|
أنا زعلانه جدا منكم يا اعضاء
السلام عليكم ورحمة الله و بركاته أنا عملت موضوع فى قسم خبر وتعليق أسمه ( عاااجل عاجل أرجوا الدخول ) والحمد لله كان فى 48 مشاهده و و يمكن 4 ردود الحقيقه ربنا يكرمهم إللى عبرونى و الموضوع بخصوص تصويت عملاه قناة إيطاليه عن غزه و إستخدام إسرائيل الفسفور فى حربها الاخيره و ده الرابط تقدروا تشفوا تفاصيله كلها و الحقيقه أنا مضايقه جدا من أعضاء المنتدى فى مواضيع الحوارات و المسابقات و عفوا يعنى أحيانا الهيافات تلاقى 600 رد ,, و فى موضوع زى ده هما7 ردود بالكتير يعنى ليهم حق يكسبوا إسرائيل فى التصويت ده لأن مافيش عرب كتير دخلوا يصوتوا أصلا ربنا يهدينا جميعا و بس نفتكر غزه و إللى أتعمل فيها ووجوه أطفالها إللى أتحرقت بالفسفور الابيض و إللى نسى يكمن الصور ديه تفكره 1 http://www.news.gov.kw/ArticleFiles/...12%2813%29.jpg http://www6.0zz0.com/2009/01/25/12/947520735.jpg بعد غزه و كل فلسطين ............... والله ما فى رجاله ربنا معااهم و يفك أسرهم و يا ريت بس نفتكرهم و لو بكلمة ده أقل حاجه يعنى أتمنى أنكم تهتموا بالموضوع و تدخلوا على التصويت و تنشروا الرابط فى كل مكان |
|
لا متزعلي
عشان ده العادي لازم تلاقي ده في اي موضوع ولازم يكون عدد المشاركات اقل المشاهدات يا ستي كبري .. وممكن يكون الموضوع مش محطوط من فترة فعشان كده الرد عليه قليل ولا تزعلى كمان يا قمر يلا صافية لبن ؟؟ |
اقتباس:
هقول لحضرتك على حاجه لو موضوعى عادى , يعنى أنا كاتباه أو بتكلم عن حاجه عاديه مش بيهمنى عدد الردود أنا أصلا مش بشارك خالص و لا بحب حكايه الردود ديه فى المواضيع العاديه لكن أنا بتكلم عن موضوع يخص أخوانا فى غزه المفروض بس حد يدخل يقول أى كلمه عشان لما يشوفوا مواضيعنا يعرفوا إننا معاهم على العموم شكرا لمرورك |
بصي دلوقتي احنا لو دخلنا صوتنا في الموقع ده حيحصل ايه حنقلل من القنابل الفسفورية ولا حنهز اسرائيل ده مجرد تصويت لا يغني ولا يسمن مش معنى إننا مشتركناش فيه يبقى كده احنا سايبين فلسطين كان الاولى دخلنا قسم القضية العربية بس الموضوع اكبر من شوية مواضيع وتصويت |
اقتباس:
معاكي معاكي فاهماكي والله بس انا كمان هقولك على حاجة ... ممكن يكون عدد المشاهدات كلللللها دي بتبقى مشاهدات زوار وقليل جدا من الاعضاء اللي بيشاهدوا مواضيع وما بيردوش عليها وانا متأكدة ان معظم المشاهدات بتكون من الزوار (وبلاش كلمة حضرتك دي .. انا قدك;)) |
اقتباس:
مع إحترامى لوجهة نظر حضرتك بس والله مين عارف يمكن أى حاجه إحنا بنعملها تغير الوضع يعنى لو هما لقوا نتيجة التصويت لصالحنا 99.9% تتصور حضرتك ممكن يحصل أيه لما يلاقونا كلنا كده ؟؟ و لو حتى مش هيعملوا حاجه , كفايه إننا نستنكر موضوع الفسفور الابيض و أنا بس بلوم الاعضاء فى أنى بلاقى مواضيع جميله وقيمه خاصة فى الاقسام الادبيه والدينيه الردود قليله جدا و فى السابقات و الحوارات والالعاب مع بعض ردود كتيره , والله المنتديات التانيه عدد الصفحات فى الموضوع ده عدى ال20 صفحه فى ساعه واحده يمكن |
اقتباس:
يعنى هتكون ديه كلها زوار فى قسم نشط زى كده و الردود فيه بتكون كتيره ؟؟ |
اقتباس:
احلفلك إنه ملهاش لازمة :) انا شفت قبل كده مواقع تصويت وكان الامريكان نفسهم بيصوتو لفلسطين نصهم كان معاهم ونصهم ضدهم والدول التانية فيها وفيها ما بين مؤيد ورافض لو اخدنا 100% حيقولو ايه عدد المسلمين كبير وكلهم بيصوتو لنفسهم طبعاً عشان بيكرهو اسرائيل لانه احنا اللى بنقف امام عملية السلام صدقيني ملهاش علاقة وبعدين موضوعك مكملش يوم وانتي بتتكلمي على مواضيع باقيلها شهور هنا :d |
اممممممم اولا حته التصويت و كده ما هى الا لعبه يعنى عشان الموقع ياخد زوار و يتقال نسبه مشاهده و الكلام ده اما على حاجه فى ارض الواقع مفيش :) اصلا المواقع دى غير رسميه و مش بتأثر بشئ على الحكومات هى بتعبر عن الشعوب ممكن بس حكومات لاء :) و يبقى كده مفيش اى داعى منها كانوا عملوا حاجه مع الرسوم المسيئه لما اتملت المنتديات موضوعات زى دى و طبعا مفيش اى فرق :) نهتم شويه بيهم فعلا مش مجرد كلام نقاطع اهى حاجه بنعملها و فعلا بتوصلهم اثرها مش نروح نصوت و انا ماسك بفتح فى ازازه الكانز :) فى رعايه الله |
والله ما في فايدة يا بنتي .. احنا بنتكلم وبس يعني دلوقتي .. على حكاية المقاطعة دي كتير جدا من الناس لما تيجي تشتري حاجة من اللي المفروض نقاطعها وتقوليله .. دي اسرائيلية ولا أمريكية يقولك .. يعني هو انا لوحدي .. ولا نص جنيه يعني هيفرق في المقطعة ؟؟!! المشكلة ان الاغلبية بقى بتعمل زيه |
احم .. طبعا الكلام فيه احباط .. بس صدقيني .. كلامهم صح .. وكل ده تحصيل حاصل ملهوش اي لزمه .. زي ما تقولي ( ضحك على الدقون ) واحنا اكيد مش هنكون عارفين ان في التصويت فايده ومش هنصوت .. بس النوع ده من المواضيع مش جديد .. عشان كده متلاقيش عليه حماس كتير .. الحماس بيروح شويه بشويه .. لان مفيش حاجه اصلا بتحصل .. وعشان منضحكش على نفسنا .. كتييييير مننا الموضوع مش في دماغهم اصلا .. ومش هنقدر نمشي الناس على مزاجنا .. والله لو حاسين ان فيه فايده .. اكيد كنا هنسعى ليها .. بس للاسف .. النتيجه معروفه من قبل اي حاجه .. متزعليش .. بس هو الوضع كده .. في رعاية الله .. |
| جميع الأوقات بتوقيت GMT +2. الساعة الآن 03:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.