الغاء الدروس الخصوصيه
 

فى حاجه فرسانى جدا وهيا الهجوم الشديد على الدروس الخصوصيه نفس اعرف ليه محدش بيهاجم العيادات الخاصه مع ان العيادات الخاصه اخطر لان الطبيب بيهمل فى المستشفى الحكومى وبيجبرالمريض على الذهاب لعيادته...انا اعتقد ان السبب فى الهجوم هو ان المدرس اصبح ملطشه من الاعلام لا وزاره تحميه ولا اعلا م يقف جنبه لماذا لا يوجد قناه اعلاميه للدفاع عن حقوق المدرسين لماذا لا يتم تقليل اعداد المقبولين بكلية التربيه حتى نصبح عمله نادره ويقل عدد المدرسين العاطلين وهذا ما حدث فى كليات الطب حيث تم خفض اعداد المقبولين...نفسى اشوف وضع المدرس احسن من كده .....يلرب ارفع غضبك ومقتك عنا:giljotiiniug3:

اتفق معاك مليون فى المية انا عمرى ما شفت نقيب المعلمين فعلا المعلم اصبح ملطشة المعلم بيهمل المدرسة عشان الدرس او المدرسة الخاصة نفس النظام العيادة الخارجية الدكتور يهمل المستشفى عشان العيادة او المستشفى الخاصة

رحم الله امرء عرف قدر نفسه

بسم الله الرحمن الرحيم
السلام عليكم
الموضوع كبير وخطير
1- الحكومة لا تقدم سلعة تعليمية قيمة
2-- المجتمع لا ينصف الا خريجي الطب والهندسة
3- ولي الامر مغلوب علي امره لا مدرسة ولا تعليم حكومي متميز
4- التعليم الان اصبح بمرحلتيه الابتدائية والاعدادية مسألة محو امية
5- بعض المعلمين والمعلمات اصابهم الجشع والشره في مقتل اساءوا للبقية الشريفة في مصرنا
6- مبالغة البعض في اجور الحصص والشهور بطريقة جنونية مع ان لا المادة الدراسية معقدة ولاصعبة لهذه الدرجه
7-طمع وجشع اولياء الامورالاثرياء وتكالبهم علي ضعاف النفوس من المعلمين اساء للشرفاء من معلمي مصر
8- اانهيار قيم وتقاليد المجتمع المصري وفصل العبادات عن المعاملات اضاع كل شيء

الموضوع خطير ولكن العزاء الوحيد ان في مصر مازال معلمين ومعلمات شرفاء ولديهم من القيم والتدين يجعل الامل في الله وفي شباب مصر ومعلميها الخير الكثير
ابو جهاد عودة
مدرس اول لغة انجليزية

طب والحل يا جماعه امتى المدرس هياخذ حقه مثل الطبيب و المهندس ؟

المدرس المصري ليس مثل المهندس و ليس مثل الطبيب

فقيمه عمله و مردوده ضعيفه

و الدروس شر لابد منه

بسم الله الرحمن الرحيم
السلام عليكم
عن تجربة حقيقية
ابني كان في الثانوية في محافظة ما في الوجه البحري
مدرسيه او مايطلق عليهم اباطرة الدروس الخصوصية
اقل مايوصفوا به في عاصمة اقليم كاتب هذه السطور مجرمين اجرموا في حق انفسهم وفي حقوق الله والوطن
مغالاة في الاسعار ( برستيج كاذب ) كل واحد مشغل عدد يزيد عن اربع او خمس سكرتيرات لزوم ( الفشخرة )
مستواهم العلمي يندي له الجبين
بعضهم يعقد اختبار تمهيدي لالحاق المتفوقين والمتفوقات ( يعني عاوز قماشه)
وفي النهاية نتائج مخيبه للامال وتدهور في المستويات
والضحية هي ولي الامر والتلميذ المسكين
والسبب الحكومة
عامله زي البترقص علي السلم لا الفوق شافوها ولا التحت شافوها
ودافنه راسها في التراب
ودخل المعلم رغم الكادر في الحضيض
والاصلاح زي باقي خلق ربنا له اجنده الكل يعلمها وتقدمت الامم بها
ولكن!!!!!!!!!!!!!!!!!!!!!!!!!!!

والضريبه يدفعها هذا المعلم الطماع في النهاية بحكم القانون الالهي وانتقام رب العباد من هؤلاء الظالمين
اشد واقسي الف مره
ولا داعي لذكر اسماء
ابو جهاد عودة

الموضوع كبير وميتحلش بالكلام ده عاوز تناسق وتفاهم وخطة كبييييييييرة منظمة ومدروسة
لان لو المستشفيات كويسة محدش هيروح العيادات والمستشفيات مش هتبقى كويسة الا لو الحكومة احترمت الدكاترة يعني الطبيب المقيم دلوقتي بياخد 300 جنيه احسنلو يروح المستشفى وللا يقعد في العيادة وكذلك المدرس مع فرق طبعا لان الحكومة واخدة بالها من المدرسين اليومين دول
الموضوع مش سهل ابدا و............. ربنا يخليكي يا حكومة

الشرقيه الحسينيه
 

المعلم صاحب اسمى رسالة اصبح ملطشه للاسف وحسبى الله ونعم الوكيلhttp://www.thanwya.com/vb/الصور[

جزاك الله خير على ردك يا مستر عصام


و هو لسة ماخدش حقه كدا كدا مهما لغوا الدروس الخصوصية مبيفرقش مع المدرسين الا من رحم ربي

حضرتك انا موافقة ان الدروس عادي و الكلام ده كله
بس دا مبقاش تعليم!!
بقت تجارة
يعني خلاص انا عن نفسي بدخل الفصل بخرج كاني مستفدتش حاجة كلها عناوين (يعني الفصل بقى روتين ملهوش معني)

فطبعا كل مدرس عارف و متاكد مليون % ان كل الي قدامه بياخدوا بره فلي عايز يديه يديه و يكسل ع الباقي

طيب مش حرام؟؟؟؟؟؟؟؟
مش حرام ان الطلام يدفعوا اد كده عشان يشتروا المعلومة من المدرس و هم اصلا اسمهم طلاب في مدرسة؟؟؟

..... تنبح والقافلة نسير

الاخت حقها تقول رايها بس شكر خاص للمستر عصام وعامه يا اخوانى تكمله وتاكيد لكلام الاستاذ عصام مش كل المدرسين مثل اصحاب المراكز وان تطبيق قانون على الدروس مش هيمنعها دا هيزيد ثمنها لانها سلعه ممنوعه ودوما من سيتم القبض عليهم مدرسين عاديين مش الحيتان اللى كلنا عارفينهمز مش معقول اى حد يمسك مدرس داخل بيت الوزير ولا السفير ولا وكيل نيابه