بشرى للمتقدمين الى تجارة مميزة
 

السلام عليكم ازيكم ياجماعة على فكرة يوم الاثنين اللى فات انا روحت تجارة القاهرة عشان ادفع المصاريف وانا كنت مقدم فى تجارة مميزة فروحت عشان اسال عن النتيجة طلعت ولا لسة فرايت واحدة بتلم ورق مميزة فقلت لها الحد الادنى كام قالت لى كل اللى قدموا هناخدهم كلهم بحد اقصى 250 طالب والله هذا حدث وقالت لى هما الوقتى 197 طالب.........والسلام عليكم ......وشكراااا

طيب تمام الحمد للة ياااااااارب كلنا نتقبل فيها لو متقبلناش فى انجلش
طيب هيا بتاخد من كام ؟؟؟؟؟

دا كتير ياعم .. السنة اللي فاتت كانت واخده 100 طالب بس !!

بس على فكرة هما بيقسموكوا المفروض لمجموعتين

مجموعة مميزة (أ) .. ومجموعة مميزة (ب) ..

يعني كل جروب ممكن يبقى 125 واحد وبرده هايبقوا كتير

انا اتوقع انهم هايقسموكوا 3 مجموعات مش مجموعتين ..

ودا عشان العدد يكفى الحضور في القاعات بتاعة تجارة انجليش

انا بردوا قدمت انتساب بس معرفش حاجة عن المميزى دى

ياريت حد يرد علينا

وده مش كلامي ده كلام فامبير المشرف بس قولت انقله للافاده وده بتاريخ 31 اغسطس

طيب هي تجاره مميزه دي موجوده في كل الجامعات

جامعة القاهرة بس

بعد اذنك يافامبير انا عندى استفسار كده هو ينفع المجموعه المميزة دى يخشها مثلا واحد جايب امتياز مثلا فى اولى بمعنى ان انفع يعنى وانا انتساب كده لو جبت تقدير اخش المجموعه دى ولا لا ؟؟ ارجو الرد الله يخليك

المجموعة دي تندرج تحت انتظام .. يعني انتساب مالهومش فيها نهائي

لو انتا جيبت تقدير جيد جدا او امتياز في اي سنة من السنوات التلاتة الاولى .. يحقلك انك تخشها طبعا

بس كدا كدا انتا لازم تحول انتظام الاول بعد كدا تقدم عليها وان شاء الله يقبلوك

ربنا يخليك يامطمنى دايما يعنى كده ياباشا انا لو جبت فى اولى انتساب تقدير حلو كده وده املى ان شاء الله ممكن التحق بالمجموعه دى يامسهل الحال يارب اكرمنا عشان بجد الواحد نفسه يخش المبنى بتاع انجلش ده ولو حتى يتصور فيه مش يدرس كمان انا بهزر طبعان دى كليه التجارة دى حبيبتى اى مكان عشان انتا بس فيها يافامبير ياجدع

طب انا عاوزه اعرف ايه الفرق يعني بين مميز وعادي يعني هيبقي في فرق بينهم بعد التخرج

انا عايزه اعرف انا دخلت تجاره مميزه ولا لأ عشان المحاضرات يعني