بوابة الثانوية العامة المصرية - يا ترى تذاكر من دلوقتى ولا ايه

بوابة الثانوية العامة المصرية (https://www.thanwya.com/vb/index.php)

- كليات المجموعة العلمية (https://www.thanwya.com/vb/forumdisplay.php?f=159)

- - يا ترى تذاكر من دلوقتى ولا ايه (https://www.thanwya.com/vb/showthread.php?t=150218)

الاهلى النجم

31-08-2009 04:58 PM

يا ترى تذاكر من دلوقتى ولا ايه

السلام عليكم اولا

انا رايح السنة دى صيدلة اسيوط

وقلقان بالنسة للمواد اللى هنخدها و بالذات لمشكلة اللغة

ياريت تساعدونى هل نذاكر حاجة دلوقتى

انا مستنى الردود على المنتدى او على الياهووو وده ايميلى : azeemovitch

* dr.sara*

31-08-2009 05:03 PM

ما تخفش ان شاء الله كله بيبقى سهل بالمذاكرة
وبالنسبة للغة فصدقنى كلها اسبوعين وهتبقى اتعودت خلاص بس بشرط تحضر المحاضرات باستمرار وتروح تبيضها او تقراها على الاقل
وربنا يوفقنا جميعا

Dr..Ahmed

31-08-2009 05:06 PM

اقتباس:

من رايى اخل على المواضيع الموجودة فى المنتدى واعرف بس مجرد نظرات سطحية بدون تعمق علشان تحب الكلية وتكون مستعد للكلمات الاجنبية عليك او تروح الكلية بتاعتك دا لو انت من اسيوط ... وربنا يكرمك لسة الوقت متاح بس اهم حاجة ماتهملشى فى مذاكرتك والموضوع ده نقلته من احدى المنتديات هيبسطلك كل حاجه "(( دليل الطالب المستجد ))**

Dr..Ahmed

31-08-2009 05:07 PM

اقتباس:

تبيضها

يعنى ايه تحددها يعنى

davy jones

31-08-2009 05:13 PM

الكلية مش بالصعوبة اللى انت فاكرها دى

وبعدين كل سنة اولى بتبقى كده والدكاتره بيراعوا ده

ثانيا انت لازم متتعبش نفسك فى الاجازة

ده حتى اسمها اجازة يعنى راحة خاصة بعد اللى شوفته فى الثانوى من حيث انك مكنتش بتلاقى اجازة ابدا

* dr.sara*

31-08-2009 05:16 PM

اقتباس:

المشاركة الأصلية كتبت بواسطة dr..ahmed (المشاركة 1550611)

يعنى ايه تحددها يعنى

انتوا بتكتبوا ورا الدكتاترة بسرعة وبخط اى كلام لانك مش
هتلحق تحسن خطك فبترجع تكتبها بخط كويس فى كشكول هو ده معناه تبيضها

The Genius

31-08-2009 05:20 PM

كلام Dr. Sare صح التبييض معناها هتكتبها في البيت بخط افضل علشان تعرف تذاكر منه او علشان لو هياخدها منك حد من زمايلك لان طبعا في المحاضره مش هتلحق تكتب حتى بخط كويس
ويا دكاتره انتوا بتتكلموا عن ا لمذاكره من دلوقتي ايه بس
استمتعوا بوقتكم وبالشهر الجميل ده بس لما يبدا الجد خلاص بقى مفيش هزار
والمواد جميله ولذيذه وكل حاجه بسيطه ان شاء الله وموضوع اللغه طيب ما احنا برده نا داخلين كده بعد كده حياتنا بقت كلها انجلش لدرجة انه اثر على كلامنا في الطبيعي:078111rg3:

Drsara

31-08-2009 06:08 PM

انا كنت عاوزة استفسر عن كدة لكن ردودك كانت خير اجابة على سؤالى شكراا وجزاكم الله خير

Bent 3bdo

31-08-2009 08:19 PM

نذاكر م دلوقتى
ليه ياعنى
انتو اتعودتوا ع نظام ثانوى ولا ايه؟؟
الناس ف الجامعه بتذاكر اخر شهر وانتو تذاكرو قبلها بشهر
الموضوع مش هيبقى صعب للدرجه دى ان شاء الله
ف مواضيع ع النت كتير
ف هنا ف المنتدى وف كتير ف منتديات الصيادله
بتتكلم ع المواد و ازاى تذاكرها و نصائح لاول سنه وكده
و ربنا يوفق الجميع ويحقق احلامه

د. رغد

31-08-2009 10:17 PM

جزاكم الله خيرا علي هذه النصائح

* dr.sara*

01-09-2009 12:35 AM

اقتباس:

انتو اتعودتوا ع نظام ثانوى ولا ايه؟؟
الناس ف الجامعه بتذاكر اخر شهر وانتو تذاكرو قبلها بشهر

اخر شهر دى متنفعش فى صيدلة خااااااالص
اللى بيذاكروا فى اخر شهر دول كبيرهم يجيبوا مقبول او جيد
اهم حاجة يا جماعة المذاكرة اول باول ولو حتى قراءة بس مش لازم مذاكرة شديدة اوى ولا حاجة زى ما قلت تروح تبيض المحاضرة وفى يوم تانى تقراها او تذاكرها بتركيز هوا ده اللى يضمنلك التفوق ان شاء الله
ربنا معاكم ومعانا يا رب ونحقق الل نفسنا فيه

Bent 3bdo

01-09-2009 01:46 AM

اقتباس:

المشاركة الأصلية كتبت بواسطة * dr.sara* (المشاركة 1551755)

ليه بس يا دوك مصرة تفكرينى

ان شاء الله هنبقى نذاكر بس مش قبل الدراسه ياعنى:d

الاهلى النجم

01-09-2009 02:43 PM

بارك الله فيكم جميعا الصراحة مش لاقى كلام اقولوا بعد كل الردود دى

جميع الأوقات بتوقيت GMT +2. الساعة الآن 01:29 PM.