إدارة الأعمـــال
 

هاااااي أخواني وأخواتي ..كل سنة وإنتم بخيــر ..

حابة أسألكـــم عن البيزنـس لأني حابه أدرسه بمصر .. ممكن تفيدوني وتقولولي ايش أفضل جامعة ممكن أدرس فيها البيزنــس ..
وكم مدة الدراســة ؟!

ويعطيكـ،،ــم ألف عآفيـــة <:)

مده دراسة فى اى جامعه 4 سنوات فى جامعات كتيرة اوى
لو عاوزة حكومى يبقى القاهرة وعين شمس واسكندريه
عاوزه اجنبى فى جامعه الامريكيه والالمانيه والبريطانيه بس دولا مصاريفهم نار نار نار يعنى
لو عاوزة خاصه فى جامعه مصر للعلوم والتكنولوجيا ودى من افضل جامعات فى الدراسة
وفى جامعه مصر الدوليه وفى 6 اكتوبر كتير اوى يعنى

بصي يا قمر انتي طبعا مش ينفع معاكي جامعة حكومية لسببين : الاول التنسيق خلاص تقريبا خلص ، التاني انك مش معاكي الجنسية ولا مع والدك
يبقى مش قدمك غير الجامعات الخاصة . ناس كتيييييييير اوي بيشكرولي في ادارة اعمال في جامعة ال miu
وفي ال guc
لكن مش اعرف الباقي اية النظام في بصراحة.
ممكن حد تاني يفيدك في الباقي .
ولو عايزة معلومات عن اي جامعة منهم هتلاقيها على جوجل

fuoozz & sh2awa _ 91


شُكَـــرآ لكُــــــمْ :)

اهلا بيكي انا داخل اولي ادارة اعمال في جامعة مصر للعلوم و التكنو لوجيا في حي 6 اكتوبر و دي جامعة من افضل الجامعات في مصر في قسم البيزنس و لو عايزة معلومات اكتر انا الايميل بتاعي

هلا فيـك أخي ..

جامعة مصر للعلوم والتكنولوجيا فعلا جامعة ممتازة ومشهورة فيها تعليم أون لاين بس ماأعرف هو اتقفل والا ايش ؟! لأن صفحته ماتفتح وهيا من الجامعات القليلة اللي شهادتها معتمدة عندنا اقصد الدراسـة عن بعد .. فياليت اذا عندك خلفية عنه تديني خبر .. وربي يوفقك .. مشكـوور :)

بصي يا فندم .. احسن جامعة في مصر تقدري تدرسي فيها .. هيا الجامعة الامريكية بلا منازع

- مصاريفها 42 الف في الترم الواحد

- عدد الساعات عشان تاخدي الشهادة 136 ساعة تقريبا على مافتكر

- التسجيل والتقديم حاليا خلاص خلص ..

لو عايزة تقدمي فيها يبقي استني لشهر يناير الجاي قدمي في الـ spring semester

- تمن ملف التقديم 250 جنيه مصري

- فيه اختبارات انجليش كتيره بتتعمل .. فانتي طبعا لازم تكوني مؤهلة تأهيل كامل للانجليش

- الدراسة فيها كلها انجليش ومافيش ولا كلمة عربى

- الاعداد قليلة جدا جدا جدا .. الدفعة كلها بتكون في حدود 100 طالب

وبيتم تقسيمهم على 6 سكاشن بحسب اختيارك وأسبقية حجزك في المواد

- مكان الجامعة موجود في القاهرة الجديدة / التجمع الخامس

- يستحسن يبقي معاكى عربية عشان تبقي عملية الوصول سهلة ..

ومصاريف الباركينج 1500 جنيه في السنة (السنة اللي فاتت كانت 3000 جنيه)

- مصاريف الاقامة :

فيه مكانين للاقامة تابع للجامعة .. واحد في منطقة اسمها الزمالك وواحد تاني داخل الحرم الجامعي نفسه

>> اللي في الزمالك تمن الاوضة الواحده 15 الف في الترم الواحد (30 الف في السنة)

>> اللي داخل الحرم تمن الاوضة الواحده 11 الف في الترم الواحد (22 الف في السنة)

و طبعا المعلومات اللي فوق دي مؤكده ومافيهاش غلط ومصدرها ناس صحابي في الجامعة ذات نفسها

ربنا معاكى ويوفقك وتنوري القاهرة ان شاء الله

شكـرا ع الرد الحـلو ..

طيب ماتعرف إذا فيهــا دراسـة عن بعد ؟!

وقصدك 42 ألف جنية .. صح ؟



ويوفقــك ويسعـدك .. ومصـر منورة بأهلها الطيبيــن :)

لا مافيهاش دراسة عن بعد خاالص

مظبوط .. صح كدا