|
حب يربيه وللأسف ضاعت عليه وموته لسه من يومين وأعرفهم معرفه شخصيه
السلام عليكم صراحه أنا مش عارفه أكتب من فين ولا منين أنا بجد أنفاسي مكتومه ودموعي محبوسه ومش عارفه أعبر إزاي وعن إيه الموضوع كبير أوي موضوع فعلا يشيب الراس للدرجه العقوق وصلت لكده للدرجه الوالدين كده للدرجه في ناس كده أساسا ممممممممش عارفه إي ده مش عارفه إيه اللي بيحصل في الدنيا الناس إتجننت ولا الدين إتعدم أنا مش عارفه أكتب خالص ولأول مره أحس إني متقيده متقيده بالإستغراب ومتقيده بالحزن محروق دمي ومش عارفه أعبر بأي وسيله من الوسائل سامحوني على الإطاله بس هدخل في الموضوع بداية الموضوع طلع على الفضائيات وكبر وممكن يتقلب قضية رأي عام ياربييييييييييي المهم اللي حكالي الموضوع أخواني وده أخو واحد صاحبهم أخو صاحبهم صغنتت خالص عمره 16 سنه أو 17 بس وللأسف والعياذ بالله لم يترك شئ إلا وعمله حقن وحشيش وبودره وهيروين وسرقه ونهب وعقوق وبهدله على الآخر من جميع النواحي الأب حب يربي إبنه المشكله الأب مش متربي والأم في الباي باي والإخوات مع نفسهم أسره ضايعه مافيش حساب ومفيش جزاء ومفيش إهداء مافيش أي حاجه عندهم تعني معنى الأسريه الأب فتح نقاش مع إبنه على صوته زعقله بجح ضربه ضربه ضربه جاب آخره خلاص بس إمتى فاق يربيه مش عارفه المهم الأب جاله إنهيار عصبي وقعد يضرب فإبنه لغاية مامات في إيده ياااااااااااااااااااااااااااااااااه موته وحشه أوي في رمضان أبوه غضبان عليه ربنا غضبان على أعماله إخواته مصدومين صحابه هيتجننوا أنا متنحه على إيه الواحد يوصل نفسه لكده ليه الواحد ميربيش عياله من الأول صح ليه المعاصي والذنوب ليه البعد عن ربنا ليه ليه الدنيا بقيت كده الناس إتجننت ولا الدين إتعدم الأب قتل الولد وراح سلم نفسه بص بقى ياشاب وياشابه حلوه القصه حلوه العيشه حلوه الفضايح ضيع نفسه وضيع أبوه وضيع إخواته وجنن أمه ليه بس كده هوا احنا مش هنفوق ناس كتير تمشي في الطريق وترجع تقول مسدود وتب لازم تجرب لازم تضحي (إعتبر بالناس لا تكون أنت العبره) الموضوع مش يوم وليله الموضوع خطوات (ولا تتبعوا خطوات الشيطان) صحبه منظره سيجاره ورجوله شريط أغاني عقوق وبجاحه نزول وفسح ساقطه البنت بنطلون بادي يتضيق طرحه صغنتته صحبه واقعه ليه بس وعلى إيه قد كده ربنا رخيص وجنته رخيصه قد كده الدنيا غاليه طيب هاقولكم لو حد إداك كتاب وقال ذاكره هايجي الإمتحان في بابين بس هتفتح باقي الأبواب وهتقول أجرب؟؟؟؟؟؟؟؟؟ لأ طبعا هتشتري الدرجات والمستقبل والشهاده هيا كده الدنيا فيها كام حاجه والباقي هوامش بس التجربه بتضيع فوقوا ياجماعه حرام عيشتنا دي حرام دينا اللي بيروح وبيندثر سامحوني على الإطاله وسامحوني على عدم تنسيق الكلام بس بجد ربنا يعلم أنا عامله إزاي دلوقتي أختكم الزاهــــــــــــــدة.. |
السلام عليكم
شكرا زاهدة على القصة المؤثرة دى ويارب تنفع كل الناس وعلى الخصوص الشباب وانا اولهم ان شاء الله بحاول اغير من نفسى يارب ارحمنا تحت الارض وفوق الارض ويوم العرض عليك |
ربنا يبارك فيكى
فعلا موضوع رااااائع ويارب يهدينا ويهدى كل الشباب ومنكنش احنا العبره للناس ويارب يحسن خاتمتنا كلنا |
موضوع رائع وتاثرت به كثيرااااااااا
وشكرااااااا ليكى. |
بجد فعلا قصة مؤثرة و الله الواحد مستغرب إزاي توصل بينا الدرجة إننا كمسلمين تحصلنا المواقف دي بجد ربنا يهدينا كلنا جزاكم الله خيرا علي التذكرة |
جزاكم الله عني كل الخير وأحسن الله خاتمتنا ورضي عنا المولى |
يارب سلم من كل بغيض
|
لا حول ولا قوه الا بالله
|
أولا جزاك ِ الله خيرا ً على الموضوع الهادف .. اللى إحنا فى دة دلوقت مأساه أقسم بالله مأساه لا أب عارف دين ولا أم عارفة أساليب تربية ولا ولد لاقى حد يوجهة ولا بنت لاقية حنان فى بيتها وبدور علية برة !! انا عاوز أساأل كل أب انت بتقعد مع أولادك كام ساعة بلا ش كام ساعة كام دقيقة تتكلم معاهم وتشوف مشاكلهم وتشوفهم عاوزين اية واخبارهم اية فى الدراسة ونسأل عليهم ونهتم بيهم ولا إحنا بنتجوز لية من الاول !! لا حول ولا قوة الا بالله العلى العظيم أنا مش عارف هنلاقيها من البلد ولا من الفساد والسرقة والنهب والخراب و ....و.... ولا هنلاقيها من البيت والاسرة ربنا يتلطف بينا بجد ربنا يتلطف بينا ويرحمنا برحمتة فى زمن الضيااع دة شـكراً لموضوع حضرتك وآسف لو أنفعلت شوية فى رعاية الله وحفظة .. ملحوظة : أنا مش بعمم إن كل أب وكل أسرة كدة لالالالا انا بقول الاغلبية عشان محدش يفهم غلط .. ربنا يحفظكم يارب |
اقتباس:
وبجد ردك رائع بس ياريت اللي بيسمع ويشوف بيعمل بكده وربنا يجازيك ألف خير |
قصة مؤثرة للغاية
ربنا يهدينا ويصلح حالنا ويحسن خاتمتنا ويبارك فيكِ لازم يبقي فيه نظام أسري الأب يسأل أبنه رايح فين جاي من فين والأم لازم تعرف أولاده كويس ومش معرفه هامشيه كده تعرف أصدقاء أبناءها وتعرف تفكريهم ........ والأخوات لازم يبقوا يد واحدة متقربين لبعض جزاكِ الله خيراً |
اقتباس:
وشكرا لمرورك العطر |
السلام عليكم
القصة وجعت قلبى ... الله يكون فى عون الأب و الأم دول و يا رب يكونوا إتعظوا و ياخدوا بالهم بقى من بقية أولادهم , و على العموم ربنا بيمتحن عباده المؤمنين اللى بيتقوه , و المؤمن لازم يصبر على البلاء و يرضى بقضاء ربه , و ربنا بيجزى عبده حسن الثواب على هذا الصبر . أما لو كان العبد يستحق غضب ربنا عليه - و العياذ بالله - يبقى يستاهل اللى يجرى له . باقول لك كده يا أختى عشان ثقتك بعدالة ربنا سبحانه و تعالى تزيد أكتر و أكتر و ما تشعريش بالصدمة و ترجعى لهدوئك تانى . اللهم اكفنا شر غضبك علينا ... اللهم آمين |
لا حول ولا قوة الا بالله العلي العظيم
ربنا يحفظ كل مسلم و مسلمة من الشبهات و من سوء الخاتمة يا رب بجد قصة بشعة ربنا يجعلنا من البارين بأّبائنا و يبعدنا عن محرماته يا رب و جزاكي الله خير يا حُبي على الرسالة الجميلة دي |
جزاكى الله خيراا على القصه الرائعه دى ربنا يهدى جميع المسلمين والمسلمات
لاحول ولا قوة الا بالله العلى العظيم |
| جميع الأوقات بتوقيت GMT +2. الساعة الآن 10:05 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.