|
حلمك ضاع.... تفتكر دى النهاية
السلام عليكم ورحمة الله وبركاته كلنا بنحلم مفيش شك فى كده وياما رسمنا الواقع فى خيالنا وياما حلمنا وقلنا هنكون ونكون في الحلم اللى بيتحقق وفيه اللى مش بيتحقق بس انت لو حلمك ضاع تفتكر هى دى تكون النهاية وكل واحد له حلم مختلف عن الاخر نظرا للاهتمامات الشخصية يعنى الطالب غير المدرسة غير ولى الامر غير العامل وغير ... وغير وغير يعنى فيه اللى بيحلم يكون دكتور واللى بيحلم يكون عالم واللى بيحلم يكون لاعب كرة احلام كتيرة لاتذكر بس السؤال لو الحلم اللى انت عايش علشانه ضاع هيكون رد فعلك ايه؟ وخصوصا اذا كان الحلم ده هو املك فى الحياة وده الطبيعى عند معظم الناس ان لم يكن اجمعهم هتعمل ايه بقى ؟ هتقعد فى بيتك وتبقى دى نهاية المطاف هتتعقد فى حياتك وتقول انا فاشل ومش فالح فى حاجة ولا هتفكر وتشوف حلمك ضاع ليه وتشوف انت قصرت فى ايه هترجع تانى تبص للحياة بتفائل وفرح زى الاول وتحلم احلااااام بمبى تانى احب اختم بحاجة ياريت كل واحد كان عنه حلم وضاع منه ميزعلش ويحاول ويحلم ويجتهد تانى ويحقق اللى ضاع منه وينظر للغد بنظرةافضل (وعسى ان تكرهوا شيئا وهو خير لكم) انا حلمى لسا بحقق فيه انت وانتى ياترى حصل لكم ايه؟ |
بصراحه
اقولك الصراحه انا عمري ما حلمت بحاجه وما حققتهاش عشان كده بقيت لما احقق حاجه ما بكنش فرحان يعني مثلا يوم نتيجه تالته ثانوي مكنتش فرحان مع ان كله كان فرحان بس اقولك ان لو في حلم ما قدرتش احققه اكيد هكمل وهحاول احققه وبجد موضوعك عجبني اوي
|
الموضوع هادف ورائع بس حلمي اللي مش اتحقق حكايه مش عاد ينفع تتحكي او بمعني اصح انا زهقت من كتر حكيها
لكن بالنسبه لسؤالك هل بقي بعد فشل معين هنقعد في البيت حاطيت ايدنا ع خدنا بالنسبه ليا مش ممكن افكر كده يعني لازم نكمل المشوار للاخر مش عايزة اطول عليك وتقول طولت بس شكراا ليك لانك اتحت مجال للحوار في الموضوع ده تقبل تحياتي |
جزاكم الله خير
موضوع جمييييل بارك الله فيك بس اكيد لو كان الحلم ده كبير او مصيري الواحد هيحتاج فترة بعد الفشل في تحقيقه ومن ثم التفكير في اسباب الفشل بقي وكده ... ولو انى شايفة ان بدل ما الواحد يقعد يتحسر على الماضي ويسترجع في زكريات الاحلام الوهمية يبدأ بسرعة لحلم اكبر وهدف اكبر بكل جد ونشاط وحماس ربنا يوفقنا جميعا الف شكر |
مفيش مجال إني لو محققتش حلمي أفضل ساكت
امال حبقى عايش ليه مادام مبقاش ليا هدف في الحياة الحياة طبعاً حتجبرني أحط هدف جديد وابدأ اسعى ليه مفيش قدامي حلول تانية |
اقتباس:
الحمدلله على كل شئ وان احلامك دايما بتحقق بس صعب اوى انك تكون بتحلك بحاجة وتحققها ومتفرحش ....... ازاى؟! ده الواحد بيكون فرحان ومبسوط وكمان فخور وكمان نتيجة تالتة ثانوى يادكتور استحالة طالب فى الدنيا يكون جايب مجموع كبير وميفرحش حتى لو كان هو متوقع انه هيجيب المجموع الكبير ده وهيدخل الكلية اللى هو عاوزها وطبعا شئ جميل ان الواحد لما ميقدر يحقق حلم انه يحاول جاهدا آخذا بالاسباب لتحقيق هذا الحلم انا طبعا انتقدتك فى كلامك بس طبيعى ان احنا نلاقى ناس توافقنا وناس تنتقدنا والمواضيع بتتعمل بهدف المشاركة والتفاعل بين الاعضاء جميعا والا بكده الموضوع مش هيكون له قيمة والاختلاف فى الراى لايفسد للود قضية وجزاكم الله خيرا |
حلم....والله انا عدت بخاف احلم
مش عارفة ليه احلامى دايما مبتتحققش يمكن تكون احلامى دى كبيرة اوى ويمكن انا اللى بحلم بحاجات عارفة انها مش هتتحقق بس والله انا احلامى دى هيه اللى بتخلينى اكمل حياتى وتعطينى دفعة فى حياتى وحتى لو كل احلامى مش بتتحقق هفضل برده احلم واحلم لحد ما اموت بس يا رب كل حاجه بحلم بيها تتحقق على قد ما بتعب علشان احققها |
اقتباس:
والله اللي قولتهولك هو الحقيقه ما كنتش فرحان كان عادي يعني وده كان شعوري بجد ومش عارف ايه السبب؟؟؟؟؟؟؟ ممكن كنت حاسس ان دي حاجه طبيعيه اني اجيب مجموع كبير !!!!! مش عارف |
صراحـــــــــــــة الموضوع جميل ويفتح ساحات للحوار
انا كان حلمي بكلية من كليات القمة في القسم الادبي مثل اعلام وسياسة واقتصاد ومجموعي جاب السن بس الحمد لله كل شي نصيب ووالدي فضل تربيــــــــــة وان شاء الله اذا كان حلمي متحققش احاول اجتهد في مجال كليتي وفعـــــــــــلا صدق الله تعالي اذ قال **عسي ان تكرهوا شيئا وهو خير لكـــــــــــــم ** |
اقتباس:
اقتباس:
لان ده يعتبر الامل اللى احنا عايشيبن بيه دلوقتى ويمكن كمان يكون الحلك هو الحاجة الوحيدة الحقيقية فى حياتنا بس انا عاوز اقول لكم حاجة يابنانيت فى الاول وفى الاخر دى حاجات بتاعة ربنا وكل انسان بياخد على اد مجهوده وتعبه واللى مقدره ربنا هو اللى بيكون (وعسى ان تكرهوا شيئا وهو خير لكم) وربنا يوفقنا جميعا |
بصراحه الموضوع اكتر من رائع
جزاك الله خيرا |
اولا موضوع اكثر من رائع يا شريف
وبالنسبة لحلمي كان اني ادخل كلية سياحة وفنادق ولو في اي مكان وفعلا جاتلي في الفيوم ومارضتش احول لاني كنت عايزها في اي مكان ودلوقتي حلمي اني اتفوق فيها واظبط نفسي وادخل قسم ارشاد بس لو حتي الحلم ده ما اتحققش ومادخلتش ارشاد هتفوق في المجال اللي انا فيه ومش هزعل واقعد في البيت واحب اقول عبارة بحبها :d قمة الهندسة ان تبني جسرا من الامل فوق بحيرة من الياس وادعولي احقق بقيت حلمي |
اه
كله بيربط الموضوع بمجموع الثانوية العامة.....مع ان الثانوية مش المحدد الوحيد لطبيعة الحياة..... انا مؤمنه بالكلمة اللي بتقول:كل ميسر لما خلق له وبعدين تعالو نتخيل كده: بص لنفسك..........بعدين شوف انت اد ايه من مصر..........بعدين شوف انت اد ايه من العالم.........بعدين شوف انت اد ايه م الكون كله....... عملية (الزوم اوت)دي هتخلينا نفهم ان لو توقفنا عند مرحلة ضعف مش هنخسر غير نفسنا اما لو كملنا هنفيد نفسنا ونفيد غيرنا كمان......... شكرا يا حاج ع الموضوع الممتاز |
اقتباس:
مش كله بيربط الموضوع بالثانوية العامة اللى تلاقيه رابط الموضوع بالثانوية العامة هتلاقيه لسا خارج من مرحلة الثانوية وكل الطلبة فى المرحلة دى احلامهم بتكون كتييييرة اوى بمعنى اصح بيخطط مستقبله وهو مكانه على اساس انه هيكون شئ ما فى خياله ولكن تاتى الرياح بما لاتشتهى السفن فبيبتدى بقى اللى بيزعل واللى بيضعف وبجد تلاقى ناس كتييييير طنشت وخصوصا بعد الثانوية دى مش كلهم طبعا واللى فعلا مبيحققش حلمه وبيجتهد فى حاجة تانية ربنا بيكرمه واكيد كل واحد عنده اكتر من مثال لشخص كان بيحلم بشئ ومحققهوش ودلوقتى افضل من الاول بكتييييير بس ده لو اجتهد وعمل اللى عليه انما لو تراخى وتكاسل فبتكون النهاية بالنسبة له وفعلا ممكن يتعقد الموضوع مش مرتبط بثانوية او غير ثانوية كله بيحلم الدكتور والمهندس والمدير والعامل والاب والام كله وعلى اختلاف تفكيرهم واهتماما تهم والبيئة المحيطة بيه بيكون له حلم معين وفى النهاية كل واحد بياخد نصيبه واللى بيتعب بجد بيلاقى وربنا يوفق الجميع |
اولا : الله ينور يا عم شريف ع طرحك للموضوع مهم فعلا
اما عن حلمى انا بقى انا بحلم اول ع الجمهوريه وهندسه بتروووول وع فكره المفروض الانسان مننا لما يحقق طموحه او حلمه يحط ف دماغه انه يحقق حاجه اكبر من اللى حققها عشان الحياه تكون ليها معنى |
| جميع الأوقات بتوقيت GMT +2. الساعة الآن 08:34 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.