بوابة الثانوية العامة المصرية - مزيل العرق في كلمات بسيطه ...!!

بوابة الثانوية العامة المصرية (https://www.thanwya.com/vb/index.php)

- ركن الغـذاء والـدواء (https://www.thanwya.com/vb/forumdisplay.php?f=567)

- - مزيل العرق في كلمات بسيطه ...!! (https://www.thanwya.com/vb/showthread.php?t=149838)

مزيل العرق في كلمات بسيطه ...!!

انا عارف يا جماعة ان الموضوع ده مهم لينا كلنا :d

ما علينا المهم

مزيل العرق اللى فى السوق نوعين:
1- مزيل للعرق antiperspirant
2-مزيل لرائحة العرق deodorant

حد فاهم حاجة؟

يعنى واحد بيخلى العرق أصلا ما يطلعش / أو يقلل كميته يعنى..
والتانى بيسيبه يطلع بس يقضى على الريحة نفسها!

طيب.. ايه أصلا اللى بيخلى ريحة العرق كريهة؟!

فى معلومة لازم نعرفها الأول وهى:
ان العرق يا حبايبى بيخرج من غدتين أساسيتين :
1- إكراين:
eccrine gland

ودى بتبقى:
أ- موجودة عند الإنسان من أول ولادته.
ب- موجودة فى كل حتة فى الجسم.
جـ- مسؤولة عن : تظبيط درجة حرارة الجسم.
د- 99% من إفرازها عبارة عن: مياه !! وبالتالى طبعا مش هى اللى بتعمل الرائحة الكريهة!
لأن المياه مالهاش ريحة -إلا عندنا فى مصر طبعا.. ما شربتش من نيلها؟!-

أمال الرائحة الكريهة دى بتيجى منين؟ من الغدة التانية وهى:

2- أبو كراين
apocrine gland

أهو أبوكراين ده هو أبو الريحة الكريهة بتاعت العرق :)

بس فى معلومة مهمة جدااا : ان مش العرق اللى بيفرز من الأبوكراين هو اللى ريحته وحشة!

أمال ايه؟

ده العرق ده فيه مواد معينة .. البكتريا بتحللها بإنزيم اسمه (لايبيز lypase) فتنتج مواد رائحتها كريهة!!

فهمتوا حاجة؟!

((العملية دى بتزيد خصوصًا مع وجود الشعر اللى بيسبب تراكم العرق وكمان تراكم البكتريا..))

طيب ايه هى بقى غدة الأبوكراين دى وإمتى بتفرز العرق بتاعها؟!

أ- لا تنمو هذه الغدة إلا عند البلوغ .. عشان كده الأطفال عرقهم مالهوش ريحة!

ب-موجودة فى أماكن معينة فى الجسم مش زى الإكراين فى كل الجسم!

جـ-تفرز مادة لبنية milky substance

د- تفرز العرق فى حالات معينة التى يكون فيها ضغط أو مؤثرات عاطفية مثل الغضب، الخوف ، الفرح.. وهكذا

طيب مزيلات العرق بقى بتشتغل ازاى؟؟

صلوا على النبى

باختصار:
1- مزيل العرق antiperspirant
ده له تأثير فسيولوجى بيخليه يكون مادة زى الـ"جيل gel" المادة دى بتسد الغدة العرقية فالعرق ما يعرفش يطلع أصلا

2-مزيل رائحة العرق deodorant

ده بيشتغل بطريقتين:

الطريقة الأولى:
انه يقتل البكتريا اللى بتعمل الريحة antibacterial

الطريقة التانية:
انه يسيب البكتريا بس يحط ريحة تانية تغطى الريحة الكريهة زى بيرفيوم

بس كده..!! :028ja7:

ده باختصار أهم المعلومات اللى محتاجين نعرفها عن ... "مزيل العرق"

جزاك الله خيرا
في انتظار المزيد من الموضوعات

حلو اوى الكلام ده

جزاك الله خير وممكن تعمل مواضيع اكتر ةاكتر وياريت حضرتك تمدنا بالمفيد مع اخوتنا الاخرين وربنا بجعلة فى ميزانات حسنتكم يارب وبالتوفيق فى الدارين للجميع

جزاك الله خير على التوبيك اجميل دة ونريد المزيد من هذه الموضوعات
وربنا بجعلة فى ميزانات حسناتك

اقتباس:

1- مزيل العرق antiperspirant
ده له تأثير فسيولوجى بيخليه يكون مادة زى الـ"جيل gel" المادة دى بتسد الغدة العرقية فالعرق ما يعرفش يطلع أصلا

طب
انا عايزة أسأل سؤال
وعايزة إجابه تكون صح
النوع زى ريكسونا والحاجادت دى
مضرة ولالا؟
ياعنى بتأثر و تسبب امراض ولالا؟؟

اقتباس:

المشاركة الأصلية كتبت بواسطة د/ نـــ غ ـــم (المشاركة 1547718)

بصي يا د/ نـــ غ ـــم اللي بيحصل
انه بيكون الجيل Gel مع افرازات غده أبوكراين apocrine gland
وبالتالي يقفل المسام فافرازات غده إكراين eccrine gland
متقدرش تخرج ودي مش مشكله لان الغده مش موجوده بس تحت الابط ودي اصلا لو افرزاتها مخرجتش من الجسم .
دي مشكله لانها اللي بتنظم درجه حراره الجسم من خلال افرازتها من العرق
فبالتالي لما متخرجش بسبب ان المسام اتسدت في المكان ده بتخرج من اي مكان تاني

اقتباس:

المشاركة الأصلية كتبت بواسطة kindgirl (المشاركة 1546347)

جزاك الله خيرا
في انتظار المزيد من الموضوعات

باذن الله شكراا لمررك

اقتباس:

المشاركة الأصلية كتبت بواسطة mahmoud harbia (المشاركة 1546367)

حلو اوى الكلام ده

شكراا ليك يا رب اكون افدتك بشيء
شكراا لمرورك

اقتباس:

المشاركة الأصلية كتبت بواسطة drsara (المشاركة 1546659)

باذن الله اعمل موضوعات اكتر تفيدكم

وشكراا لمرورك

اقتباس:

المشاركة الأصلية كتبت بواسطة dr/riham (المشاركة 1546962)

جزاك الله خير على التوبيك اجميل دة ونريد المزيد من هذه الموضوعات
وربنا بجعلة فى ميزانات حسناتك

باذن الله في موضوعات كتيره

شكراا للمرور

شكراً على المعلومات