|
مش عارف أجيلك يارب
مش عارف أجيلك يا رب أنا مش خليل الله أرتمى جوه قلب النار وأخرج "برد وسلام" وانا مش كليمك ولا عندى العصا أشق بيها البحر واضرب قلب خوفى لجل ما اعبر بالكلام ولا انا نوح أركب سفينة النجاه أهرب بقومى للحياه أنا عبد نفسى تحبنى أنا عبد نفسى تضمنى تبعد شيطانى تهت وتاهت سكتى ف الدرب ضلت خطوتى ووقعت مش عارف أقوم وانت الملك وانت العزيز وانت القريب م الوريد انت الودود وانا كل عمرى بيرتجف من خوفى منك مش عارف أدعى من ذنوبى وانت قلت انك قريب ادعونى استجيب وانا ليل نهارى بادعى واقول يارب انت العظيم تواب رحيم بتتوب على عبدك وتاخده ف رحمتك مشتاق لشجرة ف جنتك مشتاق لطلة ع النعيم إنت الكريم بس أعمالى قليلة والحيلة تاهت من إيديا مش لاقى سكة غير مكانك مش لاقى حد ياخد بايدى وانت سيدى لجل حبيبك النبى ماتسيبنى ليها الدنيا واخدانى إليها بتغرنى بتهزنى بتهدنى والشيطان واقف قصادى خدنى ليك يارب جنبك خدنى ليك أنا قلبى حبك من زمان من يوم ما جيت بس مش عارف أجيلك = محمد على |
محمد علي الفنان
قول كمان وكمان اشجينا وحسسنا بالقران دا كلامك مش كلام جان في انتظارك مزيدك يا اجمل فنان |
تحية احترام وتقدير لحضرتك
اللهم أنر قلوبنا وثبتها على الإيمان بنور وجهك العظيم ياأكرم الأكرمين استاذي الفاضل تسلم ايديك وجعلها الله في ميزان حسناتك وجزاك خيرا ووفقك ودمت مبدعا نغم |
الاخ الفاضل / محمد على قصيدة جميلة جداً تبيبن فيها ضعف الانسان وسيطرت الشيطان علية أسلوب جميل وسلس وفكرة رائعة جدا لا حرمك الله نعمة الاحساس ودمت مبدعاً لنا تقبل مرورى فى رعاية الله .. اللهم ما الهمنا سبل الطريق اليك |
مش عارف أجيلك .. والله العظيم الطريق إلى الله ما في أسهل منه .. وفعلاً كتير من الأوقات بنغمض عنينا وكأننا مش عارفين مكانه .. كل الحكاية كل الطرق .. الحل الوحيد .. والبسيط .. والأكيد .. بس .. نفتح عيونا .. هنعرف الطريق لله ..
تسلم ايدك يا محمد .. وبارك الله فيك أخي الغالي |
السلام عليكم ورحمة الله وبركاتة
ادام الله لك احساسك الرائع ودقة تعبيرك كلماتك جسدت لنا ضعف الانسان امام الشيطان سلمت اناملك الذهبية على ماخطت وابدعت تقبل تحياتى |
بجد روعه ما شاء الله عليك تسلم ايدك عليها بجد يارب يجعله فى ميزان حسناتك |
جميلة اوي يا استاذ محمد
بجد ماشاء الله مش عافة اسمي اللي فيها ده مناجاه ولا ايه بس مش عارفة دايما رائع يا استاذ |
كان نفسى أول واحد يرد عل قصيدتك يا محمد يا على.. بس نصيبى كدا دايما متأخر ..يبدو أن روحانيات رمضان عاملة معاك شغل .. و كأنك عايز تقول : " أنا فرد واحد م البشر أنا مش نبى من فوق.. وإللى يهز البشر بيهزنى بالذوق ." و نفيت عن نفسك صفات الأنبيا ..
أنا عبد نفسىتحبنى أنا عبدنفسى تضمنى تبعد شيطانى تهت وتاهت سكتى مهما كترت الذنوب و المعاصى ليس هناك ملجأ إلا الله.. و نشوف بقى التعبير الجميل وانا كل عمرى بيرتجف من خوفىمنك العمر كله مش خايف بس لأ و مرعوب و بيرتجف من خشية الله. هنا الشاعر مش طماع .. لا طمعان فى قصر و لا قيراط فى الجنة.. طمعان فى شجرة أو فرع منها .. يارب تنولها مشتاق لشجرة فجنتك مشتاقلطلة ع النعيم إنت الكريم الإعتراف بان الأعمال قليلة... تعبيرات القلق و الحيرو و المتاهة تبدو واضحة فى : بس أعمالى قليلة والحيلة تاهت منإيديا مش لاقىسكة غير مكانك مش لاقى حد ياخد بايدى تأتى 3 أفعال فى المضارع مشبوكة بحرف الباء إللى مكهربها .. بتسلسل من الأقل إلى الأكثر و العكس.. بتغرنى بتهزنى بتهدنى و تنتهى القصيدة بالمناجاة ورفع أكف الضرائع .. لكى نعلن انه " يارب مفيش غيرك هيرحمنا" تحياتى لك أيها الشاعر الجميل... كان نفسى أقول و أطول بس خايف الناس تملنى |
اقتباس:
حبيبى شكراً على زيارتك ويارب يجمعنا ف جنته |
كلام جميل وهى كويسة بس حكاية العامية مع الفصحى دى بتبوظ الدنيا |
اقتباس:
وأود أن أوجه حضرتك انها قصيدة عامية وموزونه قدر استطاعتى وليست خليط بين الشعر العامى والفصحى وأعتقد أن مفيش حاجه بايظة ان شاء الله |
اقتباس:
ادعو الله أن يجازينا خيراً |
كلام رائع وجميل وكله نابع من القلب يا استاذ محمد علي
القافية فيه قليلة شوية بس هو اجمالاً جميل ربنا يزيدك ونشوف ابداعاتك كمان وكمان |
اقتباس:
رائعة الكلمات يا استاذ محمد دمت مبدعا |
| جميع الأوقات بتوقيت GMT +2. الساعة الآن 10:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.