|
لغز قديم بس حلو
بسم الله الرحمن الرحيم أولاً كده اللغز ده قديم و يمكن ناس كتيرة عارفينه و الله أعلم إذا كان حد حطه فى المنتدى و لا لأ المهم اللغز كالآتى عندنا 12 كورة متشابهة فى الشكل و لكن أحدهما مختلفة فى الوزن و المطلوب باستخدام ميزان ذى كفتين ثلاث مرات استنبط أى كرة هى المختلفة بالتوفيق |
يتهيألى صعب تيجى :confused::confused: الا بالصدفة بقى :d |
اقتباس:
السلام عليكم اللغز ناقص يجب تحديد هل الكرة المطلوبة أثقل أم أخف !!! أرجو التوضيح من فضلك :078111rg3: |
اقتباس:
و عليكم السلام و رحمة الله و بركاته لو حددت اللغز هيبقى سهل إنما ده صعوبته هتحط احتمالات بأنك فى خطوات الحل هتكتشف الكرة المختلفة أتقل و لا أخف يعنى فى الحل هنحط الاحتمالات المتاحة و تاخد فى الحسبان أنك متعرفش الكر أتقل و لا أخف بس اللغز مش ناقص ده حتى مشهور شوية |
اقتباس:
و رينا مهارتك يا أهلاوى يلاّ الهمة يا بطل |
اقتباس:
اقتباس:
|
الحل على ما اعتقد سهل
اللغز سهل خالص محدش فهم حاجة صح ؟؟؟؟اليكم الحل بس ركزوا معايا : هنقسم ال 12 كرة قسمين متساوين اكيد هيطلع جزء اتقل من التاني صح ؟ هنمسك الجزء الثقيل لو اعتبرنا ان الكرة الشاذة ثقيلة يبقى لازم الجزء الثقيل هو اللى زايد بينما الجزء الخفيف هو اللي طبيعي صح ؟ يعني لما نقسم الجزء الثقيل الى جزئين لو طلع جزء اثقل من الاخر يبقى الافتراض صحيح ونوزن كرتين بس لو طلعوا الوزن ثابت يبقى الكورة الاثقل هي اللى متوزنتش ولو ناحية اثقل يبقى هي دي الكورة الاثقل لو طلع الاثنين متساوين يبقى الافتراض غلط ليه لان كل الكرات متساوية يبقى الكرة المختلفة مش موجودة مفيش كرة شاذة نروح للقسم الاخر اللى كنا بنحسبة طبيعي لأ هو اخف من الطبيعي ونقسم ال6 الى 3 و 3 ونوزن القسم الاخف هو الذي يحتوي على الكرة الاخف ساعتها نعمل اللى عملناه في القسم الاول يعني نحط اثنين على الميزان ولو الكفتان متساويتان يبقى الاخف الى متوزنتش ولو واحدة اخف من التانية تبقى هية |
اقتباس:
عنك حق يا أخ عبد الرحمن :078111rg3: إذن نقوم بترقيم الكرات من 1 إلى 12 وياريت حد يكمل .............. وإلا أكمل أنا :078111rg3: |
د أحمد الحل للأسف ليس بصحيح حاول مرة أخرى
بشمهندس محسن فعلاً ده الخطوة الأولى و هتقسم الكور لثلاثة مجموعات كل واحدة أربع كور و على فكرة يا بشمهندس محمود رد فعلك كان نفس رد فعلى و رفضت حى التفكير فى اللغز لحد ما عرفت إن فيه فزورة كده و عرفت الخطوة الأولى أى خدمة تانية إلا مهندسى طنطا لو تحب أغششك تانى هقولك لأ يا حبيبى غش بمجهودك بقى ^_* منتظر الحلول و المحاولات |
ياجماعة انا شايفة ان كل الكور هتكون بنفس الوزن ماعدا وحدة بس فممكن أعرفها من شكلها
لأنها هتكون أكبر شوية من الباقي أو اني |أوزنها مع أكورة تانية وهيبان مين التقيلة فيهم |
اقتباس:
الكور متشابهة تمامًا بس واحدة مختلفة فى الوزن و ده يرجع لأنها أكيد مصنوعة من مادة كثافتها مختلفة فالشكل مش هيفرق فى اللغز |
اقتباس:
عمر الحجم ما دل ع الكتله .. ممكن كتله كبيره تبقى مختزله في حجم صغير .. او كتله صغيره وواخده حيز كبير .. مش منطق خالص .. دووومتي .. |
هما تلات مجموعات كل مجموعة اربع كور
هنوزن كل مجموعة مع التانية هيطلع اتنين وزن بعض والتالتة وزنها مختلف اقل او اكتر دا هيبان ف الوزن هنمسك المجموعة دي ونقسمها لمجموعتين صغيرين كل واحدة كورتين ونزنهم لو كان ف الاول الجزء المختلف ف الوزن اكبر هناخد الوزن الاكبر هنا بردو ولو كان اقل هناخد الاقل المهم هناخد الكورتين اللي وزنهم هيكون اكبر او اقل دول ونقسمهم كل كورة ف كفة الكورة طبعا هيكون كورة اتقل وكورة اخف لو من الاول الجزء المختلف اكبر يبقى التقيلة دي هيا المختلفة ولو من الاول الجزء المختلف اخف يبقى الكورة الخفيفة هيا المختلفة .... يارب يكون الحل دا صح |
بص هو الحل مش كده بس تفكير كويس و فيه تلميحات على أجزاء من الحل الصحيح
عايزين محاولات تانية يا زاك بك الهمة يا جماعة و لو محتاجين تلميحات معنديش مانع |
مارأيكم إخوانى هل أقوم بحل هذا اللغز أم أنتظر محاولات باقى الأعضاء ؟ |
| جميع الأوقات بتوقيت GMT +2. الساعة الآن 06:57 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.