|
اقتراح صعب لو أنت قده ادخل غير كدة لأ
انا بقترح اننا نحدد اسبوع واحد بس
الاسبوع ده نتفق كلنا على عدم نقل اي موضوع من اي منتدى او موقع اخر( اكييد ماعدا قسم الصور ) لنري نسبة النقل في المنتدى كم هي وتكون مهمة المشرفين ان ينقلوا في خلال هذا الاسبوع كل موضوع منقول وممكن بعد انتهاء الاسبوع يتم اعادتها معلشوا يا مشرفيت هنتعبكوا معانا بس صدقوني هتلاقوا والمواضيع هتبقى هادفة ولغرض معين مش لمجرد الكتابة فقط عايزة ردود وتفاعل معايا اه ولا لأ |
والله فكرة حلوه وانا معاكي
وانا شايف ان المنتدي بقاله فتره مفهوش غير المواضيع المنقوله والمعتاده بس مين هيوافقك علي كده يبقا انتي كده بتوقفي حال المنتدي والاعضاء انها اتعودت علي كده ومش هتوافقك |
هى فكرة كويسة بس تفتكرى الاعضاء هتوافق عليها انا من رايي نجرب يمكن تنفع |
اقتباس:
ثم منقدرش نحكم على عضو ونقولله متنقلش مواضيع دى حرية شخصية لو عملنا كدا يبقا بنتدخل فى خصوصية العضو دمتم فى رعاية الله |
تمام انا مع محمود
و اعتقد ان نسبة النقل مش محتاجه اننا نعرفها هي نسبة كبيرة و بعدين لما اجي انقل موضوع لعضو لمجرد انه منقول و مش مكرر و مش مخالف يبقي ايه السبب ؟ |
من وجهة نظر المتواضعة :p ان كلام الاخ الاكبر محمود صح يعني دي حرية للعضو وشكرا ليكي طالبة فرحانة:friendsxs3: |
مع احترامى للفكرة
بس لو الاعضاء هنا قعدت يوم من غير نقل المنتدى هينزل الترتيب بتاعه من 6 الى 1006 |
اقتباس:
اقتباس:
ردين جابوا من الأخر :) |
للأسف للأسف مش فهمه حاجه
|
بص سيبك من الرد اللى فوق ركزى معايا فى اللى تحت المشكلة هنا ان الناس مش عايزه تكتب ممكن يكون خوف كسل وراهم الوزارة الله اعلم بس الاكيد ان مفيش مش عايز اقول الابداع لانها كلمة كبيرة ممكن نقول الجراءه ان الواحد يكتب بالتالى بيستسهله وبينقله الموضوع قص ولزق طبعا الموضوع قص ولزق الطبيعى ان اللى ناقل الموضوع لما عضو يدخل يناقشه فى الكلام المكتوب سواء اللى ناقل فاهم او مش فاهم مقتنع باللى هو نقله او لا الطبيعى جدا انه هيقول جزاك الله خير او شكرا على مرورك الكريم وده بيرجعنا للنقطة اللى فوق الا وهى الخوف والكسل ووراهم الوزارة الناس اللى هنا اغلبيتها vip مش فاضيين بقى يتعبه صوابعهم الرقيقة بالكتابة على فكرة انا مش ضد النقل بس انا ضد النقل الاعمى انك تكون بنى ادم بس ليك ديل يعنى بتنقل من غير ما تكون فاهم اللى بتنقله انقل وكل حاجة بس ضيف ممكن تنقل الموضوع لكن فى نفس الوقت قول وجهة نظرك ضيف على الموضوع اللى انت نقله واكتب منقول مع الاضافة مرة فى مرة ومرة فى مرة بدل ما هتنقل هتكتب مش شرط اول موضوع او تانى او التالت او العاشر حتى بس حاول انك تكتب موضوع كويس باسلوبك ولو فشلت بعد العاشر نصيحة اخوية يبطل كتابة :) |
السلام عليكم و رحمة الله و بركاته
اقتباس:
انا متفقة مع حضرتك جدا في تطوير الفكرة نوعا ما...خاصة الجزء بتاع ( منقول مع الاضافة ) و فعلا زي ما حضرتك اتفضلت قلت ان مع الوقت اساليبنا حتتحسن في الكتابة ... و يمكن في حاجة لاحظتها .. لو شخص نقل موضوع و مثلا فيه شئ مش صح او مش منطقي و الناس تعلق علي موضوعه و تلفت نظره للنقطة دي يقول ان ده مش كلامي ده رأي صاحب الموضوع ... لكن هو لو من الاول كان المفروض يعلق علي نقاط الخلاف من وجهة نظره قبل كتابة الموضوع... عشان يوضح رأيه... ففكرة حضرتك اعتقد هي الاصح .... و السلام عليكم و رحمة الله و بركاته |
شكرا لردودكم
بس انا اقصد يبان العضو النقال من اللى بكتب من نفسه الله وانا عن نفسي بنقل كتييير بس اللى اقصده المنتديات كلها بقت شكل واحد يعني انا مثلا قرات موضوع معين في المنتدى ،،، رحت عملت سيرش في جوجل عن العنوان نفسه والله لقيت الصفحة كلها نفس العنوان نفس الكلام ... طب اية الفايدة طب على الاقل غير العنوان غير حاجات في الموضوع ضع لمستك فيه .... نحس انك مقتنع او غير مقتنع (( اعملك منظر يعني )) انه مش عيب الواحد ينقل بس لازم زي ما قلتم يبص ويقتنع بكل كلمة كاتبها ...... وعايزة اقول حاجة مهمة العضو اللى هيلاقي نفسوا مبيكتبش حاجة في المنتدى بقالوا يومين مثلا ودي حاجة صعبة علية قوي ما هو اصلوا متعود على النقل هيلاقي انه لازم يتعب شويه ويطلع افكار جامده جدا وبكده هتلاقى المنتديات النقالة بتاخد مننا الافكار الجديدة |
انا شايف إنه الاشتراك في اكثر من منتدى نوع من التشيت
دلوقتي انا مثلاً مش متابع حالياً غير المنتدى ده لو الناس منقلتش المواضيع من حتت تاني امال انا حعرف الحاجات ده منين ولا لازم اشترك في مليون منتدى بقى عشان اشوف الحاجات اللى حطها الشخص بنفسه دون نقل لأنه معروف إنه نسبة النقل كبيرة وده مش حيفيدنا بحاجة غير مجموعة احصائيات تقابلها عيوب كثيرة واكيد حتقابل اعتراض كبير برده |
اعتقد ان الموضوع كدة خلص
ومفييشكلام ممكن يتقال زيادة \ونقول مغلق |
| جميع الأوقات بتوقيت GMT +2. الساعة الآن 11:15 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.