ممككن لحظه يا دكاتره لو سمحتم
 

لو سمحتم يا دكاتره ممكن الدكاتره اللى مخلصين اعدادى صيدله يقولولى نعمل ايه عشان نتهيا نفسيا للكليه
حاجه نقراها مثلا مدخل للكليه تمهيد عن المناهج مش اساميها لا اجزاء من المنهج تمهيد عن المنهج كده يعنى عشان منحلش نتصدم بالمناهج كلهم يعنى بيقولو انها سهله لكن انا قلقانه

طيب انتى اعداى صيدلة ايه؟؟؟؟؟؟؟
عشان بتختلف من كلية لكلية
بس عموما ما تخافيش يا حبيبتى خالص
بصى هقولك انا كنت بعمل ايه
كنت بقعد ادور فى النت على المواد اللى بتاخدها كليتى اسمها ايه و هدرس فيها ايه
عشان مبقاش خيفة و كمان فى الكلية هتلاقى زى اسر او مجموعات بينزلوا زى مذكرات عشان تعرفك اكتر على الكلية
انا بردو كنت باخدها و اقرأها و كانوا حاطين كام كلمة انجليش فى كل فرع ممكن يفيدونا
هما بصراحة الكلمات دى فادتنى شوية
و طبعا نصيحة من عندى اوعى تراكمى المواد عليكى علشان ضغط الاعصاب
و خاصة مادة النبات لو عندكم
ذاكريها اول باول
هو ده اللى اقدر افيد بيه دلوقتى
و لو عندك اى استفسار انا تحت امرك يا قمر

جزاكي الله خيرا علي الافادة

طب ازاى استعديت لدخول ثانوية عامة؟!!!؟؟؟؟!!!!

أنا عن نفسى عادى مفيش تصادم ولا حاجة
و ربنا يوفقكم

يا جماعه ممكن حد عنده خبره بكليه الصيدله يفيدنى ويقولى هل التشريح اساسى فى كل كليات الصيدله ولا ممكن نلاقيه وممكن لا حسب الكليه

بصى يا قمر الموضوع مش محتاج انك تقراى عن المناهج من دلوقتى خااااالص
لاء استمتعى باجازتك يا جميل وصدقينى الموضوع مش صعب زى ما انتى متصورة خالص
لو عايزة تقراى حاجة يبقى اقراى موضوع عن موادكوا عشان تعرفى ايه المواد و طريقة مذاكرتها وكده
بس مش اكتر لكن متشغليش بالك بالمناهج من دلوقتى خالص
كل حاجة لها وقتها يا هبة
وربنا معاكى يا جميل وعقبال ما نباركلك على الامتياز ان شاء الله

عندنا فى عين شمس لسه ملغى التشريح السنة اللى فاتت فى اعدادى
لكن الدكتور بيشرحها واحنا نشوف بس ايه ال organs وال b.v. اللى فيها
اما فى القاهرة فى سنة اولى معندهمش تشريح اصلا لانهم مش بياخدوا زوولوجى اصلا فى اول سنة
لكن اعتقد باقى الكليات زى اسكندرية واسماعيلية و طنطا لسه فيها تشريح

شكراااااا ليكم كلكم يا دكاتره وان شاء الله ربنا يوفقنا كلنا وشكرا جدا والحمد الله زال التوتر شويه شكرا ليكم
كلكم ويا ريت لو حد عندو معلومات تانيه ارجو الافاده وشكرا ليكم مره تانيه

لو انتى ف صيدلة اسكندرية ف دليل اعدادى صيدلة ف المكتبة بتاعة الكلية بيعرفك فيها كل حاجةعن المواد اللى هتدرسيها وتوزيع الدرجات بتاعتها وطرق مذاكرة كل فرع وكل حاجة تخطر على بالك انتى عاوزه تعرفيها عن اعدادى بجد فادتنى كتير وعرفتنى كل حاجة عن نظام الكلية من قبل ما ادخل ولو مش ف اسكندرية اكيد بيبى ف الكليات التانية بجد هيفيدك اوى
وفيه جروب ع الفيس بوك ممكن تستفيدى منه برده اسمه sydalet alex
وربنا يوفقنا كلنا