حد يقولى
 

حد يقولى جدول تجارة القاهرة انتظام امتى ياريت وبعدين يوم ما رحنا نقدم ادولنا وصل هو دا نستلم بية الكتب ومنين ارجو الرد ضرورى وهو قين شئون الطلبة

انا جامعه عين شمس سوري مش هقدر افيدكم

لسه مانزلش .. اول ماينزل على طول هايكون موجود ع المنتدي ان شاء الله

اولاً الكتب عمرها مابتنزل دلوقتى .. الكتب بتنزل بعد بداية الدراسة باسبوعين غالباً

وبالتالى الوصل اللي انتي خدتيه دا غالباً هايكون بتاع دفع المصاريف

وفي تلك الحالة هما هايبقوا وصلين (واحد احمر والتاني اخضر او ازرق)

دول اثبات انك دفعتي المصاريف .. تخليهم معاكي لغاية ماتيجي بداية الدراسة عشان تعملي بيهم الكارنيه

هاتقوليلي ازاي ؟ .. هاقولك خدي الوصلين دول ومعاهم صورة شخصية ليكي وتروحي للشئون

وتقوليليهم عايزة اعمل الكارنيه

اما بالنسبة للكتب فازي ماقولتلك بتنزل بعد اسبوعين من بداية الدراسة

وليها وصل خاص بيها ودفع خاص .. يعني براحتك تشتريها او ماتشتريهاش (براحتك)

الكتب كلها دفعة واحده بـ 90 جنيه

(5 مواد ومش شرط يكونوا 5 كتب عشان فيه بعض المواد بيبقي فيها جزئين) ..

لكن لو هاتشتري كتاب واحد بس مثلا انتي محتاجاه هايحاسبك الكتاب الواحد بـ 20 جنيه

والكلام دا لتجارة عربي انتظام وانتساب

لكن تجارة انجليش الكتب اجبارية عليهم .. وبتدفع مع المصاريف الدراسية

شكرا يا فاميبر