هل تعرضت للعنصريه قبل كده ؟؟؟؟؟؟؟؟؟؟؟؟؟؟؟
 

اظن ان العنوان واضح جد انه بيتكلم عن موضوع العنصريه انا عايز اعرف

1- سبق واتعرضت لموقف عنصري علي اساس نوعك أو لونك او دينك ؟
2- ايه شعورك لما اتعرضت للموقف ده ؟
3- هل انت تعاملت مع الموقف انه موقف عنصري ولا عادي بتحصل كتير " بتحصل في احسن العائلات "
4- هل لما حدث معاك الموقف كان من ناس غرباء ولا قريبين منك وتعرفهم كويس

لو مكنش حصل معاك او معاكي موقف وحصل لاقاربكم او زملائكم ممكن تدونا فكره عن الموضوع

والسؤال الاخير:- طبعا انت سبق وعاملت حد بعنصريه وندمت بعد كده ولا محصلش معاك خالص

لأ انا اتعرضت لمواقف عنصرية بسبب جنسيتي
لأني عشت في السعودية 3 سنين
بس قليل منها اللي كان مؤثر بجد
ومصر أم الدنيا مهما عملت فيا

أنا كمان إتعرضت السنة اللي فاتت لعنصرية رهيبة بسبب كوني مصرية
لإني السنة اللي فاتت كانت أول سنة ليا أعيش في السعودية و كنت في مدرسة سعودي و إتعرضت طول السنة لمواقف صعبة جداً جداً مع ذلك كنت أنا وصحابي بنضغط على نفسنا كتير و بنستحمل بس آخر السنة إنفجرنا فيهم
أكتر حاجة كانت بتضايقهم مني و من كل المصريين اللي كانوا معانا إننا كلنا كنا طول الشهور و طول السنة الأوائل على المدرسة ده كان بيجننهم و بيخليهم يعاملونا بعنصرية رهيبة جداً من أول مديرة المدرسة مروراً بالمدرسين لغاية البنات الساقطين و اللي بيعيدوا السنة و كانوا بيتحججوا و بيتلككوا و بيفتعلوا مشاكل و كل مرة كنا نهزمم فيها بالأدب و بالإحترام كانوا بيذدادو عنصرية تجاهنا
كنا أنا و أصحابي بنصبر نفسنا و بنقول إذا كانوا هما بينهم و بين بعضيهم عنصريين لأقصي درجة يعني مثلاً البدويين مش بيحبوا الحضر و العكس و اللي لونهم فاتح بيشتموا اللي لونهم أغمق و كل واحدة من قبيلة معينة بتشتم اللى من قبائل تانية
بس الحمد لله السنة دي أنا هدرس المنهج المصري و هاريح دماغي

انتم هتقولولي علي السعوديين دول اكتر ناس بيعاملوا اللي هناك بعنصريه وده حصل مع واحد صاحبي طبعا هناك المدارس في السعوديه يا اما مدارس بنين او مدارس بنات مفيش مدارس مشتركه صاحبي ده اول يوم راح هناك الطلبه اللي معاه كانوا بيضايقوه ويعايروه انه مصري ووصل الامر انهم ضربوه بعد المدرسه من غير اي سبب وكويس يجماعه انكم بتعرفوا تتغلبوا علي المواقف دي
في ناس بتعتبر انها ما دامت تتعامل بعنصريه من فرد ما بتعتبره قانون وعلي الاساس ده بتتعامل بيه مع بقيه النااس بس احسن حاجه انك مبتعامليش حد بعنصريه

تقريبًا معظم الناس اتعرضوا لعنصرية

سواء فى مصر أو السعودية أو أمريكا أو الصين تقريبًا فى كل حتة

و خصوصًا ان احنا بنجمع الحجات المتعرضة للعنصرية

مسلمين
عرب
مصريين

بس مقولتش لينا أنت اتعرضت لمواقف عنصرية يا بروف أنس ؟؟؟

مقدرش اقول عليها موقف عنصريه اوي ممكن يكون تفضيل نا لما كنت في الثانوي العام " الله لا يرجعها تاني" كان يعني مثلا الولد ميتاخرش لما يروح المدرسه الولد ممكن ينضرب البنت لا بس انا مكنتش بحط في دماغي الكلام ده كنت متبع مبدأ take it easy ياعزيزي وياسلام علي الناظر بتاعنا اكيد قرات مواضيعي عنه في المنتدي

بس هى دى الحكاية

ممكن يكون في حالتك خوف عليكي من الاهل يا انسه دينا وليس عنصريه انا قصدي يعني انت مبتعرفيش تاخدي حقك علشان انتي بنت وياريت توضحي اكثر

مش باخده فى حاجات كتير اوى
اقله انى اتواصل مع صحابى, اشوفهم او اكلمهم
انا معزولة عن العالم الخارجى