|
إيه رأيكم فى كتاب ستار؟
المدرس بتاعى فى الألمانى رشحلى كتاب "ستار" وقبل ما أشتريه عايز أعرف رأى الناس هنا فى الكتاب..
الكتاب سألت عنه النهاردة لقيته بـ28 جنيه وطبعاً مفيش كتاب ألمانى سمعت إنه بالسعر ده أصلاً!! |
علي فكرة كتاب ستار كويس
بس في كتاب احلي اسمه بريمير و ده كتاب حلو قوي كنت بذاكر منه لما كنت تانية ثانوي و احلي ما في بريمير هو الاسئلة انما احلي ما في ستار هو الشرح |
ربنا يخليكى على الإهتمام، هو من ناحية الشرح فأكيد المدرس هو الموكل بأداء المهمة دى، الأسئلة المدرس برضه بيقدر يجمعلى أكبر عدد من الأسئلة المهمة لكن أكيد أنا بنفسى لما أكون قاعد فى البيت بحتاج أسئلة معينة تفيدنى أكتر
بس كتاب ستار جه من ترشيح المدرس |
بالنسبالى وبالنسبه لمدرستى
بحب كتاب استار لانه كتاب كويس جدا جدا جدا وبحس ان معظم اسالته بتيجى فى الامتحان بس فى الثانويه العامه لازم احل كل الكتب اللى موجوده فى المكتبات عشان ابقى محصنه من جميع الجهات |
انا عن نفسى افضل بريمير و المستر بتاعى هو اللى رشحهولى
|
انا اسمع ان كتاب ستار كويس ..
بس انا بستخدم بريمير حلو جداااااااا عن تجربة وده برده من ترشيح مدرسة...... |
طب تمام ردودكم ياجماعة، أنا إتكلت على الله وجبته بناءاً على ترشيح مدرسى
بس ليا سؤال تانى كمناقشة مفتوحة طبعاًً، تفتكروا الألمانى هيتطلب إنى أجيب كتابين خارجيين أحل منهم وعدم الإكتفاء بكتاب واحد فقط؟ رأيكم إيه؟ |
كتاب استار جميل واسئلته حلوة والاستاذ بتاعنا قال عليه حلو بس هو بيدينا اسئلة مهمة بتغنينا عن الكتب ولو انت محتار هات الكتابين
|
اقتباس:
|
لا ده ولا ده كتاب التهييس احلى
|
اقتباس:
|
انا سمعت ان كتاب بريمير احلي في تانية ثانوي وكتاب ستار احلي في اولي ثانوي
انا عن نفسي كنت بستعمل ستار في اولي وحبته اوي جدااااااااااا |
انا بصراحة شايفة ان الالمانى كفاية كتاب واحد دلوقتى مع ملزمة المستر وممكن بعد كدة فى اخر السنة لو كنت خلصت الكتاب تشترى كتاب تانى مراجعة لو هيبقى فيه لكن انك تذاكر من كتابين فيبقى كدة تشتيت ومش هتستفيد حاجة منهم ودة من خبرة ناس قبلينا هما اللى قالولى كدة
|
هو المدرس بتاعي كان بيستخدم ستار السنين اللي قبل كده
و قالنا ان السنة دي نزل كتاب جديد احسن من ستار ..و فيه تدريبات جميلة هو بيكون مفهوش شرح فيه قاعدة الجرامتيك و بعدين كل الاسئلة اللي ممكن تيجي فيها اسمه هيللو دويتش حلو اوي انا بشتغل منه و بردو ممكن بريمير جميل ربنا يوفقك و يوفقنا جميعا |
فى اي مكتبة يباع كتاب ستار فى الفجالة؟
|
| جميع الأوقات بتوقيت GMT +2. الساعة الآن 09:45 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.