هما حبالهم طويله اوى و مانعرفش دماغهم شغاله ازاى يعنى انت تقدم احسن باب التقديم يقفل و الله اعلم برضه بس الحق بجد قبل م لا تلحق ده ولا ده انا ده مجرد رايي يعنى بس انا قولت ارد عليك و اقول راى يمكن يفيدك بس برضه اسال اللى فاهمين اوى ف الحوار ده و ربنا معاها ان شاء الله تدخل اللى هى عايزاه

فى حاجتين فى كلام حضرتك انا هاتكلم فيهم اولا:

اقتباس:

اخدنا مستند رسمي من الكنترول بزيادة الدرجة. و رحنا مكتب التنسيق عشان نعمل إعادة ترشيح بالمجموع الجديد.

انا عملت تظلم وخدت نصف درجة فى مادة الفيزياء بس مش هتعملى حاجة لان انا فى قبلت فى هندسة المنيا(انا من القاهرة) ولازم علشان اعود اللى القاهرة درجة ونصف على الاقل المهم رحت مكتب التنسيق علشان اديهم النسخة اللى معايا قالولى ان الدرجة اتسجلت فى النت قولت كويس اهى تفيدنى فى التحويل و تدينى اولوية شوية وفعلا كنت لما ادخل على التنسيق بتاعى الاقى نفس الدرجة القديمة قلت ممكن تكون الدرجة دية اتسجلت فى الموقع بتاع التحويل بس لما نتيجة التحويل ظهرت(والحمد للة قبلت فى التحويل)لقيت نفس المجموع القديم .بسفى حاااااجة مهمة جدا لما رحت مكتب التنسيق كان معايا واحد خد بردة نصف درجةوالنصف درجة دية تودية من طب بيرطرى الى علاج طبيعى اعطو لة هناك ورقة يكتب فيها انه قد تم زيادة درجاتةويطلب الالتحاق بكلة العلاج الطبيعى وخدو منة النسخة اللى كانت معاة
الحاجة الثانية:

اقتباس:

و بالتالي يقيت عاجز من كل ناحية 1- مش عارف اقدم في صيدله حلوان عشان لو جالنا القاهرة بعد كدة مش حينفع نحول 2- من عارف أعمل تحويل من على الموقع

اولا التقديم فى الكلية مايعطلش التحويل يعنى لو كنت قدمت فى صيدلة حلوان وجاتلك القاهرة بكل بساطة هتاخد جواب من القاهرة فى اثبات انك مقيد بكشوفات الكلية وبتروح تسحب الملف من حلوان عادى يعنى انا جاتلى هندسة المنيا ورحت قدمت هناك ولما قبلت فى التحويل وجيت هنا لهندسة المطرية رحت سالت فى المطرية قالولى انة لما تيجى كشوفات التحويل للكلية هيدونى جواب اروح بية للمنيا واسحب الملف

سوال
في واحده صحبتي مقدمه في تجاره انجلش القاهره وعملت تحويل وجالها السن عين شمس
السوال لو ماراحتش قدمت في السن ورقها يفضل زي ما هو في تجاره

اكتب مذكرة بالملابسات كلها
ولكن باختصار شوية
باسم السيد الاستاذ الدكتور /وزير التعليم العالى
وقدمها باليد فى سكرتارية مكتبه
لان هذه الحالة استثنائية
وحتى تحافظ على حقك
وان شاء الله يتعدل الوضع
وخالص الدعوات بالتوفيق .

ارجو الرد للاهميه

اعتقد ا انها ممكن تطنش التحويل لان هى مدام مقدمة فى تجارة انجلش يبقى خلاص الا بقى لو راحت سحبت الورق من تجارة انجلش وقدمتة فى السن عين شمس

هي دي مصر
......ززززز

افضل تتصل ب 19468 او تروحى تسالى فى مكتب التنسيق

شكرا لكم... أنا حعمل مذكرة

{بنا يوفقك و الله كان نفسى أساعدك بس ما باليد حيلة
و بالتوفيق ان شاء الله

ربنا يوفقك للخير