|
مطلوب طريقة عمل المخروطة
ممكن طريقة عمل الخروطة المصرية اللى بالشوربة بالصور والتفصيل الممل
وكل سنه وانتم طيبين |
وحضرتك طيب تقصد طريقة عمل الملوخية ؟؟؟؟
|
لا هو يقصد المخروطة مش الملوخية
ودى اكلة قديمة اوى على فكرة ( من التراث ) فيه فعلاا اكلة اسمها المخروطة |
فعلا انا اقصد المخروطة
|
اقتباس:
خلاص دى مسئوليتك تجيبهالنا كلنا وندوق المخروطة |
اقتباس:
بيقولك أكلة قديمة وحضرتك طالبها بالصور طيب نمشيها بالتفصيل الممل مؤقتا ماشى؟؟؟ ولو فيه صور يبقا خير وبركة برضه ماشى؟؟؟ |
ايه ياشباب هو طلبى صعب اقوى
دى شبه الكسكوسى |
شبه الكسكى لالالالالا
هو اللى اشتغل فى فنادق قبل كده يعرف الاكلة دى رغم انها مش للجست دى كانت اكلة للعاملين بس فى الفطار يلاااااا بينا نشوفها هى ببساطة كده عاملة زى الشعرية بلبن المقادير: دقيق / ملح / زعتر / ماء دافئ( ليس ساخن) / لبن دافئ ممكن سكر حسب الرغبة طرقة العمل: 1- نحضر حلة ونضع فيها الدقيق والملح والزعتر 2- نقوم باضافة الماء الدافئ مع التقليب حتى تصبح عجينة 3- نقوم بفرد العجينة ثم بعد ذلك نقوم بتقطيعها شرائح طولية رفيعة بواسطة السكينة (تشبه الاسباجتى او الشعرية) ولو فى ماكينة لتقطيعها يستحسن ذلك 4- ثم بعد ذلك نقوم بوضعها فى حلة بخار بها ماء مغلى حتى تنضج 5- ثم بعد ذلك نقوم بوضعها فى اللبن الدافئ 6- ممكن تضيفى سكر حسب الرغبة وبالهنا والشفا |
احضرت لك الطريقة من احدى المنتديات لكن للأسف لم أجد الصور واليك الطريقة
الاكلة الاولى: المخروطة اكلة تنتشر فى الوجه البحرى و القبلى ولكن باختلاف الاضافات عبارة عن دقيق وماء وملح بسيط بدون مقادير حتى تتكون معك عجينة شبه عججينة السمبوسك وتفرد بالنشابة ثم تقطع بالسكين لشرائح طولية رفيعة شبه الاسباجتى ويفضل استعمال ماكينة اللازنيا نفردها فيها ثم نقطعها شرائح ثم فى حلة البخار نضع فى الجزء السفلى ماء يغلى و فى الجزء العلوى قطعة شاش ونضع شرائح العجين ونغلق عليها حتى تنضج بالبخار للاكل : فى الوجه القبلى يسمونها المخروط فقط ويضيفون لها العسل الاسود وفىالوجه البحرى اسمها مخروطة ويضاف لها سكر بودرة او عسل نحل يذوب فى لبن دافئ وممكن سمنة حسب الرغبة |
| جميع الأوقات بتوقيت GMT +2. الساعة الآن 12:48 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.